1 SAMUELA 7:6 - Lacid Common Language Bible

⁶ Hougsu" nghoid yoomo nyangnu" dangain" mo, gi Mizpa joyoo moo zeung: foem: nyid boem ago". Gyid dajhi' ri we' nyangnu" kham: yu lho: Aseing ri xoin" to' khyo" wigi pyi: khyo' pyam ziyo' danyid" goin" zoo: noem zeung: nyid boem ago". Nyangnu" gi «Nyangnu" da" Aseing ri shoid bye: o"» ga: toungbain: nyid ago". He: zigi Mizpa joyoo moo Israela byumyu" yiri Samuela gi tarha" tid byid: da" khyoo: nghoid nyid da

1 SAMUELA 7:6 ပူးပေါင်းရင်းမြစ်များ

APOEM AYANG: 31:49

Laban doem xo' tid zigi «Nyha" tang: dayug yo' dayug gang: loo" nghoid loug Aseing gi nyha" oug: tang: ri gooloo goem nyid baja"» ga: tid. Houg: yoomo hau: joyoo ri Mizpa ga: we' myheing.

2 SAMUELA 14:14

Nyhang" dangain" shid: shoug" wa zi nghoid. Nyhang" gi myidgung moo foid sain" kaid wigi adoem yo" yu loo da" gyid yo' du nyid bye:. Mangsoo gi shid: jang" mo adoem yo" dei nhang: loug we' nang khokham gi gootu: mungdain: khyoo: khaid pyam da" byu dayug ri doem shu" yu wa khyoo: daloem: ri za: gi shau" myang wa zi nghoid.

1 KHOKHAM 8:47

Re" byumyu" yi da" akyu" mho' dang: ri tam" gyoo: byid: la o". Nyangnu" khayhi' yooboo koid wigi akhyeing" ashoeb bue" nyid nghoid loug we' hau: mung" moo nyangnu" nung myid yo" wigi re" jang" moo akyu" mho' uri o" Aseing we" nyangnu" da" akyu" mho' dang: ri tam" gyoo: byid: we' o".

1 KHOKHAM MHOOMYID: 11:18

Myeing gyi: da" gyizoo: soem" yug gi Philisti byu yi dab khyo" phyed vang yhe: wigi hau: gyid thung" mo gyid yhe: kham: yu lho: hau: ziri David jhang ci: loo" byid: da:. Nghoid loug we' David gi hau: ziri ashug nghoid da:. Hau: gungthid Aseing ri shugbyid: da" xoin" khyo" nyang: gi hau: ziri foid khyo' pyam lho:

2 KHOKHAM MHOOMYID: 20:3

Yehoshaphad gi gyoug wigi khyoo: shid byid: wa shid re" Aseing ri akyu" mho' da:. Hau: thang: nyang: gi Yuda mung" goin" khyoo: zoo: noem jang" goo" wa shid re" amyeing" khyo' kaid da:.

NEHEMIA 9:27

Hougsu" yoomo nang gi nyangnu" da" gyivoo yi wigi nyangnu" ri vhoeb zoo: nhang: bye:. Nyangnu" gi nyangnu" yau: khi" shoug" nyid da" akhoug: mo bo pang" wa shid re" nang ri yoid nyho: ago". Houg: lho: nang gi nyangnu" ri mougkhung: mo tu" byid: da:. Nang gi re" gyi: sheung: da" nheig khyeug myid yo' Nyangnu" ri nyangnu" da" gyivoo yi lo, mo khyoid yu wa vhujhung: yiri nhang: kaid byid: da:.

YOBA 16:20

Nga" byencang" yigi ngoo ri juang" ago". Nga" myojid" mo ngoug byid joem gi Mangso jhang khyoo: foid shoin" kaid bye:.

YOBA 3:24

Ngoo gi zoo: shug wa gungthid koug ngau nyid wigi Nookyeing" kyeing" zi khanham we' atheing: nghoid da:.

YOBA 33:27

Yugkhang" moo" gi byu phung: gung moo tid zigi «Ngoo yooboo shoid lid loo bye:. Ngoo gi jo ziri akoid loug we' Mangsoo gi ngoo ri khyam" sa: byid: bye:.

