1 SAMUELA 7:3 - Lacid Common Language Bible

³ Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.

1 SAMUELA 7:3 ပူးပေါင်းရင်းမြစ်များ

APOEM AYANG: 35:2

Houg: yoomo Yaku gi nya: yhoem: byu yi yo' nya: da" byu yi dangain" bang: ri «Nanu" loem nyid da" yu phara" dangain" ri she: pyam loo ge'. Nanu" gung nanu" cid" yung" cid" lho' pyam lho: young" gyeing" da" byimi ri void we'.

1 KHOKHAM 11:33

Ngoo gi hid: su" koid wa zi nghoid. Ciwim gari Sholumon gi ngoo ri he: pyam lho: tungbau yu phara" joem nghoid da" Sidon yu phara" myhi' Astarte- Moba yu phara" Khemosha yo' Amon yu phara" Moleg bang: ri no' loo" yoomo nghoid. Sholumon gi ngoo ri atam" gyoo: loo: nya: phoo David yhang: ti" tarha" yo' amyeing" dang: joem ri acang loo: za: shoid da" moo" zei: nyid da:.

1 KHOKHAM 8:48

Hau: mung" moo nyangnu" gyeing" nyang: nheigloem: phyu: ziyo' nung myid yo" wigi ngoonu" da" phoug" phyid" ri byid: too" bye: da" he: mung" khyoo: myonhoo: shu: lho: nang khyen: too" bye: da" he: voomoo" yo' re" shid re" ngoo koid too" bye: da" he: Noku Yhoem: Moo" khyoo: nang ri akyu" mho' uri

2 KHOKHAM 17:39

Nanu" gi nanu" Aseing Mangsoo- ngoo ri tid dang: tam" gyoo: lho: nanu" da" gyivoo yi lo, mo ngoo nanu" ri khyoid yu wa» ga: amyeing" byid: to" da:.

2 KHOKHAM 23:15

Yoshia gi Israela byu yiri yooboo shu' shoid da" su: nghoid da" khokham Yeroboam ga: da" Nebad nya: zoo: koid to" kho' da" Bethela mo noku ku" joyoo ri we' phyo' khyo' pyam da:. Yoshia gi phoin: joem ri lang: lheing: khyo' pyam lho: houg lugzeing joem ri ajab jab baid kho' pyam wigi hau: joem ri pheilhoug: bui" sho' thung" mhoin' pyam da:. Nyang: gi yu phara" Ashera da" soolhoo: ri we' nghe' pyam da:.

1 KHOKHAM MHOOMYID: 22:19

Akhid" nanu" Aseing Mangsoo ri nanu" da" nheigloem: ung: khoug: yo' myid soozoo: dangain" yo' dei byid: nyid we'. Nanu" gi hau: akhoug: moo Aseing da" Dang: Theing Kuid: yo' nyang: ri noku uri ci: da" gyeung" shang: jonu" gootu: dangain" ri yo" too' wa shid re" Noku Yhoem: Moo" ri koid shid" loo" loo: ge» ga: tid.

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

2 KHOKHAM MHOOMYID: 19:3

Hougsu" nghoid sho' nghoid loug we' nang moo ge zi dayham" bo da:. Nang gi mung" byu yi no' bye: da" yu phara" myhi' Ashera da" soolhoo: joem ri dangain" yu pyam lho: Mangsoo myid vho: ziri cang wa nang myid phyed abye:» ga: tid da:.

2 KHOKHAM MHOOMYID: 20:33

Nghoid loug we' tungbau noku thung" joyoo rigi aphyo' pyam nghoid da:. Byumyu" yigi nyangnu" phoug" phyid" yi da" Mangsoo ri noku coung" wa shid re" oung: khoug: nheigloem: dangain" yo' aphug loo shigoo" nghoid da:.

2 KHOKHAM MHOOMYID: 30:19

«Ngoonu" da" phoug" phyid" yi Aseing Mangsoo we"- nyangnu" thung" khyo" ayung" alho' bang: nghoid loug we' nyangnu" oung: khoug: nheigloem: dangain" wigi nang ri noku boem da" bang: ri re" ge nheigloem: yo' yooboo khyoid byid: we' o"» ga: mho' bye:.

DANG: ZHOEM 16:1

Ngoonu" gi ngoonu" nya: moo" zoo" soin nyheung too" nghoid loug- lo" thang moo: gi Mangso wigi za: dayo" ze" bui" byid: nyid.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

YEREMIA 24:7

Ngoo gi nyangnu" ri ngoo Aseing nghoid ziri si' wa vho: ngei myid kaid byid: wa. Houg: lang" nyangnu" gi nga" byumyu" yi nghoid loo wa wigi ngoo gi nyangnu" da" Mangsoo nghoid loo wa. Ciwim gari nyangnu" nheigloem: dangain" yo' nga" jhang tau" lo boem goo" wa.

