1 SAMUELA 24:9 - Lacid Common Language Bible

⁹ Ngoo khyo" nang ri noo nhang: shid re" yoem: kaid nyid ga: byu yi tid ziri nang ciwim yoomo tam" gyoo: lha".

1 SAMUELA 24:9 ပူးပေါင်းရင်းမြစ်များ

COUNG" NGHEI 101:5

Byu dayug yug da" age khyoo: ri dang: so, so, loo mo, yugkhang" moo" ri ngoo shang: thu' pyam wa zi nghoid. Phau: khuang ziyo' nghoid boin: nheigloem: myhang: nyid bang: ri ngoo gi kham zeung: nyid wa zi anghoid.

COUNG" NGHEI 141:6

Nyangnu" da" mung" zoug: khoin" voin mo, gi lug pyo' phyoo" mo du" khyo' pyam zi shoug" nyid da" uri mung" byu yigi nga" da" dang: khoin" joem gi deingmain" nyid ziri yhe: yu" boem wa nghoid.

DANG: ZHOEM 16:28

Akhyeing" ashoeb, bang: gi gei sang: shang pyang: khyo" tid fu" tid pyo: nyid ago". Nyangnu" gi yau: khe" khyoo: ri lhu: pau: thu' kaid lho: bidnoem yiri gang: go" loo" nhang: nyid.

DANG: ZHOEM 17:4

Akhyeing" ashoeb mo, gi akhyeing" ashoeb khyoo: myid thu ziri tam" gyo: nyid ago". Mhoug foeb, yigi mhau, dang: ri tam" gyo: ago".

DANG: ZHOEM 18:8

Sube" gei sang: zigi gye" ngham"- hau: zigi ngoonu" khayhi' ju" sho' myhau: kaid nau lha".

DANG: ZHOEM 25:23

Gyid moin, khyoo: hau, lo" da" lid zoo" gi moug: gyid ri ci: lo" ziyo' dakhyoo" ti"- sube" da" gei sang: zigi subi" ri nheig yoo: khyoo: ze" thu' byid: nyid zi nghoid.

DANG: ZHOEM 26:28

Byu dayug ri mhau' dang: khoin" yo' noo nhang: wa shid re" nang gi nyang: ri ngheing" ca" nyid. Adeing: amain" khyo" tid sang: nyid khyoo: gi byo, yoin" khyoo: riza: bui" nhang: loo" wa zi nghoid.

DANG: ZHOEM 29:12

Zoug: yigi adeing amain: da" lu dang: ri tam" gyo lho: wigi nya: vhoo: mo, zoug: yi dangain" we' mhau, fain" vang: bue" loo" wa.

YEREMIA 37:18

Hau: thang: ngoo gi «Nang ngoo ri thung: lhung wa shid re" nang ri we' re" moo" voin zoug: yiri we' he: byumyu" yiri we' ngoo ce: yooboo shoid bye: la".

XOIN" NGEI" 19:16

Dayug yug da" khyoo: ri lu amhoug fu". Byu dayug yug gi nya: apyaid shid re" tarha" myid: joeb ca: yu" zi shau" nyid uri re" da" sagse: kham da" dang: gi nyang: ri yo" bo pang" thoug wa nghoid rigi tid thu pyam we'. Ngoo gi Aseing nghoid.

YAKU 3:6

Yhoo: we' myi: yo' du nyid wigi shoid vhang: da" khyoo: yo' byeung" jo- hau: zigi gung du: mo ako' daloem: za: te: nghoid loug we' - ngoonu" da" gung goin" moo yooboo yo" dab, loo nhang: nyid. Hau: yhoo: gi ngoonu" da" gung goin: ziri aco' ajhoid koid pyam wigi ngarai mung" mo myi: yo' nyang:- ngoonu" da" kangso' gyung: khyoo: dangain" ri yo" nge" joem: loo" nhang: pyam.

1 SAMUELA 20:1

Akhid" David gi Rama meing: Nayud voogung mo phang: thu' lo" wigi Yonathan ri «ce: noem koid shoid bye: la". Re" phoo ngoo ri said pyam noug sho' nyang: ri ngoo ce: noem koid shoid bye: la"» ga: myid: da:.

1 SAMUELA 20:41

Hau: zooshang: nu" loo" khare" thang: ri David gi lugboem zung nungthang mo thu' lo: wigi: myidjang khyoo: soem" lheing: goeb pid da:. Nyang: yo' Yonathan nya: tang: nyang: cang" babug bug wigi ngoug go" nyid da:. David gi Yonathan tho' je" nheig koug nyid da:.

1 SAMUELA 24:10

Akhid" za: lug khyung: moo hau: Aseing gi nga" lo, khoug khyoo: nang ri ab byid: bye: ziri re" gung nyang: shau" myang wa bye: zi nghoid. Nga" byu yi dayham" bang: nang ri said pyam wa shid re" tid boem ago". Nghoid loug we' nang gi khokham bui" wa shid re" hau: Aseing khyen: too" bye: yug nghoid yoomo ngoo nang ri dajhi' we' nhoo ashau" baja" ein: re" shid re" nheig koug ziyo' kham zo: nyid zi nghoid.

1 SAMUELA 24:8

Hau: thang: David gi nyang: thang: moo: cang thu' lo wigi nyang: ri «Aseing: khokham we"» ga: khe: kaid bye:. Houg: lang" Sholu lheing: yu" kaid uri David gi myidgung khyoo: phau" myang: ziyo' goeb pid byid: lho: «

1 SAMUELA 26:18

Xo' lho: David gi «Aseing we" re" dei zoo: ri ciwim yoomo cang khaid nyid yen" shi" la". Ngoo cinoem koid shoid bye: la". Ngoo cite" youg: koid shoid too" bye: la".

1 SAMUELA 26:19

Myhang: thang aseing we" ngoo tid wa ziri tam" gyo: yu" we'. Aseing gi nang ngoo ri thougtheung wa shid re" re" myid ri thid nhang: nghoid rigi nyang: ri ngei" da" xoin" gi nya: myid ri yo" thid nhang: wa zi nghoid. Nghoid loug we' byu joem wigi he: ziri koid nghoid rigi hau: Aseing nheing" zigi nyangnu" adang moo zang" baja". Nyangnu" gi ngoo ri Aseing mougmyid mo zi tungbau yu phara" ri za: yo" no' da" moug: khyoo: yhe: wa shid re" khaid nyid ago".