1 SAMUELA 13:2 - Lacid Common Language Bible

² Sholu gi byu soem: khyeing" ri khe: zheing" yu wigi nyangnu" mo eig khyeing" rigi nyang: yo' dage" Mikmasha yo' Bethela boem moug: moo to" to" lho: dakhyeing" rigi nya: zoo: Yonathan yo' dage" Benyamin byumyu" yi da" moug" myid nghoid da" Gibea voogung khyo: nhang: kaid da:. Deing da" byu yi rigi nyangnu" nyang: yhoem: khyoo: Sholu nhang: kaid bye:.

1 SAMUELA 13:2 ပူးပေါင်းရင်းမြစ်များ

2 SAMUELA 20:1

He: khyoo: gi Gilgala voomoo" moo nyid da" Benyamin akung: mo Bikri nya: zoo: Sheba ga: da" nheigloem: agi su: da" khyoo: nghoid. Nyang: gi laboo" moid lho: nyho: tid zigi «David soem" loo" ba ja"- nya: thang: khyoo: ngoonu" ayo" cang loo:- Israela byumyu" yi we" yhoem: khyoo: jha" lo" boem loo shang» ga: tid.

2 SAMUELA 21:6

Houg: yoomo nya: akung: mo yug gi zoo: nyhed yug ab byid: ge'. Aseing: khyen: yu bye: khokham Sholu da" Gibea voogung moo Aseing da" shidkhoin" moo nyangnu" ri lhang" too" wa» ga: tid. Khokham gi «Ngoo nyangnu" ri ab byid: wa» ga: tid.

NEHEMIA 11:31

Benyamin byumyu" yigi Mougzhung: shoid Gaba mo zi: Mikmasha- Ai- Bethela yo' aqei: ayam mo voo joem

YOSHU 18:28

Zela- Haeleph- Yebusi (Yerusalem)- Gibea- Kiriad Yarim voomoo" joem nghoid. hau: joem dangain" gi daxe: myid: loem: nghoid wigi hau: aqei: ayam mo voogung joem we' bo da:. He: zigi Benyamin kung: yhoemkhung: yi nyangnu" da" mougmyid jonu" khyo" shau" kham: yu da" mougmyid nghoid da:.

YOSHU 22:6

Yoshu gi nya: pyeing: dang: yo' hid su" ga: mainkaid byid: wigi houg: bang: ri yhoem: moug: khyoo: loo" nhang: kaid da:. Nyangnu" ri «Nanu" gi yhoem: gougnyhoug myoo" sho' ngei- sheing:- gyid: mid"- joto' yo' byimi myo" sho' yo' yoo" zoo yoo" shug lho: yhoem: moug: khyoo: tau" lo" ago". Nanu" da" gyivoo joem mo shau" yu da" ziyoo joem ri nanu" da" byumyu" mang: nhung" yiri gam byid: ge'» ga: mainkaid byid: kaid da:. Hau: thang: nyangnu" gi yhoem: khyoo: tau" lo" ago". Moshe gi Yodan gyid lang bidthu shoid mo mougmyid Manashe byumyu" agung dayhi" ri byid: too" kho' da:. Nghoid loug we' gootu: agung dayhi" gu: rigi Yoshu wigi gootu: byumyu" yi yo' dage" Yodan gyid lang bidvang shoid mo mougmyid ri byid: da:.

TARHA" AGYI 19:12

Nghoid loug we' nya: aseing: gi «Israela byu yi anghoid boem da" bang: voomoo" moo ngoonu" atheing: wa. Ngoonu" dadoin: zoo: lid yhe: lho: Gibea anghoid lang" Rama moo yhe: yhoeb zi nghoid» ga: tid da:.

1 SAMUELA 10:26

Sholu we' Gibia mo da" nya: yhoem: khyoo: loo" bye:. Nheigloem: khoug: moo Mangso lhu: poin" lhu: nhau" da" sarhi' yi dayham" we' nyang: yo' dage" cang lo" ago".

1 SAMUELA 10:5

Hau: thang: ri Philisti gyidab jo, da" Gibea joyoo mo Mangso bouggung khyoo: nang do, yhi: wa zi nghoid. Vooyam khyam: khoem" nam moo jhabceing- zeing yo' teing ri baid- khalhang ri moid wigi boug goug mo xoin" to' phoin: khyo" gyoo" lo da" lapi: daphung: yo' nang shoug" goo" wa zi nghoid. Nyangnu" gi nyho: ziyo' go" gyoo" loo wa zi nghoid.

