1 SAMUELA 12:3 - Lacid Common Language Bible

³ Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 12:3 ပူးပေါင်းရင်းမြစ်များ

2 SAMUELA 22:22

Ngoo gi Aseing da" tarha" ri cang loo bye:- nga" Mangso jang" mo aphang: loo" yu".

NEHEMIA 5:11

Nyangnu" wigi nanu" ri xab ca" da" jhen: ngei nghoid nghoid- gug zoo nghoid nghoid- zabyid nghoid nghoid- zhainloin: xu: nghoid nghoid dangain" ri khyoid byid: pyam loo we'. Houg: lho: nyangnu" da" yoo joem zabyid khyam: joem zhainloin: yoo joem yo' yhoem: joem ri akhid" nyang: nyangnu" ri doem tau" byid: ge'» ein: tid bye:.

COUNG" NGHEI 15:5

Nyang: gi atu" amyaid ri ayu" loo: za: nya: ngei ri jhed" nghoo" byid: se' lho: nyang: gi khougvhoid yu lho: ce: yooboo ayoo" mo, ri noo nhang: wa shid re" thang" cab abo kham. Hid: yhang: te" da" moo" zei: bang: gi khanham ce: gyi we' athoung" shoug" loo za: myen myen, shoug" nyid boem wa nghoid.

THU' LO" MOUGSOUG" 20:17

Gootu: dayug da" yhoem: ri vo: da" myid aboo goo". Nya: myi:- nya: join myhi' jhoin phoo- nya: nu: kyung- nya: loo zei: yo' nyang: seing: da" gootu: jonu" dangain" ziri we' vho: ngei da" myid aboo goo".

THU' LO" MOUGSOUG" 23:8

Khougvhoid age khab, yu zoo: wa zi nghoid. Ciwim gari khougvhoid gi byu yi da" deungmain" myojid" ri jid, nhang: nyid ziyo' deungbyeung" su: da" dang: ri byo, yoin nhang: nyid da" zi nghoid.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

XOIN" NGEI" 6:4

Byu dayug gi he: khyoo: daja: ja: moo yooboo shoid rigi nyang: gi adeingmain" khyo" yu to" da" ciri: nghoid nghoid doem byid: ca" wa zi nghoid. Nya: da" yooboo dam ri sho: myang da" bidnyid moo nyang: gi yhoem: seing: ri jonu" dangain yo' shoo: boem eig xi: boem pug byid: ca" wa zi nghoid.

GYUNG: SOO" 16:15

Moshe nheig yo: lo wigi Aseing ri «Houg: bang: ci: re" da" xoin" joem ciri: we' akhab yu o". Ngoo gi nyangnu" ri ci: we' ashoid. Ngoo gi nyangnu" loo zei: joem mo dadu: ri we' ayu byid:» ga: tid.

MATHE 22:21

«Nyangnu" gi khokham" da" myonhoo: soolhoo: yo' myeing dab» ga: doem phoid: kyo" boem. Houg: lang" Yesu gi «Ketha khokham" yo" sen: gu: Ketha khokham" ri byid: ge'. Mangsoo yo" sen: gu: Mangsoo ri byid: ge'› ga: tid.

LUKA 19:8

Zake gi yab jo, lho: Aseing: ri «tam" gyoo: we' sara: we"- nga" da" soidgain dago" yi" gi shojhen mo, ri gam byid: pyam wam: bye: ngoo gi gyeing" nyang:- byu dayug yug jang" mo atarha" khyo" mhau' mho' yu ci: da" ngei bo lang" rigi hau: ngei tho' mo myid: boem doem lung: byid: wa» ga tid.

ACTS 20:33

Houg: su" nghoid yoomo ngoo gi hang" da" ngei sheing: mi, byi: ri we' - myo, no, vhoo: abo yu".

2~KORINTHU 12:14

Akhid" ngoo nanu" jang" moo soem" lheung: ein: lheung: re" ju" loem: wa shid re" jen" jen" nghoid nyid bye. ngoo nanu" ri gootu: ci: amho, noug nyid loo: wa. Khasu" wim gari ngoo vho: da" khyoo: gi ngei sheung: anghoid. Nanu" ri za: ngoo vho:-gyeung" nyang ga: rigi amyed ashen yigi nya : myhi' nya pho be" shid mo soidgain young: too" byid: aeung. Nya: myhi' nya pho she, nya: zoo: myid: yi shid re" young" too" byid: eung: nyid.

