1 SAMUELA 4:3 - Lacid Common Language Bible

³ Loid byoin bang: theing: jang: khyoo: doem tau" lo" uri Israela vhujhung: yigi akhid" nyid" ciwim yoomo Aseing gi Philisti byumyu" yiri oung: loo" nhang: lha". Nyang: gi nyhang" yo' dage" nyid lho: gyivoo joem da" lo, khoug: mo nyhang" ri re" khyoid yu wa shid re" Shilo voogung mo Aseing da" Dang: Theing Kuid: ri lo" vu, yu shang» ga: tid go".

1 SAMUELA 4:3 ပူးပေါင်းရင်းမြစ်များ

2 SAMUELA 15:25

Hau: thang: khokham gi Zadog ri «Dang: Theing Kuid: voogung khyoo: doem yu loo" we'. Aseing gi ngoo ri myid dab nghoid rigi hau: zi jo, da" joyoo mo hau: ziri shau" myang wa shid re" danyid" nyid" ri doem loo nhang: wa zi nghoid.

1 KHOKHAM MHOOMYID: 17:1

Akhid" khokham David gi nya: khokham kho" moo: nyid nyid da:. Danyid" gi nyang: Nathan ri khi nhang: lho: nyang: ri «Ngoo gi shamu thi" yo' koid to" da" yhoem: moo: nyid nghoid loug we' Aseing da" Dang: Theing Kuid: gi zoem" mo to" to" da» ga: tid.

COUNG" NGHEI 74:1

Mangsoo we"- nang cikoid ngoonu" ri hid: yhang: ti" she: pyam, to" lha". Nanya: byu yiri pyaid moo: too: moo: nheig dajha" yo: nyid wa ein: la".

COUNG" NGHEI 74:11

Nang gi ngoonu" ri pang" thoug byid: wa shid re" cikoid ngeug pyam nyid lha". Re" lo, ri ci: yoomo, shoung: pyam lha".

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

ESAIA 58:3

Byumyu" yigi «Aseing ngoonu" ri khanham we' asoin: byid: zi ngoonu" ciwim yoomo zooshug jang" wa la". Nyang: ngoonu" ri nyeing" ayu" nyid ri ngoonu" ciwim zooshug azoo: loo nyid wa la"» ga: myid: ago". Aseing gi nyangnu" ri «Deungmain" da" khyoo: gi nanu" zoo: shug jang" uri nyang:- nanu" nyang: myid vho: khyoo: ri cang koid ago". Nanu" da" moo" zei: vhoo" kung: yiri zeig zo: boem da:.

ESAIA 59:1

Aseing gi nanu" ri ayo" khyoid yu wa yhi yoem: neing: su:- pang" thug wa shid re" nanu" mho' yoid ziri ashoug" gyoo: wa yhi nu: jed su: nghoid ein: nanu" ajhoo: goo".

ESAIA 59:2

Nanu" ri nyang: ashoug" gyoo: byid: zigi nanu" nya: yooboo yoomo nghoid da:. Nanu"- nyang: ri noku wa soin' lang" nanu" ri Mangsoo mo kang" pyam' byid: zigi nanu" da" yooboo nghoid da:.

YEREMIA 3:16

Hau: thang: nanu" gi hau: mougmyid moo myo: je: ri" lang" byumyu" yigi nga" Dang: Theing Kuid: da" khyoo: ri alhung tid loo goo" wa. Nyangnu" gi hau: khyoo: ri amyid loo: goo" wa aboin: loo goo" wa. Nyangnu" gi hau: ziri lang" aci: ca" loo goo" wa. Nyangnu" gi gootu: daloem: we' akoid loo goo” wa.

YEREMIA 7:4

‹Ngoonu" goem loem ziyoo" bye:- hau: zigi Aseing da" Noku Yhoem: Moo" nghoid- hau: zigi Aseing da" Noku Yhoem: Moo" nghoid. Hau: zigi Aseing da" Noku Yhoem: Moo" nghoid› ga: da" mhoug dang: ri loem" nyid go".

GYUNG: SOO" 10:33

Byumyu" yigi gyeung" shang: da" Sina Boem mo thu lo" wigi nyangnu" gi soem" nyid" so" yhe: lo" ago". Nyangnu" theing: wa da" joyoo ri myang wa shid re" Aseing da" Dang: Theing Kuid: ri khanham we' nyangnu" shid vhu" moo: yhe: lo" ca" da:.

GYUNG: SOO" 10:35

Dang: Theing Kuid: thu shid" loo" khang" moo" Moshe gi Aseing we" to' we' re" gyivoo ri khaid sain" pyam lho: nang ri ngheing" da" mo, ri bei: loo" nhang: we' ein: tid wa zi nghoid.

