1 SAMUELA 24:7 - Lacid Common Language Bible

⁷ Hougsu" nghoid yoomo Sholu ri nyangnu" akhaid said wa khyoo: ri David gi nya: byu yiri se' gyoo: sho' tid kyoo" bye: zi nghoid. Sholu gi to' wigi lug khyung: mo thu' lo wigi doem xo' so" yhe: loo" bye:.

1 SAMUELA 24:7 ပူးပေါင်းရင်းမြစ်များ

2 SAMUELA 1:14

David gi nyang: ri «Aseing khyen: to" da" khokham ri nang voem" said zigi khasu" lha"» ga: myid:.

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 24:6

Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.

1 SAMUELA 24:8

Hau: thang: David gi nyang: thang: moo: cang thu' lo wigi nyang: ri «Aseing: khokham we"» ga: khe: kaid bye:. Houg: lang" Sholu lheing: yu" kaid uri David gi myidgung khyoo: phau" myang: ziyo' goeb pid byid: lho: «

1 SAMUELA 25:33

Re" ge: da" emyed nheigloem: yoomo byu said youg: yo' nga" myid yo' latoo: phug wa ziri ngoo ri re" toem da" moo" zoo" akhanyid" nang koid bye: yoomo Mangsoo ri jeju" ri boin: so".

1 SAMUELA 26:23

Aseing gi loem" jeing" bang: yo' deing byeung" bang: ri jhungshug byid: nyid da:. Akhid" nyid" nyang: gi nang ri nga" lo, khoug: moo: ab byid: bye:. Nghoid loug Aseing wigi khokham koid nhang: to" da" nang ri ngoo noo nhang: wa zi anghoid.

1 SAMUELA 26:9

Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.