1 SAMUELA 2:3 - Lacid Common Language Bible

³ Re" da" phau: khuang nheigloem: ri to" pyam we'. Re" nghoid boin: dang: ri no: pyam we' Aseing gi gye" se da" Mangsoo nghoid yoomo byumyu" yi koid da" khyoo: dangain" ri nyang: gi tarha" dang: phyed byid: wa zi nghoid.

1 SAMUELA 2:3 ပူးပေါင်းရင်းမြစ်များ

1 KHOKHAM 8:39

nyangnu" akyu" mho' dang: ri tam" gyoo: byid: we' o". Re" mougkhung: mungdain: yhoem: mo nyangnu" ri tam" gyoo: byid we' yooboo khyoid byid we' nyangnu" ri pang" thoug we' o". Nang dayug za: byu da" nheigloem: moo myid soin' nyid ziri yo" se' da:. Yugkhang" moo" gi nyang: nya: koid da" moo" yo' dayhang: ti" shoug" kham zoo: baja" o".

YOBA 31:6

Mangso ngoo ri main" da" juid: jang wigi leig yu" baja" Houg: lang" ngoo khasu" yooboo ayo" ziri nyang: shau" myang loo wa.

COUNG" NGHEI 147:5

Ngoonu" da" Aseing gi tho' mo su: nghoid nyid yoomo athang agoin da" yoem: moo" yo' byeung" jo, su: nghoid. Nya: da" lasi phajhi" ri hang yo" tho' ke' yu" wa zi anghoid.

COUNG" NGHEI 17:10

Nyangnu" gi nheug khyeug shoo" myen: khyoo: to" lho: phau: khoug: dang: ri tid nyid ago".

COUNG" NGHEI 31:18

Mhoug foeb, joem gi nghoid boin: lho: cishu: anhang: khyoo: deingmain" mo, da" khyoo: ri gei sang: shang pyang: si' mo, ri tam" loo" nhang: we'.

COUNG" NGHEI 44:21

Ngoonu" da" nheigloem: ung: khoug: moo: yhoem" to" da- myid soin: khyoo: joem ri nang si' byid: nyid yoomo nang gi hau: khyoo: ri deing" deing nyang: myang si' byid: wam: bye:.

COUNG" NGHEI 75:5

Nyangnu" da" nghoid boin: phau: khuang khyoo" joem ri no: pyam nhang: wa shid re we' ngoo nyangnu" ri tid bye: ga: tid

COUNG" NGHEI 94:4

Yooboo shoid gei tab, yen" mo, gi khayo, ju" sho phau: khuang wigi yo" nghoid boin: nyid boem wa lha".

DANG: ZHOEM 16:2

Nang zei: nyid da" moo" zoo" kha: ja: we' joo nyid ein: myid soin: nyid nghoid loug we' Aseing gi re" nheigloem: khoug: moo: myid soin: khyoo: ri dang: phyed byid: nyid.

DANG: ZHOEM 24:12

Nang yo' ci: asen: ga: tid nyid nghoid loug we' Re" da" emyed khoug: moo: myid nyid da" khyoo: ri Aseing nyang: si' byid: nyid lho: dang: phyed byid: nyid. Nyang: gi nang ri yu" nyid lho: se' nyid. Hau: lho: nang koid da" moo" moo: cang wigi phoug" tab, jhungshug ri byid: loo wa zi nghoid.

DANG: ZHOEM 8:13

Aseing ri coung" nghei tu: to' da" khyoo: gi ashoeb khyoo: ri ngheung" khyoo: nghoid. Ngoo gi phau: khuang nghoid boin: ziyo' nheigloem: myhang: khyoo: ashoeb, khyoo: joem yo' shoid vhang: khyo" tid sang: da" dang: khoin" thui: joem ri ngheing" su: nghoid.

ESAIA 26:7

Aseing we"- byugi yi shid re" khyoo: ri jhoid jhoid young" young" zi koid bye: da:. Nyangnu" so" da" khyoo: ri dam dam koid byid: da:.

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

YEREMIA 17:10

Ngoo Aseing gi byu da" myid ri pei: shoo: su: yo' nheigloem: ri jham" yu" su: nghoid da:. Ngoo gi yugkhang" moo" ri nya: kangso' dei ziyo'. Nyang: koid da" moo" ri cang wigi koid byid: wa.

EZEKIEL 35:13

Nang wigi ngoo ri thougtheung wigi aphoug" akhyoid tid phue: bye: da" khyoo: ri ngoo shoug" gyoo: bye:.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

DANIELA 5:27

Janglug- nang ri jang moo leig yu" ri gye" soem" nyid ziri shau" myang.

MALAKHI 3:13

Aseing gi hidsu" tid nyid «Nanu" gi nga" khyoo: ri dang: thain: daja: khyo" tid nyid ago". Nghoid loug we' re" khyoo: ri ngoonu" citid bye: lha"» ga: myid nyid ago".

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.

YOSHU 22:22

«Myhang: thang zigi Mangsoo nghoid. Nyang: gi Aseing nghoid da:. Myhang: thang zigi Mangsoo nghoid. Nyang: gi Aseing nghoid da:. Nyang: hau: ziri ciwim koid lid lo ziri nyang: se'. Houg: lho: ngoonu" we' nanu" ri si' nhang: nau da:. Ngoonu" gyi koid wigi Aseing ri loem khau myid abo nghoid rigi ngoonu" ri adei anyid nhang: loo: goo".

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

TARHA" AGYI 9:38

Hau: thang: Zebula gi nyang: ri «Nang gye" phau: tid da" dang: gi akhid" khamoo: lha". Nang gi he: Abimeleg ri ngoonu" ciwim dei byid: wa lha" ga: myid: su: nghoid da:. Houg: bang: gi nang wigi yi juang" pyam da" bang: nghoid ago". Akhid" thu yhe: lho: nyangnu" ri yhe: zain: we» ga: tid.

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.