1 SAMUELA 2:9 - Lacid Common Language Bible

⁹ Nyang: gi loem khau: da" byumyu" yi da" kangso' ri lhoug zung" nyid. Nghoid loug we' akhyeing" ashoeb bang: ri koem' gi moug: coid khoug: moo byug lo" boem wa zi nghoid. Byu gi nyang: nya: yoem: yo' oung: doid khyoo: ayoo" nghoid da:.

1 SAMUELA 2:9 ပူးပေါင်းရင်းမြစ်များ

YOBA 18:18

Nyang: gi dei nyid bang: moug: mo khaid thu pyam zi shoug" wa. Bid bang khoug: mo moug: coid khoug: khyoo: khaid thu pyam zi shoug" wa.

YOBA 40:13

Nyangnu" dangain" bang: ri myidgung khoug: khyoo: myhoeb pyam bye:. Nyangnu" ri moovo moug: moo tei" lang" too" bye:.

YOBA 5:16

Nyang: gi myung bang: ri myid byu joyoo byid: wigi akhyeing" bang: ri shoem: loo" nhang: da:.

YOBA 5:24

Houg: lang" nang gi re" zoem" khoug: moo ngei pyoo: yug yoo tung" yo" nyid wa. Re" yang joem ri nang yu" kaid ri yang joem goem loem nyid ziri shau" myang wa.

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

COUNG" NGHEI 105:37

Hau: thang: ri nyang: gi Israela byumyu" yiri shu" phang: thu lo wigi nyangnu" gi ngei sheing: joem ri we' tho phang: lo" boem- nyangnu" dangain" bang: gi yang" zain" ziyo' yoem vhoo" byeung boem ago".

COUNG" NGHEI 121:3

Nyang: gi nang ri jhoid leung nhang: wa zi anghoid. Re" da" goem loem byid: nyid su: gi khanham we' daboin: gyeung: nyid.

COUNG" NGHEI 121:5

Aseing gi: nang ri lhoug zung" nyid wa zi nghoid- nyang: gi nang ri goem loem byid: wa shid re" re" da" namtain" moo: danyid nyid.

COUNG" NGHEI 121:8

Nyang: gi nang ri akhid" mo zi pyaid moo: too: moo: ju" sho' re" da" yhi: yhi: loo loo gyung: khyoo: dangain" moo goem loem byid: nyid wa zi nghoid.

COUNG" NGHEI 145:20

Nyang: ri jheddab nyid mo, dangain" bang: ri nyang: goem loem byid: nyid lho: akhyeung bang: ri koem gi nyang: phyo' shoin' pyam wa zi nghoid nyid.

COUNG" NGHEI 31:17

Aseing we" ngoo gi nang ri mho' yoid nyid. Ngoo ri sho thu gyoug athu nhang:- akhyeing" ashoeb mo, koem gi sho shoug" gyoug shoug" nyid goo" baja". Nyangnu" gi moovo moug: khyoo: sam" zoo: gyoo" loo" go" baja".

COUNG" NGHEI 37:28

Khasu" wim ga: ri Aseing gi deungmain" da" khyoo: ri jheddab nyid wigi nheigloem: zung" da" nya: byumyu" yiri ashe: pyam. Nyang: gi nyangnu" ri apyaid atoo: moo lhoug zung" goem loem byid: nyid loug we' akhyeing" ashoeb su: da" amyed, ashen yi rigi koin" thu' pyam zi shau" boem wa nghoid.

COUNG" NGHEI 94:18

Ngoo gi jhoid leung lo" nyid bye:- ein: ngoo tid nyid bye:. Nghoid loug we' Aseing we" nang gi re" da" athang agoin jhed khyeing: kang: khyeing: yo' ngoo ri she: yu nyid bye:.

COUNG" NGHEI 97:10

Akhyeung" khyoo: ri ngheung nyid mo, rigi Aseing jheddab nyid. Nyang: gi nya: byumyu" yi ca" kangso' ri goem loem yu byid: nyid wigi akhyeing" bang: da" yoem so, khoug: mo we' nyangnu" ri khyoid yu nyid.

DANG: ZHOEM 16:9

Re" moo" zoo" joem ri nang kyam: too" nghoid loug we' Mangsoo gi hau: ziri khyoo: shed byid nyid.

