1 SAMUELA 27:2 - Lacid Common Language Bible

² Houg: yoomo David yo' nya: byu khyug shoo: gi dalheing: dam Gad khokham Mokha da" nya: zoo: Akhisha jhang khyoo: yhe: loo" bye:.

1 SAMUELA 27:2 ပူးပေါင်းရင်းမြစ်များ

1 KHOKHAM MHOOMYID: 12:1

David gi khokham Sholu lo, mo phang: gau" yen" uri: Ziklag moo: yhe: nyid nyid da:. Hougmoo: Sholu da" byu yi nghoid boem da" Benyamin kung: mo bang:- gung shau" myoo: bang:- loem ge" da" gyizoo: yi gi: nya: jhang re" xo' tei" da:. Nyangnu" gi lid: beig jhang: lho: eig lo, goin" yo' lug yo" lhei" bang: nghoid ago".

1 SAMUELA 21:10

David gi Sholu jang" mo phang: thu' loo su: nghoid yoomo nyang: gi thu' lo" wigi Gad khokham Akhisha jhang khyoo: yhe: loo" khari" bye:.

1 SAMUELA 21:11

Khokham da" moo" voin bang: gi Akhisha ri: «he: da" David gi nya: mung" dain mo khokham anghoid rhe". He: yug da" khyoo: ri myiyi: zoo: yi go" wigi jikhoin" khoin" zigi khyeing" khyeing" said pyam zigi Sholu- moin moin said pyam zigi David» ga wigi tid kyoo" bye:.

1 SAMUELA 25:13

Houg: lang" nyang: gi «Nanu" da" sham: ri voin ci: looge'» ga: amyeing" byid: kaid lang" nyangnu" dangain" bang: voin ci: bye: zi nghoid. David we' nya: sham: ri voin ci: wigi nya: byu myid shoo: yug koo: yo' dage" thu' loo bye:. Eig shoo: yug koo: gi thang: moo jonu" joem ri zung" nyid kho' da:.

1 SAMUELA 30:8

David gi Aseing ri «Hid: su" re" phyo' bang: thang: khyoo: ngoo cang wa lha". Ngoo nyangnu" ri cang myhi: wa la"» ga: myid:.

1 SAMUELA 30:9

Houg: yoomo David yo' nya: byu khyug shoo: thu' lo" wigi Besora gyid lang moo ju" ri nyangnu" dayham" hougmoo: nyid kho' boem ago".