1 SAMUELA 13:1

1 SAMUELA 13:11

Nghoid loug we' Samuela gi «Nang cenoem koid bye: lha"» ga: tid bye:. Sholu gi «Byumyu" yi nga" jang" mo phang: lo ziyo' nang we' deing to" da" ayo, ri aju" yoomo we' hau: tho' agoo" Philisti byumyu" yi Mikmasha joyoo moo foem: nyid boem yoomo nghoid.

1 SAMUELA 13:15

Samuela we' Gilgala mo thu wigi nya: gyung: khyoo: doem xo' so" lo" da:. Sholu gi nya: gyizoo: yi jhang yhe: yu" ri deing shi" da" bang: we' nya: thang: khyoo: cang lo boem ago". Nyangnu" gi Gilgala mo zi Benyamin byumyu" yi mougmyid nghoid da" Gibea voogung khyoo: yhe: lo" boem bye:. Sholu nya: gyizoo: yiri nghab yu" ri byu khyug shoo: koo: danghoid lo da:.

1 SAMUELA 13:16

Sholu- nya: zoo Yonathan yo' nyangnu" da" byu yigi Benyamin byumyu" yi mougmyid nghoid da" Geba voogung moo dab koid wigi nyid da:. Philisti byumyu" yigi Mikmasha joyoo moo dab koid nyid da:.

1 SAMUELA 13:23

Philisti byumyu" yigi Mikmasha boem gyoo: khyoo: moo yhe: zung" wa shid re" gyizoo: daphung: ri nhang: kaid bye:.

1 SAMUELA 13:5

Philisti byumyu" yi we' Israela byumyu" yiri meing: zain: wa shid re" zoeb foem: nyid boem. Nyangnu" moo gyi myang: rheing" soem" moin- myang: jui: da" byu khyug khyeing" yo' panglai: gyid yam mo midcoo: yhang: ti" myo: da" gyizoo: yi nyid boem ago". Nyangnu" gi Bethaven da" bid thug shoid Mikmasha khyoo: yhe: wigi hougmoo: dab koid to" boem ago".

1 SAMUELA 14:31

Hau: nyid" ri Israela byumyu" yigi Philisti byumyu" yiri Mikmasha mo zi Aiyalon ju" sho' khaid said wigi meing: zain: oung: bye:. Hau: ayo, ri Israela byumyu" yi zooyoid lho: yoem: yoem" nyid yoomo

1 SAMUELA 14:5

Daloem: gi mougzhung: shoid mo Mikmasha khyoo: shu: to" wigi thang: daloem: gi mougpyi: soid mo Geba khyoo: shu: to" da:.

1 SAMUELA 14:52

Sholu nyang: kangso' dei gu: dangain" moo Philisti byumyu" yi yo' meing: gye" zain: goo" ca" zi nghoid. Hougsu" yoomo yoem: bo lho: seing" yang" bang: dangain" ri myang khang" moo" nya: gyizoo: phung: moo: myheig kaid yu yu koid nyid.

1 SAMUELA 15:34

Hau: thang: Samuela gi Rama khyoo: lo" wigi khokham Sholu we' Gibea mo nya: yhoem: khyoo: loo" bye:.

1 SAMUELA 24:3

Nyang: gi khyoo: yam mo yang khoem: dayham" yo' tab tab moo jo, da" lug Khyung: daloem: moo dougnoo: wa ga: vang loo" khari" da:. David yo' nya: byu yi we' hau: lug ug da" akhoug: moo: nyid nyid boem ago".

1 SAMUELA 26:2

Sholu gi Israela byumyu" mo reung: thang da" gyizoo: soem: khyeing" ri shu" ci: kho' wigi David ri cang shoo: wa ga: Zipha kyoem: khoug: khyoo: dalheing: dam yhe: loo" khari" lho:

1 SAMUELA 8:11

Samuela gi «He: zigi nanu" da" khokham nanu" ri khasu" koid wa ga: da" zi nghoid. Nyang: gi nanu" da" yuggi zoo: yiri gyizoo: koid nhang: wigi gootu: rigi myang: dab khyoo: vang nhang: wa zi nghoid. Hau: lho: dayham" rigi nya: da" gyi myang: rheing" shid moo tang" loo" nhang: wa zi nghoid.