DANG: ZHOEM 2:8

Nyang: gi gootu: byumyu" yiri deingmain" khyo" zoem" khoug: bang: ri lhoug zung" byid: nyid wigi nyang: moo: nheig tei too" bang: ri goem loem byid: nyid.

DANG: ZHOEM 3:26

Aseing gi nang ri goug: nyu: tung" lhoug zung" byid: wa zi nghoid. Nyang: gi nang ri lhid moo: myi" nhang: wa zi anghoid.

PHAJHI" DANG: 5:17

Ngoonu" apyaid ri moug: coid khoug: moo kougshu: zi myid myo: zi nheig yoo: nheig teig ziyo' noo phyoo" shau" wigi nyid ca" da:.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

ESAIA 27:3

«Ngoo gi hau: ziri zung" wigi byeing abyid loo: gyid shoin" da:. Hang" we' hau ziri dam ayo" tab wa shid re" ngoo gi myen" ri nyid" ri lhoug zung" nyid.

ESAIA 47:5

Aseing gi Babelon ri «Pug zheig aga: ziyo' moug: coid khoug: moo zhung: jo, we'. Nyangnu" nang ri byumyu" yi da" khokham myhi' ga: akhi: loogoo" wa.

YEREMIA 8:14

Mangso byu yi myid: zigi «Ngoonu" ciwim sam: zoo: tam" jo, boem la". Sage'- ngoonu" gi gyidab voomoo" joem khyoo: phang: tang" vang yhe: wigi houg moo yhe: shid: shang. Ngoonu" Aseing Mangsoo gi nyang: ri ngoonu" yooboo shoid boem bye: yoomo ngoonu" ri shid: wa shid re" dang: phyed byid: bye:. Nyang: gi ngoonu" ri myoono, byid: jhug abye:.

YEREMIA 9:23

Aseing tid zigi Phajhi' boo bang: gi nyangnu" da" phajhi" shid re" age phoug:- Yoem: boo bang: gi nyangnu" da" yoem: moo age phoug: tid. Jonu" yoo" bang: we' nyangnu" da" jonu" yoomo age phoug:-

NAHUM 1:8

Nyang: gi gyi" sho' da" gyid khyoid zoo" yo' dakhyoo" ti" nya: da" gyivoo joem ri jhoid phyo' sain" pyam bye:. Nyang: gi nyang: ri gyi tau" koid mo, ri shid: jang" khyoo: nhang: kaid bye:.

ZEPHANI 1:15

Hau: bidnyid gi nheig joem: yo: lo da" bidnyid yau: khi" da" bidnyid phyo' sain" byo, bei da" bidnyid moug: coid teing: no, ziyo' moug: doeb lho: jhoemmoug" thu: no, lo da" bidnyid nghoid.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

GYUNG: SOO" 6:24

Aseing gi nanu" ri mainkaid byid: wigi lhoug zung" goin coung: byid: baja".

MATHE 8:12

Xang: shid" mo mougkhoung: mung" byu bui" eung: mo, gi nghe: shoid' mo moug: coid' khoug: khyoo: khaid zei kaid zi shau" boem wa. Hau: jang moo ngougmyeing" sho" thui: yo,- zei yang: kyeig ga: ngaid wi zheung: yau nyid goo" wa"» ga: tid.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

TARHA" TID POIN" 33:3

Aseing gi nya: byumyu" yiri jheddab wigi nyang: wigi seing: da" bang: ri goem loem byid: nyid. Houg: yoomo ngoonu" gi nya: khyid: yang: moo goeb pid wigi nya: amyeing" dang: joem ri tam" gyo: cang yhe: nyid boem.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

2PETRU 2:17

He: da" byu gi kyoug kain" byug bye: gyid bug yo" we' ug lid wigi houg tang" yen" da" jhoem: moug" yo" we' du nyid boem. Mangsoo gi nyangnu" shid' re" moug: coid' no, thang da" jang" moo joyoo daloem: nyheung too" byid: bye.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

1 SAMUELA 25:26

Re" gyivoo yiri said wa ziyo' latoo: phug wa da" myid bo nyid jang" mo hau: Aseing nang ri toem too" yoomo re" gyivoo yi yo' nang ri noo nhang: nau mo, dangain" gi Nabala yhang: ti" dam byid: zi shoug baja" ein: kangso' Aseing jang" moo jham tang: bye: zi nghoid.