1 SAMUELA 15:19 - Lacid Common Language Bible

¹⁹ Hougsu" daga: ri nang gi nya: da" dang: ri ciwim atam" gyo: la". Ciwim yoomo lanyhoeb jonu" joem ri shoem" koid: ci: lo wigi Aseing avho: da" moo" zoo" ri koid lo lha"» ga: tid da:.

1 SAMUELA 15:19 ပူးပေါင်းရင်းမြစ်များ

1 SAMUELA 14:32

goem lau gyi yi jang" moo nyangnu" shoug" lhoid yu da" yang yo' nu: zoo: joem ri hau: joyoo moo nyang: said to" wigi shoo" yo' suid" zo: boem ago".

YEREMIA 7:11

Nga" Noku Yhoem: Moo" gi lhoid zo: da" khyangtoug: yi shid re" goug" wa joyoo ein: jhoo: go" rhe". Nanu" cikoid nyid ziri ngoo shau" myang byid: bye:.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

2 KHOKHAM MHOOMYID: 36:12

Nyang: gi Aseing yooboo shoid wigi Aseing mungdang: ri tid su: Yeremia da" dang: ri nheigloem: nyhoem: khyo' wigi atam" gyoo: byid: nghoid da:.

2 KHOKHAM MHOOMYID: 33:6

Nyang: gi nya: yuggi zoo: joem ri Hinnom lang: khung" mo: nghe' ngei" xoin" khyo" xoin" to' byid: da:. Nyang: gi buid phyed zi fa" zi lo, kyo' yu" mo, yo' join: zei: mo, ri dang: myid: myid: da" khyoo: koid da:. Nyang: gi Aseing ri gye" thougtheung yooboo koid lho: nya: nheig yo: khyoo: ri lhu: zhang" kaid da:.

2 KHOKHAM MHOOMYID: 33:2

Nya: byumyu" yi shid khyoo: yhe: lo" uri mungdain: mo Aseing wigi khaid thu pyam da" byumyu" yi da" aco' ajhoid avoid lo, moo" ri cang wigi Manashe gi Aseing ri thougtheung yooboo shoid da:.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

1 SAMUELA 15:20

Sholu gi «Aseing da" dang: ri ngoo tam" gyoo: bye:. Nyang: tid ziyo' dayhang: ti" ngoo yhe: wigi khokham Agag ri ngoo yhe: myheug shu" lo lho: gootu: Amaleg byu dangain" ziri said pyam khoo' bye: zi nghoid.

GYUNG: SOO" 14:41

Nghoid loug we Moshe gi «Houg: ri akhid" nanu" ciwim yoomo Aseing da" tid dang: atam" gyoo: go" la". Nanu" oung: wa zi anghoid.

2 SAMUELA 12:9

Hougsu" nghoid ri nga" amyeing" dang: joem ri nang ciwim yoomo atam" gyoo: koid lha". Hid yhang: te" akhyeing" da" moo" zoo" ri nang ciwim yoomo zang" koid lha". Nang Uria ri meing: zain: jang: moo said pyam bye:. Amon byu yi da" lo, yo' nyang: ri said pyam nhang: bye:. Hau: thang: nya: yhoem: seing: myhi' ri nang yu pyam bye: nhung:.