YEREMIA 36:3

Ngoo nyangnu" adang moo bui" nhang: wa soin' to" da" byo, yoin" khyoo: dangain" yo' sen: wigi Yuda byu yi shoug" gyoo: lang" nyangnu" da" akhyeing" lo, moo" joem mo to' phug lheing: loo goo" abe. Houg: lang" nyangnu" akhyeing" ziri yo' nyangnu" yooboo joem ri ngoo khyoid byid: wa» ga: tid.

YEREMIA 4:1

Aseing tid zigi «Israela byumyu" yi we"- nanu" lheing: loo nhau boem nghoid ri nga" jhang lheing: tau" phang: loo we'. Nanu" gi ngoo ri jhug zug wigi ngoo ngheing" da" yu phara" soolhoo: joem ri yu pyam boem nghoid rigi

EZEKIEL 14:6

«Houg: lho: akhid" ngoo yoem: moo" bo Aseing tid nyid ziri Israela byumyu" yiri tid kyoo" we'. Doem lheing: tau" lo wigi nanu" da" aco' ajhoid soolhoo: yu phara" joem ri to" pyam khoo' ge'.

EZEKIEL 18:31

Nanu" koid loo bye: da" akhyeing" moo" ri asoem" byid: pyam we'. Nanu" nyang: nanu" myid aseig- nheigloem: aseig kham: yu ge'. Israela byumyu" nanu" gi ciwim shid: nau boem ago" la".

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

MATHE 15:8

‹He: da" amyu" gi nya: da" khoin" thui: yo"- Ngoori phau" myang: boem nghoid loug we' nyang: nya: nheigloem: gi ngoo yo" ve: gang: jo.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MATHE 6:24

«Hang" nghoid loug we' Aseing: eig youg jang" moo lang: jhang yo" vang wa zi anghoid. Nyang: gi dayug ri ngheing" lho: dayug rigi jheddab wa zi nghoid. Houg: su" anghoid lang" gi dayug rigi vho: lho: dayug rigi anoug angei koid: zi nghoid. Nanu" gi Mangsoo ri we' moug myid ziyoo jonu" ri we' dage" lang: jhang yo" vang wa zi anghoid.

LUKA 4:8

Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.

YOHAN 4:24

Mangsoo gi Venyi: nghoid- Venyi: da yoem: vhoo" khyo" za: byugi deingmain" khyoo" yo' noku nyid.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

TARHA" TID POIN" 13:4

Aseing thang: cang wigi nyang: ri ngi: shab we'. Nya: dang: ri tam" gyo: cang yhe: wigi nya: amyeing" dang: ri cang nyid ge'. Nyang: ri no' wigi nyang: ri jhug zug ge'.

TARHA" TID POIN" 4:29

Houg: moo nanu" gi nanu" Aseing Mangsoo ri sho: re" boem wa. Nanu" gi nyang: ri nanu" oung: khoug: nheigloem: dangain" ziyo' sho: nghoid rigi nanu" nyang: ri myang boem wa.

TARHA" TID POIN" 6:13

Nanu" Aseing Mangsoo ri gyoug phau" myang: lho: ngi: shab nyid ge'. Nyang: ri kyeing" noku ge'. Nya: myeing ri kyeing" lang: wigi dangsoo" koid ge'.

YOSHU 13:31

Hougmoo: Gilead mung" agung dayi"- Bashan Oga da" mungdain: mo voomoo" zeing nghoid da" Astanod yo' Edrei voomoo" we' bo da:. He: zi dangain" gi Manashe da" nya: yuggi zoo: Makhira mo nyid re" da" yhoemkhung: yi: agung dayi" ri kho' byid: da" gu: nghoid da:.

YOSHU 24:14

Yoshu gi xo' lho: «Akhid Aseing ri ngi: shab wigi nyang: ri deing: deing: main: main: jhug zug tung" dei byid: nyid ge'. Nanu" phoug" phyid" yi Mesopotamia mung" yo' Egutu mung" moo lhung no' da" yu phara" ri yu pyam wigi Aseing ri kyeing" dei byid: ge'.

YOSHU 24:23

Nyang: gi «Houg: lang" nanu" yo" to" da" tungbau yu phara" joem ri yu pyam ge'. Israela da" Aseing Mangsoo ri nanu" dang: zung" nyid wa khyo" jham' tang: ge'» ga: mho' da:.

TARHA" AGYI 10:16

Houg: yoomo nyangnu" gi nyangnu" da" tungbau yu phara" joem ri yu pyam lho: Aseing ri noku ago". Nyang: gi Israela byumyu" yi da" yau: khe" kyi" khyeug ziri nheig yo" khyeug byid: da:.

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.

TARHA" AGYI 2:11

Israela byumyu" yigi Aseing ri yooboo shoid thougtheung wigi Bala ri dei byid: boem ago".

TARHA" AGYI 2:13

Nyangnu" gi Aseing ri noku ziri theing: pyam wigi Bala yu phara" joem yo' Astarte ri dei byid: ago".

1 SAMUELA 31:10

Hau: thang: nyangnu" gi Sholu da" gyizi gyikhoo: joem ri yu myhi' Astarte da" yhoem: khoug: moo to" to" wigi nya: mang rigi Bed Shan voogung vang khyam: moo: nyangnu" baid jen" zhug too" bye:.