1 SAMUELA 7:9 - Lacid Common Language Bible

⁹ Samuela gi yang nu" dadu: ri said wigi Aseing shid re" xoin" khyo" du: goin" nyang: myi: nghe' xoin" ngei" byid: bye:. Hau: thang: ri nyang: gi Israela byumyu" yiri bo pang" wa shid re" Aseing jhang akyu" mho' ziyo' Aseing gi nya: akyu" mho' dang: ri tam" gyoo: byid: bye:.

1 SAMUELA 7:9 ပူးပေါင်းရင်းမြစ်များ

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 99:6

Nya: da" khainjung Moshe yo' Arun- nyang: ri akyu" mho' su nghoid. Samuela bi" gi Aseing gi nyangnu" ri tam" gyoo: byid: bye:.

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

TARHA" TID POIN" 9:26

Houg: lho: ngoo akyu" mho' zigi ‹Yoem: moo" bo da" Aseing we"- re" yoem: moo" yo' yoem: so' khyo" Egutu mo shu" thu lo lho: nang khyoid yu bye: da" byumyu" nghoid da" re" byumyu" yiri asaid pyam o".

YAKU 5:16

Hougsu" nghoid yoomo nanu" gi nyang: cang" nyang:- nyang: nya: da" yooboo ri tid thu toung" pain go" lho: dayug shid re" dayug- akyu" mho' byid: go" nyid ge'. Houg: su" koid lang" nanu" da" noo phyoo" jamjau mo ge yang" zain: loo wa zi nghoid. Deungmain" su: da" akyu" mho' yoid thui: gi yo" bue" loo" nhang: da" yoem: myoo" sho' bo nyid.

TARHA" AGYI 6:26

He: myid boem" moo re" Aseing Mangsoo shid re" goolhoo' za: zhug da" phoin: daloem: ri koid we'. Hau: thang: ri nuloo: eig du: ein: du: ri she: yu lho: jhungshug xoin" khyo" nang zain: khyo' pyam da" Ashera da" soolhoo: ri thang" koid wigi gung goin" ri nghe' ngei" we'» ga: tid da:.

TARHA" AGYI 6:28

Voobyu yi thang: nyid" nab soin: no' mo to' re" boem ri Bala phoin: yo' Ashera da" soolhoo: gi zain: khyo' pyam lho: houg moo koid to" da" phoin: dang moo hau: nuloo: eig du: ein: du: ri nghe' ngei" byid: pyam bye: ziri myang boem ago".

1 SAMUELA 10:8

Ngoo nang yo' shoug" go" wigi myi: nghi' xoin" ngei" byid: ziyo' zoem" khau: xoin" to' khyoo: koid wa ein: da" Gilgala khyoo: nga" shid moo nang yhe: loo" wa zi nghoid. Re" jhang khyoo: ngoo ju" re" wigi nang koid wa da" moo" zoo" ri ngoo tid kyo" da" ayo, ju" sho' hau: joyoo moo nyhed nyid" ju" sho' lang" nyid shi" we'» ga: tid.

1 SAMUELA 12:17

He: ayo, gi moug: kyug myid kyug da" ayo, anghoid rhe". Nghoid loug we' Aseing gi moug: goem: goem: wigi moug: voo nhang: we' ein: ngoo akyu" mho' kaid wa zi nghoid. Hau: zi bue" loo lang" nanu" nya: jang" moo khokham mho' da" khyoo: gi Aseing ri nanu" yooboo zeing shoid bye: ein: ziri nanu" nyang: se' lo boem wa zi nghoid.»

1 SAMUELA 16:2

Samuela gi «Hau: moo" zoo" ri ngoo khasu" koid wa la". Hau: khyoo: joem Sholu shoug" gyoo: lang" nyang: ngoo ri said pyam wa zi nghoid» ga: myid: bye:. Aseing gi «Nang yo' dage" nu: zoo: dadu: she: yhe: wigi hau: Aseing ri nang xoin" ngei" wa shid re" yhe: zi nghoid» ein: tid we'.

1 SAMUELA 2:35

Ngoo ri loem" jeung" da" khainjung dayug ri ngoo khyen: yu wa nghoid. Ngoo nyang: ri zei: nhang: nau gu: dangain" ri zei: loo" wa zi nghoid. Ngoo khyen: to" da" khokham shidkhoin" moo pyaid goin" dei byid: nyid wa shid re" byumyu" akung: ri ngoo byid: wa zi nghoid.

1 SAMUELA 7:17

Hau: thang: ri nyang: gi Rama voogung mo nya: yhoem: khyoo: lo" wigi houg: moo we' tarha" agyi moo" zoo" ri lo" zei: nyid da:. Rama voogung moo we' Aseing shid re" xoin" to' phoin: daloem: ri we' nyang: koid too" bye:.

1 SAMUELA 9:12

Myiyi: zoo: yigi «Nghoid bye:- nyang: nyid da:- Akhid" nyang: gi re" tang: da" shid moo za: shi" danghoid. Re" tang myab nghoid rigi nyang: ri re" tang: khaid myhi: shi" goo" wa zi nghoid. Re" tang: voogung moo ju" vang loo" yo' nyang: ri myang zi nghoid. Boug gung mo xoin" to' jang" moo byumyu" yigi xoin" ngei" byid: goo" wa ga: yoomo akhid" nyid" hau: voogung khyoo: nyang: ju" wa zi nghoid. Hau: xoin" ri nyang: xang: shi" mainkaid byid: wa zi nghoid yoomo hau: jang" moo nyang: aju" ju" gi khe: to" da" byumyu" yigi ciri we' yo" zo: shid" wa zi anghoid. Re" tang: akhid" nyang: yhe: nghoid rigi zoo: wa shid re" nyang: boem khyoo: ado, loo" shi" uri nyang: yo' re" tang: shoug" goo" wa zi nghoid» ga: wigi tid kaid ago".