YOBA 42:6

Houg: lho: ngoo gi ngoo tid lid: loo bye: gu: dangain" gang mo myid: sho' wigi pheilhoug: yo' myimoeb boem" moo nheigloem: thid pyam bye:.

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

COUNG" NGHEI 119:136

Byu yigi re" da" tarha" ri atam" gyo: nyid boem yoomo nga" ngoug byid joem gi gyid zeing lang su" dayau, nyid.

COUNG" NGHEI 42:3

Ngoo gi nyid" ri myen" ri dangau nyid. Houg: yoomo ngoug byid gi nga" da" zoo: noem bue" nyid. «Re" da" Mangsoo khayoo: nyid la"» ga: wigi nga" gyivoo joem gi ayo, khang" moo ngoo ri damyed: nyid boem.

COUNG" NGHEI 6:6

Ngoo gi myid myoo: ung: loug kyi" khyeug nyid yoomo myen khang" myen ngoo ngau wigi nga" yhoeb yoo deug bye:. Nga" ngoug byid wigi vhu" khug yoem: bye:.

COUNG" NGHEI 62:8

Nga" da" byumyu" yi we"- ayo, khang" moo" Mangsoo ri loem khau: nyid we'. Nyang: gi yha" da" khoug: loo joyoo nghoid yoomo nanu" da" yau: khe" khyoo: bain sho' nyang: ri tid kyoo" we'.

YEREMIA 31:19

Ngoonu" nang mo nung phug lo" boem bye:. Nghoid loug we' houg jang: ngoonu" doem tau" loo" noug bye:. Nang ngoonu" ri yooboo dam byid: thang: koug wigi ngoonu" vhuloem ri goeb tau" ci: bye:. Ngoonu" sho' phu" wigi ngi: yoem" bye:. Ciwim gari ngoonu" ngi shi" ayo, ri yooboo shoid boem bye:.›

YEREMIA 36:9

Yehoiakim Yuda khokham bue" zi wim: zain ein: zain lhammoo" goug: khyab ein: khyab moo Aseing wigi myonhoo: byid: zi yo" yu wa shid re" byumyu" yi zoo: noem dalheing: doem jang" boem. Hau: zoonoem jang" ziri Yerusalem mo bang: dangain"- Yuda voogung joem mo houg khyoo: ju" re" boem bang: dangain" jang" ago".

YEREMIA 9:1

Nga" da" vhuloem gi gyid thung" Houg: lho: nga" da" myojid" gi ngau byid gyid cu" nghoid yoo: o". Houg: lang" said pyam shau" da" nga" byumyu" yi shid re" myen" ri nyid" ri yo" ngoug wa nghoid.

NGOUG JI: 2:11

Ngoo gi ngau nyid yoomo myo, kyoem: bye:. Nga" Venyi gi: dayam, dayoo: myid myo: nyid. Nga" byumyu" yigi byo, yoin" zi shoug" lo" boem yoomo kougshu: wigi nga" yoem: goin byug bye:. Zooshang: yi yo' noug" nu" yigi voomoo" khoug: mo fu" moo" khyoo: joem moo mo, leung jo, boem ago".

NGOUG JI: 3:49

Ngoonu" ri Aseing wigi mougkhung: tho' mo ayu" yu" gi nga" da" ngoug byid gi athang agoin da" gyid zoo: gyung: su" dayau gyo" nyid wa zi nghoid.

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

EZEKIEL 20:4

Shid: se' da" byu we"- nang gi nyangnu" ri dang: phyed wa jen" jen" nghoid bye: rhe". Houg: lang" hougsu" koid we'. Nyangnu" phoug" phyid" yi koid bye: da" aco' ajhoid khyoo: joem nyangnu" ri tid poin" kyoo" we'.

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

YOELA 2:12

Aseing tid zigi «Akhid" nghoid loug we' nheigloem: gyeing" thid lho: zoo: shug jang" pyam wigi ngoug byid gyo" lho: koug ngau ziyo' nga" jhang khyoo: doem tau" loo we'.

