1 SAMUELA 17:52 - Lacid Common Language Bible

⁵² Israela byumyu" yi yo' Yuda byumyu" yigi yoid nyho: wigi nyangnu" thang: khyoo: Gad yo' Ekron voogung khyam: khoem" ju" sho' dakhyoo: goin" cang khaid boem ago". Philisti byumyu" yi dam dab bang: we' Sharim mo zi Gad yo' Ekron ju" sho' dakhyoo: moo" goin" leung jo, boem ago".

1 SAMUELA 17:52 ပူးပေါင်းရင်းမြစ်များ

2 SAMUELA 23:10

Nyang: gi nya: joyoo moo yab jo, wigi nya: sham: ri ayo" zain: loo sho' lo, byeing byeing da" ayo, ju" sho' Philisti byumyu" yiri khaid zain: nyid da:. Hau: nyid" ri Aseing gi oung: pui" zeing byid: bye:. Hau: meing: bain zain: go" thang: ri Israela byumyu" yigi Eleaza nyid jang" khyoo: doem tau" yhe: wigi shid: mang mo gyimi gyibyi: joem ri khyoid yu boem bye:.

1 KHOKHAM 20:21

Khokham Ahab gi jang: pa: khyoo: thu re" ziyo' myang: joem yo' gyi myang: rheing" oung: yu wigi Suri byumyu" yi atho' moo: nheugshid: nheugdeug oung: yu bye:.

YOSHU 15:11

Mougkyoo" gi Ekron mougzhung: bouggung khyoo: ju"- Shikeron shoid khyoo: lheing: lo"- Bala boem ri lid phyed wigi Yamnia khyoo: ju" da:. Hau: zigi Meing: gung panglai: moo: lo" thang da:.

TARHA" AGYI 7:23

Hau: thang: Nabthali- Ashe kung: yo' Manashe moug: eig du goin" mo bang: ri khe: yu lho: nyangnu" gi Midian byu yiri cang khaid ago".

1 SAMUELA 17:53

Israela byumyu" yigi Philisti byumyu" yiri cang khaid said jang" mo doem tau" lo lho: nyangnu" da" dab ri lo phyo' zheing" nyid boem ago".

1 SAMUELA 5:10

Hougsu" nghoid yoomo nyangnu" gi gootu: Philisti voogung nghoid da" Ekron voogung khyoo: hau: Dang: Theing Kuid: ri byid: kaid ago". Nghoid loug we' Kuid: gi houg: moo ju" lo" da" uri byumyu" yigi «Ngoonu" ri said pyam wa ga: Israela byumyu" yi da" Mangso Dang: Theing Kuid: ri nyangnu" hid: khyoo: ci: ri goo" nhung:» ga: yoid ngau nyid ago".

1 SAMUELA 5:8

Hougsu" nghoid yoomo nyangnu" gi lagyoo: yiri nhang: kaid wigi «Philisti khokham wim yug ri khe: zheung" to" lho: nyangnu" ri Israela byumyu" yi da" Mangso Dang: Theing Kuid: ri nyhang" khasu" koid wa lha"» ga: myid: go" nyid. Nyangnu" gi «Hau: ziri Gad voogung moo yhe: too" ge'» ga: tid kaid lang" nyangnu" we' hau: ziri Philisti yi da" voogung daloem: nghoid da" Gad voogung moo yhe: to" too" bye:.