1 SAMUELA 2:8 - Lacid Common Language Bible

⁸ Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.

1 SAMUELA 2:8 ပူးပေါင်းရင်းမြစ်များ

APOEM AYANG: 41:14

Khokham phoo gi Yoseb ri shu" nhang: kaid lho: nyang: gi thoung: mo dalheing: dam shu" thu yu zi shoug" bye:. Nyang: gi shoomoug" yid pyam lho: byimi thid pyam wigi khokham shidkhoin" khyoo: vang yhi: bye:.

APOEM AYANG: 41:40

Nga" moug: nga" dain" ri vhoebkhang" su: nang ri ngoo koid nhang: wa hau: lho: nga" mung" byu yi dangain" gi re" dang: ri tam" gyo: boem wa nghoid. Re" da" amyeing" akhang" gi ngoo mo lid lho: azhang eig loem: gyi: su: nghoid wa.

2 SAMUELA 7:8

«Hougsu" nghoid yoomo Myhang: thang da" ngoo Aseing nyang: ri tid da" dang: nga" dei zoo: David ri tid we'. Khyam: cang nang yang zung" nyid jang" mo ngoo nang ri khe: yu wigi Israela byumyu" yiri vhoebkhang" wa da" zoug: aya: nang ri byid: too" bye:.

1 KHOKHAM 16:2

«Nang ci: abui" nghoid loug we' ngoo nang ri nga" Israela byumyu" yi da" vhujhung: bui" nhang: bye: zi nghoid. Akhid" nang gi Yeroboam yhang: ti" yooboo koid wigi nga" byumyu" yiri yooboo thoem" khyoo: shu' yhi: bye:. Nyangnu" da" yooboo gi nga" nheigloem: ri zhu: nhang: bye:.

2 KHOKHAM 9:6

Hau: thang: nya: eig yug yhoem: khoug: khyoo: vang lo" wigi Lapi: zooyam zoo: gi Yehu da" vhuloem moo xu: foid gyoin: byid: wigi nyang: ri «Israela Aseing Mangsoo gi ‹Nga" byumyu" Israela khokham koid wa ngoo nang ri mainkaid xu: joid byid: da:.

YOBA 1:21

Nyang: gi «Ngoo ci we' aci: loo: khu: re" wigi ci: we' aci: loo shid: loo" wa. Aseing byid: wigi akhid" nyang: doem yu pyam byid: da:. Mangsoo myeing ri coung" nghei boem shang o"» ga: tid.

YOBA 2:8

Yoba gi mhoid soid boem" nham moo yhe: zhung: jo, lho: oug" jab dajab wigi nya: gung ri khyeug nyid da:.

COUNG" NGHEI 102:25

Nang gi goonham gooco' ri mougmyid yoosoo" ri phain to" lho: re" da" lo, wigi mougkhung: mougdi ri nanya: lo, wigi koid too" bye:.

COUNG" NGHEI 104:5

Nang gi: mougmyid ri hau: da" jo, gyab tho' moo: geung: teing sho zhoug to" lho: hau: zigi khanham we' tu: lheung: pyam zi shoug" wa anghoid.

COUNG" NGHEI 107:41

Nghoid loug we' nyang: gi ca" yo, nyid bang: yo' nyangnu" da" kyi" khyeug yau: khi" da" akhoug: mo khyoid khyu: yu ziyo' nyangnu" da" ikoin deungkhu: byu yiri yang phung: joem ri yhang: ti" myo: loung: loo nhang:.

COUNG" NGHEI 24:2

Nyang: gi mougmyid yoosoo" ri myid jang: gyid no, da" joyoo moo ayang: zhoug to" lho: no, thang nammugdara da" athi" moo: apoem: qei" wigi zhoug to" zi nghoid.

COUNG" NGHEI 75:3

Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

COUNG" NGHEI 75:4

Ngoo gi akhyeing" mo, nheigloem: gyi: phau: khuang zi ayo" koid goo" baja" ein: tid nyid.

COUNG" NGHEI 75:7

Dang: phyed wa da" tarha" agyi phoo gi Mangsoo nyang: nghoid. Nyang: gi dayham" ri yooboo dam koid lho: dayham" rigi yooboo mo lhoid pyoin kaid wa zi nghoid.

ESAIA 22:23

Dung" zeing yo' dakhyo" nyang: ri ngoo teing za: tei" too" wa. Nyang: yhoemkhung: dangain" shid re" ngi: shab khyoo: ayang: nyang: nghoid wa.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

DANIELA 6:3

Kha: myhang akyoo: ri Daniela gi gootu: moo" pyoo: bang: yo' mung" zoug: yi tho' mo moo" je yo" zei: ziri shau" myang da:. Nyang: gi gye" bui" yoomo khokham pho wigi damung" goin" ziri vhoeb wa moo" foin: wa myid soin' to" da:.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 5:10

Nang gi nyangnu" ri ngoonu" da" Mangso mungdain: moozoo" ri zei: wa da" shid re" Khainjung aya ri ab, byid: bye- Hau: lho: wigi nyangnu" gi he: da" mougsoug" ri yo" vhoeb, khang" boem wa zi nghoid- ga: wigi khoin" nyid boem.

1 SAMUELA 15:17

Samuela gi «Re" gung nyang: ce: yhouggyen: anghoid ga: myid ngham" nyid nghoid loug we' nang gi Israela byumyu" akung: ako' yi' da" vhujhung: nghoid nyid da:. Aseing nang ri Israela byumyu" yi da" khokham koid nhang: wa mainkaid xu: foid shoin" byid: bye: da:.