GYUNG: SOO" 31:6

Moshe gi nyangnu" ri zei joem younglho' jonu" yo' asoo" ci: shug da" laboo" joem ri yu" coung: nyid da" khainjung Eleaza da" nya: yuggi zoo: Phineha da" vhoebkhang" akhoug: moo: meing: zain: jang: khyoo: nhang: kaid.

TARHA" TID POIN" 29:24

Houg: lang" moug: gyab goin" gi Aseing gi Ciwim yoomo nyangnu" mung" ri hid: su" koid la. Nya: da" gyoug pho" nheig yo: zigi ciyoomo nghoid la" ga: myid: lo boem wa.

TARHA" TID POIN" 31:26

«He: Mangso tarha" mougsoug" pug ri yu wigi nanu" Aseing Mangso da" Dang: Theing Kuid: ayam moo to" too" we'. Houg: lang" hau: ziri nya: byumyu" yi shid re" sagse: khyo" houg: moo deing jo, wa zi nghoid.

2 TIMOTHI 3:5

Nyang: nu" gi yha" da" noku thung ri ri atho' dapyam: za: bo cang mhau' boem lho: wigi hau: noku thung" mo, phung" yoeb, rigi ngeug pyam mo, nghoid nyid boem ago". Houg: yhang: te" byu yi ri we' jang" pyam' nyid we'.

HEBRE 9:4

Hau: jang" moo nam, pyo: ja: nghe, nghei" byid: da" sheing: yo' koid to" da" phoin: yo' dagung goin" sheing: yeing shoin" da" Dang: Theing Kuid: bo jo. Hau" kuid: zei: khoug: moo Mana' zooyho' bo da" dibu: we' afu' nu" toid' lo nyid da" Arun da" lham: dung: we' tung: to" tarha" lhid" to" da" lug yho' eig khyab, we' bo jo.

YOSHU 4:7

nanu" gi nyangnu" ri Aseing da" Dang: Theing Kuid: gyid lang ri gu: dab yhe: uri Yodan gyid yau zi theing: lo" khyoo: ri tid kyoo" wa zi nghoid. He: lugzeing joem gi he: joyoo moo: bue" lo da" khyo: ri Israela byu yiri boin: nhang: wa zi nghoid» ga: tid.

YOSHU 6:6

Yoshu gi khainjung yiri khe: yu wigi nyangnu" ri «Hau: Dang: Theing Kuid: ri vu ge'. Houg: lho: nanu" mo nyhed yug gi hau: shid vhu" moo: laboo" joem ci: wigi yhe: loo" ge'» ga: tid da:.

YOSHU 7:7

Houg: lho: Yoshu gi «Myhang: thang Aseing we"- Yodan gyid lang he: tab khyoo: ngoonu" ri ciwim shu" dab re" lha". Amori byu yi lo, khyoo ab byid: pyam wa ein: rhe". Ngoonu" ri said pyam wa ein: rhe". Yodan gyid lang thei: tab moo ciwim anyid nhang: lha".

YOSHU 7:8

O" Aseing we"- akhid" Israela byumyu" yigi gyivoo yi mo nung zoid zoid loo bye: yoomo ngoo ciyo" tid loo wa lha".

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

YUDA 1:5

Mangsoo gi Israela byumyu" yi ri khyoid yu lho: Egutu meing: mo wigi shu" thu' lo thang: ri nyang: ri aloem khoug: aloem" jeung" da" bang: ri byo, yoin" joem: thang loo" nhang: ziri nanu" nyang: se' deing gu nghoid loug we'-nanu" ri hau: khyoo: ngoo deom tid poin" nau.

1 SAMUELA 1:24

Nyang: gi Samuela ri noug" kang" thang: ri soem" zain boo bye: da" nuloo: zoo: dadu- sungsoo: phei" datang yo' zabyid yhid: byeung" sho' bo da" shooyid thung: dathung: yo' nyang: ri Shilo voogung khyoo: shu" do, loo" bye:. Nyang: gi Samuela ri Shilo voogung mo Aseing da" yhoem: khyoo: shu" do, lo" uri gye" ngi shi" zi nghoid.

1 SAMUELA 14:18

Sholu gi khainjung Ahiya ri «Hau: khainjung adang byikua" hid: khyoo: yu lo we'» ga: tid da:. Hau nyid" ri Ahiya gi Israela byumyu" yi da" shidkhoin" moo hau: ziri vu, ci: da:.

1 SAMUELA 4:2

Philisti yigi meing: zain: lo wigi yoem: zug theig said go" thang: ri Israela byumyu" yiri nyangnu" oung: doid pyam wigi hau: gyipui" moo byu myid: khyeing" koo: said pyam boem bye:.