1 SAMUELA 22:2 - Lacid Common Language Bible

² Sube" wigi zeig zo: zi shoug" mo, jhen: dab zi shoug" mo, nheig koug nheig nge zi shoug" mo, nya: jhang re" wigi byu dangain" myid: shoo: koo: nghoid da:. Nyang: we' nyangnu" da" vhujhung: bue" loo bye:.

1 SAMUELA 22:2 ပူးပေါင်းရင်းမြစ်များ

2 SAMUELA 17:8

Re" phoo David yo' nya: byu yi gi meing: zain: gye" bui" mo, nghoid wigi nyangnu" gi voem myhi' dadu: nya: zoo: yi ri khoem lho: gyi koid nyid yhang: ti" voem" nyid ziri nang se' wa zi nghoid. Re" phoo gi thung" shoug" yu" zi myoo: bye: da" gyizoo: nghoid yoomo myen" ri nya: byu yi yo' dage" anyid.

2 SAMUELA 5:2

Lid loo" bye: da" ayo, Sholu ngoonu" da" khokham bue" nyid uri nghoid loug we' meing: zain: jang: moo Israela byumyu" yiri nang shu" vhu" shi: bye: zi nghoid ziyo' nang we' Aseing byumyu" yiri vhu" she: wigi nyangnu" ri vhoebkhang" wa shid re" Aseing nang ri dang: soo" byid: bye: zi nghoid» ga: tid ago".

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

2 KHOKHAM 4:1

Lapi: phung: moo bo da" cougmoo" myhi' dayug gi Elisha jhang yhe: wigi «Nheigboo pho we"- nga" yhoem: seing: phoo shid: bye:. Nang se' ziyo' dakhyo" nyang: gi Mangsoo ri gyoug phoug" da" su: nghoid. Akhid" nya: da" jhen: seing: byu dayug gi nga" yhoem: seing: pho da" jhen: shid re" nga" yuggi zoo: eig yug ri join khyo" shu" yu pyam wa ju" re" da» ga: tid da:.

DANG: ZHOEM 31:6

Yhid: ein: zigi shid: lo" nyid mo. shid re" koug shu: nyid mo, shid re" nghoid nyid.

MATHE 11:12

Baptisma sara: Yohan da" bidnyid mo wigi Akhid" nyid" ju" sho' Mougkhung: mungdain: gi agyoo: ayoid jhen" vang mo yo" zain: go" nyid yoomo yo" rhi, mo, za: hau mungdain: ri yo" yu sho' shakoid ago".

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

TARHA" AGYI 11:3

Yebtha gi nya: mang: nhung" yi jang" mo thu lo" wigi Toba mung" mo yhe: nyid da:. Houg: moo byugang: yi daphung: ri nyang: zheing" yu lho: nyangnu" gi nyang: yo' dage" so" lam" yen" ago".

TARHA" AGYI 18:25

Dan byumyu" kung: bang: gi nyang: ri «Nang ci: atid ri je gi wa. Hougsu" anghoid ri hid bang: nheig yo: re" wigi nang ri gyi zain: ri" go" wa. Houg: lang" nang yo' re" yhoem: byu yi dangain" shid: boem wa» ga: tid ago".

1 SAMUELA 22:3

David gi hau: joyoo mo zi Moba mung" Mizpa voogung khyoo: do, yhe: wigi Moba khokham ri «Mangsoo ngoo ri koid nhang: wa ga: ziri ngoo yo" se da" ayo akhyeing ju" sho' nga" yhid yo' ba" ri re" jang" moo nyid nhang: wa shid re" jeju" mo akhang" byid la o"» ga: tid bye:.

1 SAMUELA 23:13

Hougsu" nghoid yoomo David yo' nya: byu yi khyug shoo: koo: nghoid zi dangain" gi Kila voogung mo zi dalheing: dam thu' phang loo" khari" bye:. Kila voogung mo David phang: loo" khari" bye: ga: ziri Sholu shoug" gyoo: lang" nyang: soin' nyid ziri theing: pyam bye:.

1 SAMUELA 25:13

Houg: lang" nyang: gi «Nanu" da" sham: ri voin ci: looge'» ga: amyeing" byid: kaid lang" nyangnu" dangain" bang: voin ci: bye: zi nghoid. David we' nya: sham: ri voin ci: wigi nya: byu myid shoo: yug koo: yo' dage" thu' loo bye:. Eig shoo: yug koo: gi thang: moo jonu" joem ri zung" nyid kho' da:.

1 SAMUELA 30:6

David da" nya: byu yigi nyangnu" da" zoo: yi byug wigi gye" nheig no ziyo' nyang: ri lugzeing yo' du" said wa ga: kyug nyid boem yoomo David gi yau: khi" zeing shoug" nyid da:. Nghoid loug we' nya: Aseing Mangsoo gi nyang: ri yoem: byid: nyid da:.

1 SAMUELA 9:16

«Nab yo nyid" he: da" ayo, koo: ri Benyamin akung: mo byu dayug ri re" jhang khyoo: ngoo nhang: kaid wa zi nghoid. Nyang: gi nga" Israela byumyu" yiri vhoebkhang" wa shid re" nyang: ri Main kaid xu: foid gyoin byid: ca" wa zi nghoid. Houg: yoomo nyang: gi nyangnu" ri Philisti byu yi lo, mo khyoid yu wa su: nghoid. Nga" byumyu" yi kham zo: nyid da" yau: khe" khyoo: ri ngoo myang bye: ziyo' bo pang" wa shid re" nyangnu" yoid ngau nyid ziri ngoo shoug" gyoo: bye:» ga: tid.