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

1THESALONI 2:10

Loem" jeung" nyid mo, nanu" da" shid khoin" moo ngoonu" da" aved asam" joem gi gyeungshang: wigi deingmain" ziyo' ce" yooboo we' abo zigi nanu" shid' re" nanu" nyang: sagsi: nghoid boem bye- houg: yo' dakhyoo" ti" Mangsoo we' sagsi: nghoid nyid bye.

1THESALONI 2:5

Khasu" wim ga: ri nanu" goo" lhoo: za: se' nyid boem bye: ziyo' dakhyoo" ti"- ngoonu" gi nanu" jhang khyoo: adeung amain" khyo" mhau' mhoin" da" dang: tid zoore"- houg: su" anghoid lang" gi vhoo: boo myo, no, khyoo: ri nghoeb, to" lho: ju" re" boem, zi anghoid- hau: khyoo: moo Mangsoo nyang: sagsi: nghoid nyid.

1PETERU 5:2

Mangso da" yang phung: ri Mangsoo nanu" ri koid nhang: nau ziyo' dakhyoo" ti"- yu" coung goin, zung" lhug nyid ge, anoug akhyoid' khyo" akoid loo: za: nu" nham, vho: ngei da" myid' yo' koid nyi ge'- La, ga, nyho, khyo" anghoid loo: za: zhoo: gyi: zei: nau, khyo" gau yi ngei pyo: ziyo' zei: so' vhoin, wu, nyid ge'.

1 SAMUELA 10:1

Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.

1 SAMUELA 12:4

Byumyu" yi gi «Nang ngoonu" ri amhoug zoo- adoin: zeig- hang" jang" mo we' nang ci: ayu yu" nghoid» ga: doem phug tid boem.

1 SAMUELA 12:5

Samuela gi «Ngoo gi nheigloem: phyu: joeb byeung" su: nghoid ziri nanu" myang bye: ziyo' dakhyoo" ti" hau: Aseing yo' nyang: khyen: yu da" khokham gi akhid" nyid" bidnyid moo thang" cab bue" nyid baja"» ga: doem phug tid da:. Nyangnu" gi «Nghoid bye: Aseing gi ngoonu" da" thang" cab nghoid bye:» ga: doem tid ago".

1 SAMUELA 2:35

Ngoo ri loem" jeung" da" khainjung dayug ri ngoo khyen: yu wa nghoid. Ngoo nyang: ri zei: nhang: nau gu: dangain" ri zei: loo" wa zi nghoid. Ngoo khyen: to" da" khokham shidkhoin" moo pyaid goin" dei byid: nyid wa shid re" byumyu" akung: ri ngoo byid: wa zi nghoid.

1 SAMUELA 24:11

Yu" we' nga" phoo we"- akhid" ngoo ci: nyid da" re" atho' byi: pain" cu' thang: ri yu" yu" we'. Ngoo nang ri yo" said pyam zi za: nghoid da:. Nghoid loug we' hougsu" koid wa gungthid he: pain" cu' du za: dayham" yu zi nghoid. He: ziri yu" wigi ngoo nang ri gyi koid wa shid re" amyed yen" ein: ziri we' nang ri anhoo nhang: nau ein: ziri we' nang ri si' nhang: nau zi nghoid. Ngoo gi nang ri ashoid yu" nghoid loug we' nang gi ngoo ri said pyam wa shid re" sho: yen" da:.

1 SAMUELA 24:6

Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.

1 SAMUELA 24:7

Hougsu" nghoid yoomo Sholu ri nyangnu" akhaid said wa khyoo: ri David gi nya: byu yiri se' gyoo: sho' tid kyoo" bye: zi nghoid. Sholu gi to' wigi lug khyung: mo thu' lo wigi doem xo' so" yhe: loo" bye:.

1 SAMUELA 26:11

Aseing nyang: khokham bui" nhang: bye: su: ri noo sho' koid wa shid re" ngoo yoem: kaid eung: nghoid loug we' Aseing nyang: toem nyid zi nghoid. Nya: lham: yo' gyid byang ri yu lho: doem loo" looshang» ga: tid da:.

1 SAMUELA 26:9

Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.