1 SAMUELA 2:7 - Lacid Common Language Bible

⁷ Nyang: gi dayham" ri sho" jhen: nhang: wigi dayham" rigi yoo" zoo: yoo" shug nhang: nyid da:. Nyang: gi dayham" ri doin: khyo' pyam wigi dayham" rigi gyi: sheung: loo" nhang: nyid da:.

1 SAMUELA 2:7 ပူးပေါင်းရင်းမြစ်များ

2 KHOKHAM 9:6

Hau: thang: nya: eig yug yhoem: khoug: khyoo: vang lo" wigi Lapi: zooyam zoo: gi Yehu da" vhuloem moo xu: foid gyoin: byid: wigi nyang: ri «Israela Aseing Mangsoo gi ‹Nga" byumyu" Israela khokham koid wa ngoo nang ri mainkaid xu: joid byid: da:.

1 KHOKHAM MHOOMYID: 29:12

Ziyoo jonu" yoo" zoo: yoo" shug khyoo: dangain" gi nang mo ju" re" zi nghoid. Nang gi ja: khang" moo" ri yoem: yo' yoem: so' wigi vhoebkhang" da:. Nang gi yugkhang" moo" ri yo" gyi: nhang: su: nghoid.

2 KHOKHAM MHOOMYID: 32:27

Khokham Hezekia gi jonu" gye" yo" re" lho: yugkhang" moo" nyang: ri ngi: shab byid: da:. Nyang: gi nya: da" sheing:- ngei- phoug" dab da" lug- shoem: nam pyo: ja:- goo joem gootu:" phoug" dab da" zi joem too" wa shid re" jhi: koid da:.

2 KHOKHAM MHOOMYID: 32:29

He: gu: dangain" tho' mo gootu: Mangsoo gi nyang: gi yang- nu: joem byid: lho: gootu: jonu" myoo" sho' yo" wigi nyang: gi voomoo" myoo" sho' ri de: to" da:.

YOBA 1:21

Nyang: gi «Ngoo ci we' aci: loo: khu: re" wigi ci: we' aci: loo shid: loo" wa. Aseing byid: wigi akhid" nyang: doem yu pyam byid: da:. Mangsoo myeing ri coung" nghei boem shang o"» ga: tid.

YOBA 40:12

Nghoid- nyangnu" ri lang" yu" nyid wigi du" khyo' pyam we'. Akhyeing" bang: we' nyangnu" yab jo, da" joyoo moo khyoeb pyam bye:.

YOBA 5:11

Nghoid- nyhoem: khyoo' bang: ri tu: to' wigi koug ngoug bang: dangain" ri ngei pyo: khyoo: ri byid: su: gi Mangsoo nyang: nghoid da:.

COUNG" NGHEI 75:7

Dang: phyed wa da" tarha" agyi phoo gi Mangsoo nyang: nghoid. Nyang: gi dayham" ri yooboo dam koid lho: dayham" rigi yooboo mo lhoid pyoin kaid wa zi nghoid.

COUNG" NGHEI 75:8

Aseing gi nya: nheug yo: phoin:” ein: da- aso, thain: da" zabyid yeing yo' byeung" da" goem daloem: nya: lo, moo: ci. Hau: zabyid yeing ri nyang: foid shoin" kaid lang" tarha" aci: bang: dangain" gi hau: ziri shoug boem bye:. Nyangnu" gi dazo, we' adeing loo sho' shoug" pyam abye: go".

DANG: ZHOEM 22:2

Myung shoo" su: yo' yoo" su: di su: du go" da" khyoo: daja: gi eig yug goin" ri Aseing phain" so: to" ga: zi nghoid.

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

YEREMIA 49:15

Aseing gi nanu" ri yoem: neing: nhang: wa. Hang" we' nanu" ri aphoug" myang: goo" wa.

EZEKIEL 17:24

Hau: moug: moo jo, da" seiggam dangain" gi ngoo Aseing nghoid ziri se' loo goo" wa. Ngoo gi myhang: da" seiggam joem ri thug lheing: pyam lho: nge da" seiggam joem ri yug gyi: loo nhang: wa. Ngoo gi seig nyau gam joem ri kyug shoem: loo" nhang: lho: seig kyug gam joem ri nyau joem: loo nhang: wa. Ngoo Aseing tid too" bye:. Ngoo gi ngoo koid wa ein: tid too" bye: da" ziri koid wa.

YAKU 4:10

Nanu" gi nanu" nya: da" gung du: ri Aseung da" shid khoin" moo khyo, nyhoem: nyid ge'. houg: lang" nyang: gi nanu" ri coung" nghei tu: to' kaid wa zi nghoid nyid.