XOIN" NGEI" 16:29

Vhoo: moo: tid to" da" thung" ri: joem gi ju" loo wa da" ayo, akhyeing: dangain" moo: cang yhe: nyid ca" da" khyoo: joem nghoid. Lhammoo" nyhed khyab daxi nyid" ein: nyid" ri Israela byumyu" yi yo' nyangnu" akhoug: moo: nyid da" tungbau byumyu" yigi zooshug jang" pyam ca" ziyo' ce" moo" we' age koid wa zi nghoid.

XOIN" NGEI" 26:40

Nghoid loug we' nanu" da" amyed ashen yigi nyangnu" da" yooboo ri we' ngoo ri ngeug pyam thougtheung gyi koid lo da" nyangnu" phoug" phyid" yi da" yooboo joem ri yhen: yu wigi

LUKA 15:18

Ngoo nga" pho, jhang khyoo: doem lo" lho: ‹‹nga" phoo we"- ngoo gi Mangsoo: ri we' nga" phoo ri we' shoid vhang: bye.

YOSHU 18:26

Mizpa- Khephira- Moza-

TARHA" AGYI 10:10

Hau: thang: Israela byumyu" yigi Aseing ri mho' yoid wigi «Ngoonu" gi nang ri thougtheung yooboo shoid boem bye:. Ciwim gari ngoonu" da" Mangsoo nang ri ngoonu" too" kho' lho: Bala yu phara" joem ri no' boem bye:» ga: tid ago".

TARHA" AGYI 10:15

Nghoid loug we' Israela byumyu" yigi Aseing ri «Ngoonu" yooboo shoid bye:. Nang vho: khyo" koid we'. Nghoid loug we' akhid" nyid" ngoonu" ri khyoid yu la» ga: mho' ago".

TARHA" AGYI 2:4

Moug: lagyoo: he: dang: ri bain tid lang" Israela byu yi dangain" kyi: ngau ago".

TARHA" AGYI 20:26

Hau: thang: Israela byumyu" yi dangain" Bethela khyoo: do, yhe: boem wigi yhe: koug ngau ago". Nyangnu" gi hau: joyoo Aseing shidkhoin" moo myen" thang: ju" sho' azoo: ashug loo: nyid boem ago". Nyangnu" gi Aseing shidkhoin" moo zoem" khau: da" xoin" yo' dayham" gi gung goin" nghe' ngei" xoin" khyo" xoin" to' byid: ago".

TARHA" AGYI 3:10

Aseing da" Venyi: gi nya: adang moo ju" re" lho: nyang: gi Israela byumyu" yi da" vhujhung: bue" lo da:. Othniela gi gyi khaid pui" khyoo: yhe: wigi Aseing gi nyang: ri Mesopotamia khokham ri oung: pyam nhang: da:.

1 SAMUELA 1:15

Nyang: gi «Anghoid- ngoo zabyid ayed aseing: we"- ngoo zabyid yhid: ashug yu". Ngoo gi gye" myid myo: nyid ziyo' nga" yau: khe" khyoo: Aseing ri tid kyo" wigi akyu" mho' nyid zi danghoid.

1 SAMUELA 10:17

Samuela gi Mizpa joyoo moo: noku thung" yo' sen: da" zoebphung: koid wa shid re" mung" byu yiri dage" khe: foem: to" wigi

1 SAMUELA 12:10

Hau: thang: nyangnu" ri Aseing wigi bo pang" wa shid re" yoid mho' boem ziyo' ngoonu" gi nang ri nung phug pyam lho: Bala yo' Astarte yu phara" soolhoo: joem ri no' boem bye: yoomo yooboo yo" boem bye:. Ngoonu" da" gyivoo yi da" lo, khoug: mo khyoid yu shi" we' o". Nang ri za: ngoonu" noku boem loo: wa» ga: mho' nyid boem ago".

1 SAMUELA 7:15

Samuela we' nya: da" apyaid thang sho' Israela byumyu" yiri vhoebkhang" nyid bye: zi nghoid.