1 SAMUELA 22:1 - Lacid Common Language Bible

¹ David gi Gad voogung mo phang: thu loo" khare lho: Adulam voogung yam mo lug-ug daloem: khyoo: yhe: loo" bye: da:. Nya: mang: bang: yo' deing da" yhoem: byu dangain" bang: gi: nyang: hau: joyoo moo nyid ga: ziri shoug" gyoo: lang" nyangnu" nyang: ri re" shau" boem ago".

1 SAMUELA 22:1 ပူးပေါင်းရင်းမြစ်များ

APOEM AYANG: 38:1

Hau: ayo, moo Yuda gi nya: mang: nhung" yi jang" mo thu lo" lho: Adulam voo mo re" nyid da" Hira ga: su: jhang yhe: nyid nyid.

1 KHOKHAM MHOOMYID: 11:15

Danyid" ri gyizoo: soem" xi: mo soem" yug gi Adulam lug khyung: nam mo David nyid nyid da" lug pyung: khyoo: yhe: lo" da:. Hau: uri Philisti byu daphung: Rephim lang: khung" mo: dab koid nyid ago".

COUNG" NGHEI 34:1

Ngoo gi khanham we' Aseing da" jeju" ri boin: so" nyid wa. Ngoo gi nyang: ri coung" nghei khyoo: khanham we' anoo: wa.

MIKHA 1:15

Meresha voobyu yi we"- Aseing gi nanu" da" voogung ri lo zain: myheug yu pyam wa da" nanu" gyivoo yi da" lo, khoug: khyoo:- nanu" ri ab byid: pyam wa zi za: danghoid lo:. Israela vhujhung: yi we"- Adulam lug ug moo yhe: phang: gau" jo, boem wa nghoid.

MIKHA 1:3

Aseing gi nya: gyeung" shang: da" joyoo mo thu re" loo bye:. Nyang: gyoo" re" lho: boem phyoo" cang so" yen" wa zi nghoid.

HEBRE 11:38

Nyangnu" gi sho" jhen: jamjau zi shau" boem wigi nghe: khoug: jang: sho: yhen" da" byu yi yhang: ti"- siyoo soogam: moo boem moug: mo lug ug joem moo myid khyung: joem moo cang nyid yen" boem ago".

YOSHU 12:15

Libna - Adulam-

YOSHU 15:35

Yarmud- Adulam- Sokho- Azeka-

1 SAMUELA 24:4

Houg: lang" nyangnu" gi nyang: ri «He: zigi re" shid re" akho: akhang" nyang: nghoid bye:. Hau: Aseing gi re" gyivoo ri re" lo, moo: ab byid: wigi nyang: ri nang vho: khyo" yo" koid wa ga: nang ri tid too" bye: zi nghoid» ga: tid ago". Houg: yoomo David gi lo, doo: doo: re" wigi Sholu ri asi' nhang: sho' nya: byisheing: dadu ri yham" ceing yu bye: da:.