1 SAMUELA 15:26 - Lacid Common Language Bible

²⁶ Samuela gi nang yo' dage" ngoo doem tau" loo" wa zi anghoid. Aseing da" amyeing" dang: ri nang atam" gyoo: yoomo nang ri Israela byumyu" yi da" khokham aya: mo nyang: khyo' pyam zi nghoid» ga: doem phug tid.

1 SAMUELA 15:26 ပူးပေါင်းရင်းမြစ်များ

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 13:14

Nghoid loug we' akhid" gi nang yo" vhoeb khang" loo: wa zi anghoid. Nang nya: da" dang: ri atam" gyoo: yoomo Aseing gi nyang: yu" vho: da" byu ri sho: wigi nya: byumyu" yiri vhoebkhang" nhang: wa zi nghoid» ga: tid bye:.

2 Yohan 1:11

Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

1 SAMUELA 15:23

Aseing ri thougtheung gyi koid zigi se' fa" bang: yhang: ti"- agi nghoid da:. Khuang da" myid gi yu phara" soolhoo: ri no' da" thung" yhang: ti" yooboo yo" nyid zi nghoid. Aseing da" amyeing" dang: ri atam" gyoo: yoomo nang ri we' khokham aya: mo nyang: khyo' pyam bye: zi nghoid» ga: tid.

1 SAMUELA 15:31

Hougsu" yoomo Samuela gi Sholu yo' dage" Gilgala khyoo: doem tau" lo" wigi Sholu gi Aseing ri noku bye:.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.

APOEM AYANG: 42:38

Nghoid loug Yaku gi «Nga" zoo: ri re" thang: ayo" cang nhang: wa. Nya: mang: gi shid: bye:- nyang: khyeing" date: deing lo:. Gyung: khyoo: moo nyang: daja: ja: ge bue" da:. Ngoo gi mang: bye: houg: lho: nang ngoo ri koid byid: da" kougshu: khyoo: gi ngoo ri shid: loo" nhang: wa bye:» ga: doem tid.

ACTS 13:22

Hau: thang: ri Mangsoo gi Sholu ri khyo, pyam' lho: David ri nyangnu" da" khokham" doem koid nhang: bye- Mangsoo gi David yo' sen: lho: wigi Yese nya: zoo: David gi Ngoo vhoo: su- Ngoo zei: nhang: da" moozoo" dangain" ziri zei: wa nghoid ziri ngoo myang bye- ga: tid.

1 SAMUELA 28:18

Nang gi Aseing da" amyeing" dang: ri atam" gyoo: loo: za: Amaleg byumyu" yi yo' nyangnu" da" jonu" dangain" ziri bain sho' aphyo' pyam zi nghoid da:. Hougsu" yoomo Aseing gi he: moo" zoo" ri akhid" nang moo: koid nyid zi nghoid.

2 SAMUELA 12:9

Hougsu" nghoid ri nga" amyeing" dang: joem ri nang ciwim yoomo atam" gyoo: koid lha". Hid yhang: te" akhyeing" da" moo" zoo" ri nang ciwim yoomo zang" koid lha". Nang Uria ri meing: zain: jang: moo said pyam bye:. Amon byu yi da" lo, yo' nyang: ri said pyam nhang: bye:. Hau: thang: nya: yhoem: seing: myhi' ri nang yu pyam bye: nhung:.

HOSEA 13:11

Nga" nheig yo: ziyo' nanu" ri khokham yiri byid: bye:. Houg: lho: nga" nheig joem: yo: zi wigi nyangnu" ri yu pyam bye:.

2 SAMUELA 7:15

Nang khokham bui" sho' Sholu da" lo, mo ngoo khyoid yu yhang: ti" nya: thang: bo dab da" khyoo: ri ngoo theing: pyam wa zi anghoid.