1 SAMUELA 28:3 - Lacid Common Language Bible

³ Akhid" Samuela shid: bye: yoomo Israela byumyu" dangain" mo, nheig koug nheig nge ziyo' nyang: ri nya: moug: nghoid da" Rama voogung moo myhoeb too" bye:. Sholu gi boid phyed bang: yo' yu myhi yiri Israela mungdain: mo khaid thu wa shid re" soin' nyid da:.

1 SAMUELA 28:3 ပူးပေါင်းရင်းမြစ်များ

THU' LO" MOUGSOUG" 22:17

Nghoid loug we' myiyi: nu" nya: ba" gi nyang: ri abyid: zhoo" noug nghoid rigi nyang: gi zoomyi: gyeing" shid re" nya: phoo ri phau" kaid nhoo' nyang: ngei khyoug" ca" da:.

THU' LO" MOUGSOUG" 22:18

Se' fa" da" myiyi: hang" ri nghoid loug we' said pyam zi shoug" ca" da:.

XOIN" NGEI" 19:31

«Shid: bye: bang: da" soobyoo joem yo' dang: doem go" da" bang: jang" moo phajhi" ayhe: mho' goo". Nanu" hougsu" koid nghoid rigi nanu" gi thung" khyo" ayung" alho' wa nghoid. Ngoo gi nanu" Aseing Mangsoo nghoid.

XOIN" NGEI" 20:27

«Shid: mo, da" soobyoo joem yo' tid sham: go" da" yuggi myiyi: hang" nghoid loug we' lug boem yo' du" said pyam wa zi nghoid. Hid su" koid su: hang" nghoid loug we' nyang: shid: zigi nyang: moo: yoovoin bo da» ga: tid.

XOIN" NGEI" 20:6

«Shid: bye: bang: da" soobyoo yo' dang: tid goo" bang: jang" khyoo: phajhi" mho' wa shid re" dayug yug yhe: nghoid rigi ngoo nyang: ri thougtheung wigi nga" byumyu" dayug khyo" myid soin: loo: wa zi anghoid.

1 SAMUELA 15:23

Aseing ri thougtheung gyi koid zigi se' fa" bang: yhang: ti"- agi nghoid da:. Khuang da" myid gi yu phara" soolhoo: ri no' da" thung" yhang: ti" yooboo yo" nyid zi nghoid. Aseing da" amyeing" dang: ri atam" gyoo: yoomo nang ri we' khokham aya: mo nyang: khyo' pyam bye: zi nghoid» ga: tid.

1 SAMUELA 25:1

Samuela shid: loo" bye: yoomo Israela byumyu" yi dangain" mo, zeing: re" wigi nya: shid re" nheig kug ziyo' nghau nyid boem bye:. Hau: thang: nyang: ri Rama voogung mo nya: yhoem: moo: myhoeb too" bye: da:. Hau: moo" zoo" bain thang: ri David gi Paran kyoem: khoug: khyoo: yhe: loo" khari" bye:.

1 SAMUELA 28:9

Myiyi: myhi gi «Boid phyed bang: yo' yu koid bang: ri Israela mungdain: mo khaid thu' pyam wa shid re" soin nyid da" Sholu akhyoo" ri nang bain se' nyid thang: ri ngoo ri said pyam wa zi shoug" wa shid re" ciwim yoomo joug jhoin" nyid la"» ga: tid.

1 SAMUELA 7:17

Hau: thang: ri nyang: gi Rama voogung mo nya: yhoem: khyoo: lo" wigi houg: moo we' tarha" agyi moo" zoo" ri lo" zei: nyid da:. Rama voogung moo we' Aseing shid re" xoin" to' phoin: daloem: ri we' nyang: koid too" bye:.