1 SAMUELA 13:7 - Lacid Common Language Bible

⁷ Dayham" bang: gi Yodan gyid lang ri gu: wigi Gad yo' Gilead mung" khyoo: phang: goug" byug bye:. Sholu gi Gilgala moo danyid shi" yoomo nyang: yo' dage" nyid nyid da" byumyu" yi gyoug nyid boem.

1 SAMUELA 13:7 ပူးပေါင်းရင်းမြစ်များ

XOIN" NGEI" 26:17

Ngoo nanu" ri thougtheung wa houg: lang" nanu" soem" goo" wa wigi nanu" ri ngheing" mo, wigi nanu" ri vhoebkhang" loo goo" wa. Nanu" ri hang" we' akhaid loug we' nanu" gi gye" dain ziyo' tang" phang: yen" goo" wa.

TARHA" TID POIN" 20:8

«Gyizoug: yigi yug gi yiri ‹Hid: moo seing" ayang" zi dayug yug boo go" la". Bo nghoid rigi nyang: yhoem: khyoo: doem loo" baja" hougsu" anghoid rigi nyang: gi gootu: gyi yiri yoem: shoin: nhang: pyam wa» ein: we' tid wa zi nghoid.

TARHA" TID POIN" 28:25

«Aseing gi nanu" da" gyivoo joem wigi nanu" adang moo oung: pyam nhang: wa zi nghoid. Nanu" gi nyangnu" ri dashoid khyo" khaid zain: nghoid loug we' nanu" gi nyangnu" jang mo shoid khang" moo" khyo: phang: loo" ca" goo" wa. Houg: lho: mougmyid dang mo byumyu" dangain" gi nanu" moo bue" ziri shau" myang wigi gyoug dain loo goo" wa.

TARHA" TID POIN" 3:12

«Ngoonu" hau: mungdain: ri seing: yu da" uri ngoo gi Ruben yo' Gad byu kung: yiri Arnon lang nam mo Aroera voogung mougzhung: shoid mougmyid joem yo' Gilead boem moug: du- houg: mo voogung joem yo' dage" ab byid: da:.

YOSHU 13:11

Hau: zigi Gilead- Geshuri yo' Makhathi mung"- Hermon boem dangain"- Saleka ju" sho' da" Bashan mung" dangain ju" sho' nghoid da:.

YOSHU 13:8

Ruben- Gad yo' Manashe byumyu" agung dayi" bang: gi Aseing da" dei zoo: Moshe wigi byid: too" bye: yoomo mougmyid yoo" gu nghoid abye: go". Hau: zigi: Yodan gyid lang bidthu shoid mo nghoid da:.

TARHA" AGYI 7:3

Byumyu" yiri ‹Gyug bang: hang" nghoid loug we' yhoem: khyoo: phang: loo" ge'. Ngoonu" gi he: Gilead boem moo nyid wa› ein: tid pyo: kaid ge'» ga: tid da:. Houg: yoomo eig moin eig khyeing" tau" phang: lo" ago". Nghoid loug we' damoin gi nyid shi".

1 SAMUELA 13:8

Samuela khyoo: shid khyo" koid wa shid re" Sholu gi Samuela ri nyhed nyid" ju" sho' lang" yu" nghoid loug we' Samuela Gilgala khyoo: aju" shi" yoomo byumyu" yi Sholu jang" mo phang: shang lo" nyid bye:.

1 SAMUELA 17:11

Sholu yo' nya: byu yi hau: ziri shoug" gyoo: lang" nyangnu" gyoug nain" nyid boem ago".

1 SAMUELA 31:7

Israela gyizoo: yi phang: byug ziyo' Sholu yo' nya: zoo: yiri said pyam bye: khyoo: ri Yezrela langkhung" thei: shoid moo nyid da" Israela byumyu" yi yo' Yodan gyid lang bid thu' shoid khyo: bang: shoug" gyoo: lang" nyangnu" da" voogung ri to" pyam kho' lho: phang: byug boem. Hau: thang: Philisti byumyu" yi voogung joem ri re" seing: yu boem bye:.