1 SAMUELA 15:6 - Lacid Common Language Bible

⁶ Israela byumyu" yi Egutu mung" mo thu lo uri Keni byumyu" yi da" phoug" phyid" yi jheddab myid ci: shug too" yoomo nyangnu" ri tid poin" kaid nhang: zigi «Amaleg byumyu" yi yo' dage" nanu" ri ngoo ashau" said pyam baja"- nyangnu" jang" mo thu phang: lo" byug ge'» ga: tid nhang:. Hougsu" yoomo Keni byumyu" yi we' thu lo" byug bye:.

1 SAMUELA 15:6 ပူးပေါင်းရင်းမြစ်များ

APOEM AYANG: 15:19

Houg: moo Keni moug:- Kenizi moug:- Kadmoni moug:-

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

1 KHOKHAM MHOOMYID: 2:55

Vhoo mo akung: ako'' yigi Yabed voogung moo: nyid wigi nyangnu" gi mougsoug" lhid" jhang: bang: yang: je: lhid" jhang: bang: nghoid ago". Houg: bang: gi Tirathi byu yi Shimethi byu yi yo' Sukhathi byu yi nghoid da:. Houg: bang: gi Rekhab byu yi yo' myi: byid: myi yu go" da" Keni byu yi nghoid ago".)

THU' LO" MOUGSOUG" 18:19

Akhid" ngoo nang ri ge da" phajhi" dajhi' byid: ba. Mangsoo we' nang yo' dage" nghoid baja". Nang gi byumyu" yi da" gungthid Mangso shidkhoin" khyoo: nyangnu" khyoo: ri ci: yhi: byid: lho: nyangnu" tid go" khyoo: ri yhe: tid kyo" ri dajoo wa.

DANG: ZHOEM 9:6

Aboin: agyeung: da" byu phung: ri too" kho' lho: kangso' dei nyid we'. Lasi, phajhi" moo: cang so" loo" ge'.» ga: nyho: yoid nhang:.

GYUNG: SOO" 16:34

Houg moo: nyid boem da" Israela byumyu" dangain" bang: gi houg: bang: nyhoo: thui: ri shoug" gyoo: lang" tang" phang: boem ago". Nyangnu" gi «Tang" phang: ge'. Myidgung: gi ngoonu" ri we' myhau: pyam wa» ga: yoid nyho: ago".

ACTS 2:40

Houg: lang" Petru gi gootu: dang: khyoo" myoo" sho' yo' nyangnu" ri tid poin" tid kyeing" byid: zoore- nanu" gi he: akhyeing" ashoeb da" byu yi tho' moo ju" lo nyid da- yoobo dam mo loid byoin loo: ge'- ga: tid poin" da.

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

Pang Shug 18:14

Phaga byu yi nyang: ri tid zigi " Hau: da" voomoo" zeing ri nang vho: ngei kang: lung bu nyid da- phoug" dab, ziyoo joem gi ajo, loo- soid' gain ziyoo myonhoo: ngeilang: joem we' bei: lo" byug boem bye- hau: da" ziyoo soid' gain joem ri nang thang: phyang" doem shug" vhoo, loo: wa zi anghoid,, ga: tid boem.

TARHA" AGYI 1:16

Moshe da" yug phoo Keni da" amyed ashen" yigi thab gam voomoo" Yerikho mo Yuda byumyu" yi yo' dage" Yuda mung" khoug: mo Arad mougpyi: shoid dain" pyoid yoo khyoo: cang yhe: lo" da:. Nyangnu" gi Amaleg byu yi phung: moo yhe: de: nyid boem.

TARHA" AGYI 4:11

Hau: ayo, moo Keni byu Hebera gi nya: Zoem" ri Kedesha yo' tab tab Zananim mo Shookhi" gam nam moo koid to" da:. Nyang: gi Moshe da" nya: khau: Hoba da" amyed ashen yi nghoid boem da" Keni byu gootu: yi yo' gang: lo" da:.

TARHA" AGYI 5:24

Gam ge thang da" myiyi: myhi' gi Yaela nghoid. Nyang: gi Keni byu Hebera da" yhoem: seing: myhi' nghoid da:. Nyang: gi zoem" joem khoug: moo nyid da" myiyi: yi tho' gam ge thang yug nghoid da:.

1 SAMUELA 15:5

Hau: thang: nyang: yo' nya: byu yi Amaleg voogung khyoo: to' yhe: lo" wigi lang: khung" daloem: moo yhe: gau" zung" yu" nyid boem ago".

1 SAMUELA 27:10

«Akhid" nang khayoo: yhe: khaid zain: nyid la"» ga myid: lang" David gi nyang: ri «Yuda mung" mougpyi: shoid- Yeramela akung: yi da" mougmyid- Keni byumyu" yi nyid da" moug: ju" sho' yhe: khaid" zain: bye:» ga: tid.

1 SAMUELA 30:29

yo' Rakhala voogung joem mo byumyu" yi jang" moo we' Yeramela akung bang: ri we' Keni byumyu" yiri we'