1 SAMUELA 26:9 - Lacid Common Language Bible

⁹ Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.

1 SAMUELA 26:9 ပူးပေါင်းရင်းမြစ်များ

2 SAMUELA 1:14

David gi nyang: ri «Aseing khyen: to" da" khokham ri nang voem" said zigi khasu" lha"» ga: myid:.

2 SAMUELA 1:16

David gi Amaleg byu ri «he: zigi nanyang: ci: loo bye: zi nghoid. Nang gi Aseing khyen: to" da" khokham dayug ri said pyam bye: ein: ziri yen: yu bye: yoomo nanya: gung nanyang: tarha" dang: phyed zi nghoid.»

2 SAMUELA 19:22

Nghoid loug we' David gi Abishai yo' nya: mang: Yoab ri «Re" tang: ri phajhi" byid: wa shid re" hang" lhoung: lha". Re" tang: ngoo ri yau: khi" byid: wa ein: koid go" rhe"- akhid" ngoo gi Israela byumyu" yi da" khokham dayug nghoid ziyo' akhid" nyid" Israela byumyu" yi dayug we' shid: shoug" wa zi anghoid» ga: tid.

COUNG" NGHEI 105:15

Hau: sadi byid: da" dang: joem gi ngoo khyen: nyheung to" da" dei zoo: yiri anoo, nhang: goo"- nga" lapi: yiri azang" thung" goo" ga: wigi tid to".

COUNG" NGHEI 17:4

Ngoo gi byu gooji yhang: ti" akhyeung" da" dang: atid. Ngoo gi re" mungdang: ri tam" gyo: lho: athoug" akhyoug: gyi koid nyid khyoo: ri ngoo acang.

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

1 SAMUELA 10:1

Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 26:8

Abishai gi David ri «Mangsoo gi re" lo, khyoo: re" da" gyivoo ri akhid" myen ab byid: bye:. Akhid" ngoo nya: lham: yo' nyang:- myidgung khyoo: kyang sho' dalheing: dam ngoo nyang: ri goin kyang pyam ba. Eig lheing: nyang" apug goin ca" wa nghoid» ga: tid da:.