1 SAMUELA 13:4 - Lacid Common Language Bible

⁴ Sholu gi Philisti dab phyo' pyam da" khyoo: we' Philisti bang: nyangnu" ri ngheing" nyid khyoo: ri we' Israela byumyu" yi dangain" shoug" gyo. Hougsu" yoomo byumyu" yigi Sholu ri Gilgala moo shoug" goo" shang ga: doem khe: kaid.

1 SAMUELA 13:4 ပူးပေါင်းရင်းမြစ်များ

APOEM AYANG: 34:30

Yaku gi Simun yo' Levi tang: ri «Re" tang: gi nga" jang" moo yau: khe" khyoo: ci: lo boem ago". Akhid" gi Khanan byumyu" yi Perizi byumyu" yi yo' he: moug: moo nyid mo, dangain" bang: ngoo ri ngheing" boem wam bye:. Ngoo gi byu myoo" sho' we' ayoo". Nyangnu" dangain" yoem: shoin" lho: ngoo ri thougtheung gyi zain: lo nghoid rigi nyha" yhoem: byu dangain" said pyam zi shoug" wa bye:» ga: tid.

APOEM AYANG: 46:34

Nanu" gi phoug" phyid" yi pyaid mo nyang: yhoem: myhu: gougnyhoug joem ri myhu: zo: lo khyoo: ri goo" lhoo: jhug jhug nyang: ri tid kyoo" ge'. Hougsu" tid kyo" khyo" nanu" gi Goshen moug: moo nyid nhang: wa zi nghoid» ga: tid. Yoseb hid: su" tid khyoo: gi Egutu byumyu" yigi yang zung" mo, yo' dajhi' we' azoem" khoug: boem yoomo nghoid.

2 SAMUELA 10:6

Amon byumyu" yigi David ri nyangnu" da" gyivoo khyoo" koid pyam bye: ziri boin: loo lang" Berehoba yo' Zoba voomoo" mo Suri gyizoo: eig moin- Toba voomoo" mo damoin eig khyeing" yo' Mekha khokham yo' dage" gyizoo: dakhyeing" ri nyangnu" vhoo" lhung: yu bye: da:.

THU' LO" MOUGSOUG" 5:21

Nyangnu" Moshe yo' Arun ri «Aseing gi re" tang: koid bye: da" ziri yu" wigi khokham yo' nya: moo" voin bang: ngoonu" ri ngheing" nhang: yoomo re" tang: ri dam byid: wa zi nghoid. Ngoonu" ri said wa shid re" re" tang: nyangnu" ri koid nhang: bye: nhung» ga: tid.

ZEKHARIA 11:8

Ngoo gi ngoo ri ngheing" da" yang zung" mo, gootu: soem" yug ri atho' kham zeing: loo: yoomo lhammoo" dakhyab' khoug: moo za: nyangnu" dangain" mo, ri khaid thu pyam' bye:.

YOSHU 5:9

Aseing gi Yoshu ri «Egutu mung" moo join bue" khyo" asho' ashid: bue" khyoo: ri akhid nyid" ngoo nanu" mo yu pyam byid: bye:» ga: tid. Hougsu" yoomo hau: joyoo ri Gilgala ga: myheing to" ago". Hau: myeing gi akhid" ju" sho' jo, shi" da:.

1 SAMUELA 10:8

Ngoo nang yo' shoug" go" wigi myi: nghi' xoin" ngei" byid: ziyo' zoem" khau: xoin" to' khyoo: koid wa ein: da" Gilgala khyoo: nga" shid moo nang yhe: loo" wa zi nghoid. Re" jhang khyoo: ngoo ju" re" wigi nang koid wa da" moo" zoo" ri ngoo tid kyo" da" ayo, ju" sho' hau: joyoo moo nyhed nyid" ju" sho' lang" nyid shi" we'» ga: tid.

1 SAMUELA 27:12

Nghoid loug we' Akhisha gi David ri loem ziyo' «David gi nya: Israela byumyu" yi wigi gye" ngheing" nyid yoomo ngoo ri dapyaid goin" dei byid: nyid wa bye:» ga: myid nyid.