1 SAMUELA 26:16 - Lacid Common Language Bible

¹⁶ Abna we" nang gi re" moo" ri loem: alug nhung:. Hau: Aseing wigi khokham aya: byid: to" da" re" aseing: ri nang nyeing" za: azung" lhoug yoomo nanu" dangain" gi shid: eung: nyid zi nghoid ein: kangso' Aseing moo: ngoo jham tang: too" bye: zi nghoid. Yu" we' khokham da" lham: khayoo: la". Nya: vhoo" loem nam moo jo, da" gyid byang khayoo: la"» ga: tid da:.

1 SAMUELA 26:16 ပူးပေါင်းရင်းမြစ်များ

2 SAMUELA 12:5

Houg: lang" David gi yoo" zoo: yoo" shug su: ri nheigloem: gye" yoin ziyo' «Houg: yhang: te" da" byu gi shid: geing: nyid da: ein: kangso' Aseing ri ngoo jham' tang: zi nghoid.

2 SAMUELA 19:28

Nga" phoo da" ikoin deungkhu: byu dangain" mo, gi aseing: khokham da" lo, moo shid: wa zi moin: yi" nyid bang: nghoid loug we' re" zoobui" mo zoo: wa shug wa akhang" nang ngoo ri byid: bye: zi nghoid. Aseing: khokham jang mo ngoo gootu: myonhoo: shoo: wa da" akhang" ajo, loo» ga: tid.

1 KHOKHAM 2:26

Hau: thang: khokham Sholumon gi khainjung Abiatha ri «Anathod mo re" co' phyed moug: khyoo: loo" we'. Nang shid: wa shid re" moin: su: nghoid loug we' nga" phoo David yo' nang nyid da" ayo, ri Aseing da" Dang: Theing Kuid: ri yu" zung" ziyo' nya: yau: khi" ri nang bo pang" gam yu yoomo akhid" nang ri ngoo said pyam wa zi anghoid» ga: tid.

COUNG" NGHEI 102:20

Nyang: gi thung: lung" mo, da- nookyeing" thui: ri shau" gyo: wigi said wa shid re" dang: phyed too" shoug" bang: ri loid byoin loo" nhang: nyid.

COUNG" NGHEI 79:11

Thung: loung" jo, bang: da- nookyeing" thui: ri tam" gyoo: byid: we'. said pyam wa shid re" dang: phyed shoug" jo, mo, ri re" da" gyi: thang yoem moo yo' loid byoin loo" nhang: kaid we'.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

1 SAMUELA 20:31

David dadei nyid cang cang gi: he: mung" dain moo nang khokham khanham we' ashau" koid wa ein: ziri nang ashau" myid rhe". Akhid" hid: khyoo: yhe: shu" loo we' nyang: ri said pyam wa zi nghoid» ga: tid.

1 SAMUELA 24:6

Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.

1 SAMUELA 26:11

Aseing nyang: khokham bui" nhang: bye: su: ri noo sho' koid wa shid re" ngoo yoem: kaid eung: nghoid loug we' Aseing nyang: toem nyid zi nghoid. Nya: lham: yo' gyid byang ri yu lho: doem loo" looshang» ga: tid da:.

1 SAMUELA 26:15

David gi «Abna we" nang gi Israela byumyu" yi moo gyi: thang su: anghoid rhe". Hougsu" nghoid ri re" aseing: khokham ri nang ciwim yoomo ayo" lhoug zung" la". Re" aseing: ri said pyam wa shid re" byu dayug dab khoug: khyoo: akhid" za: vang loo" khari" bye:.

1 SAMUELA 26:9

Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.