1 SAMUELA 26:8 - Lacid Common Language Bible

⁸ Abishai gi David ri «Mangsoo gi re" lo, khyoo: re" da" gyivoo ri akhid" myen ab byid: bye:. Akhid" ngoo nya: lham: yo' nyang:- myidgung khyoo: kyang sho' dalheing: dam ngoo nyang: ri goin kyang pyam ba. Eig lheing: nyang" apug goin ca" wa nghoid» ga: tid da:.

1 SAMUELA 26:8 ပူးပေါင်းရင်းမြစ်များ

2 SAMUELA 16:9

Nya: yhid Zeruia da" nya: zoo: Abishai gi khokham ri «Aseing: khokham we"- ciwim yoomo he: lakhuid" ri nheing" nhang: nyid lha"- ngoo thei: khyoo: yhe: lho: nya: vhuloem ri yhe: phyed nhang: la» ga: tid.

COUNG" NGHEI 31:8

Nang gi ngoo ri gyivoo joem da" lo, khoug: moo: avang loo" nhang:. Ngoo ri yhi: nau da" joyoo moo khyang: khyang: yo" so" yen" nhang:.

YEREMIA 40:15

Hau: thang: Yohanan gi nyang: ri kyeing" za: «Ishmaela ri yhe: said wa shid re" ngoo ri akhang" byid: la. Hang" wigi said ein: ziri hang" asi' wa. Ciwim nang ri nyang: wigi said pyam nhang: wa la". Hau: zigi re" aqei: ayam moo nyid da" Yuda byu dangain" ri phang: sain" loo" nhang: wa. Houg: lho: hau: zigi Yuda mung" moo nyid da" byu dangain" dang moo yau: khe" kyi" khyeug zi bui" nhang: wa» ga: tid da:.

NAHUM 1:9

Aseing ri thougtheung wa shid re" ce: ja: phajhi" khyoug" nyid boem go" lha". Nyang: wigi nanu" ri phyo' sain" pyam wa zi nghoid. Hang" nghoid loug we' Aseing ri dalheing: mo jain" lho: ayo" thougtheung.

Roma 11:32

Xangsu: byu yi dangain" mo gi - nya: mungdang: ri atam" gyo: boem yoomo Mangsoo: gi nyanu" ri thung: loung" da byu yi yhang: ti" bue" byid nhang. Mangsoo: hidsu" koid' da" khyoo: gi nyanu" ri nheig khyeug nheig leom yo" toin" shid' wa shid' re" nghoid.

TARHA" TID POIN" 32:30

Ciwim yoomo dayug gi dakhyeing" yug ri oung: pyam wigi eig yug wigi damoin yug ri oung: pyam la". Nyangnu" da" Aseing Mangsoo nyangnu" ri she: pyam bye:. Nyangnu" da" myhang: thang Mangsoo gi nyangnu" ri to" pyam to" abye:.

YOSHU 21:44

Nyangnu" phoug" phyid" yiri dangsoo" byid: to" ziyo' dakhyo" Aseing gi mungdain: goin" ri yug yo khyoo: nyangnu" ri byid: bye:. Nyangnu" da" gyivoo yi dangain" mo dayug we' gyi ayo" khaid goo" nghoid ago". Ciwim gari Aseing gi Israela byumyu" yiri nyangnu" gyivoo yi dangain" mo dang moo oung: nhang: da:.

TARHA" AGYI 1:4

Yuda kung: bang: gi gyi dage" yhe: khaid ago". Aseing gi nyangnu" ri Khanan byu yiri yo' Perizi byu yiri oung: pyam nhang: da:. Houg: lho: nyangnu" gi Bezeg moo byu damoin ri khaid oung: pyam da:.

1 SAMUELA 23:14

David gi boem moug: nghoid da" Zipha nam mo kyoem: khoug: cang goug" nyid yen" da:. Sholu gi nyang: ri khanham we' sho: nyid nghoid loug we' Mangsoo gi David ri nya: lo, khyoo: a ab pyam nghoid da:.

1 SAMUELA 24:4

Houg: lang" nyangnu" gi nyang: ri «He: zigi re" shid re" akho: akhang" nyang: nghoid bye:. Hau: Aseing gi re" gyivoo ri re" lo, moo: ab byid: wigi nyang: ri nang vho: khyo" yo" koid wa ga: nang ri tid too" bye: zi nghoid» ga: tid ago". Houg: yoomo David gi lo, doo: doo: re" wigi Sholu ri asi' nhang: sho' nya: byisheing: dadu ri yham" ceing yu bye: da:.

1 SAMUELA 24:5

Nghoid loug we' hau: thang: ri David da" myid nheigloem: gi nyang: ri pyi: sho: lo wigi

1 SAMUELA 26:23

Aseing gi loem" jeing" bang: yo' deing byeung" bang: ri jhungshug byid: nyid da:. Akhid" nyid" nyang: gi nang ri nga" lo, khoug: moo: ab byid: bye:. Nghoid loug Aseing wigi khokham koid nhang: to" da" nang ri ngoo noo nhang: wa zi anghoid.

1 SAMUELA 26:7

Houg: lang" David yo' Abishai gi Sholu da" dab khyoo: hau: myen ri vang yhe yu" ri nya: vhuloem phyoo" mo lham: ri myidjang moo zhug to" wigi dab agung moo Sholu yhoeb jo, ziri yhe: myang boem ago". Abna yo' gyiphung: yigi nya: ayam lheing khoem cang yhoeb jo, boem ziri yhe: myang bye:.

1 SAMUELA 26:9

Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.