1 SAMUELA 22:20 - Lacid Common Language Bible

²⁰ Nghoid loug we' Ahimeleg da" nya: zoo: dayug nghoid da" Abiatha gi yo" phang: loid lo" wigi David yo' dage" yhe: nyid bye:.

1 SAMUELA 22:20 ပူးပေါင်းရင်းမြစ်များ

1 SAMUELA 23:6

Ahimeleg da" nya: zoo: Abiatha gi phang: loid lo wigi Kila voogung moo nyid da" David yo' shoug" goo" lang" nyang: yo' dage" byizuang ri we' ci: re" abye:.

1 SAMUELA 30:7

David gi Ahimeleg da" nya: zoo: khainjung Abiatha ri «Xoin" ngei" byizuang ci: ri" we'» ga: tid lang" Abiatha gi: hau: ziri nya: jhang khyoo: ci: lo" da:.

1 SAMUELA 23:9

David gi Sholu nyang: ri khaid zain: wa shid re" soin nyid ga: ziri shoug" gyoo: lang" nyang: gi khainjung Abiatha ri «Hid: khyoo: xoin" ngei" byizuang yu re" we'» ga: tid da:.

YOBA 1:19

Dain" pyoid yoo khyo" thain: da" uglid hau' lo da:. Hau: lid yoem" gi yhoem: ri lo hau' khyoeb pyam lho: nyangnu" dangain" bang: ri said pyam abye:. Ngoo dayug za: phang: loid lo wigi nang ri lu dang: lo yo" tid kyo" zi nghoid da» ga: tid.

1 SAMUELA 4:12

Benyamin akung: mo byu dayug gi meing: zain: jang: mo Shilo voogung khyo: tang" phang: lo" wigi hau: nyid" nyang: ju" lo da:. Nyang: gi nheig koug khyoo: ri ci: shug khyo" wigi nya: byi: ri lang: ceug pyam lho: vhuloem moo phei" lhoug: geig shoin" nyid.

1 SAMUELA 2:33

Nghoid loug we' re" da" akung: ako' ri koem' gi kangso' dei nhang: wigi nyang: gi ngoo ri khainjung aya: khyo" dei byid: nyid wa zi nghoid. Nghoid loug we' nyang: gi myo, jid loo" wa zi nghoid wigi nheig byu khyoo: dangain" ri ci: phyug pyam lho: gootu: re" da" akung: ako' gi gyi said khyo" shid: shoug" lo" boem wa zi nghoid.

2 SAMUELA 20:25

Sheva gi khokham vang" mo moo" seing: nghoid. Zadog yo' Abiatha gi khainjung tang: nghoid da:.

1 SAMUELA 14:3

(Shilo voogung mo Aseing da" khainjung nghoid da" Eli myid: zoo: Phineha da" zoo: Ikhabo nya: mang: Ahitub da" nya: zoo: khainjung byikua" void ci: da" Ahiya we' bo nyid da:.) Yonathan thu lo" byug ziri hang" we' ase' kaid nghoid boem ago".

1 SAMUELA 22:21

Nyang: gi Aseing da" khainjung yiri Sholu khasu" said pyam khyoo: David ri tid kyoo" bye:.

2 SAMUELA 15:24

Khainjung Zadog gi gyeung" shang: da" Dang: Theing Kuid: vu, ci: da" Levi byu yi yo' houg: moo dage" nyid nyid da:. Nyangnu" gi hau: ziri khyo' to" wigi byu yi voomoo" mo abain thu thu gi aphang yu" nghoid da:. Khainjung Abiatha we' hougmoo: nyid da:.

1 KHOKHAM 1:7

Nyang: gi Yoab (nya: yhid gi Zeruia nghoid) yo' khainjung Abiatha tang: yo' sham: go" wigi nyang: koid wa da" moo" zoo" moo bo pang" wa shid re" myid veing" to" boem.

1 KHOKHAM MHOOMYID: 15:11

David gi khainjung Zadog yo' Abiatha- Levi byumyu" yi nghoid da" Uriela- Asaia- Yoela- Shemaia- Eliela yo' Aminadab bang: khyug yug ri khe: yu da:.

1 KHOKHAM MHOOMYID: 18:16

Ahitub da" yuggi zoo: Zadog yo' Abiatha da" yuggi zoo: Ahimeleg tang: gi khainjung nghoid. Seraia gi khokham kho" mo moo" seing: nghoid da:.