1 SAMUELA 10:7 - Lacid Common Language Bible

⁷ Hougsu" bue" nyid uri Mangsoo nang ri shu" koid da" ce: ja: moo" zoo" ri nghoid loug we' nang cang koid nyid we'.

1 SAMUELA 10:7 ပူးပေါင်းရင်းမြစ်များ

APOEM AYANG: 21:20

Mangsoo gi zooshang: gyi: yang" loo sho' nyang: yo' dage" nyid nyid. Nyang: gi Paran dain" pyoid khoug: moo nyid lho: gye" jhang: da" shoo" khaid su: dayug bue" loo bye:.

2 SAMUELA 7:3

Nathan gi «Aseing nang yo' dage" nghoid nyid yoomo nang myid khyo" koid we'» ga: tid.

YOBA 31:25

Jonu" atho' moo nghoid boin: da" myid aboo.

THU' LO" MOUGSOUG" 4:8

Aseing gi «Nyangnu" nang koid da" xang: shi" mau" pho" alhoo: again khyo" ase' gyo:- aloem" nghoid rigi thang: lheing: ri se' gyo: boem wa.

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

LUKA 2:12

Noug" nu" dayug gi boug: bang" yo" thoeb lho: nu: zo: thung" lhang" moo lheng: to" zi nanu" myang goo" wa. He: da" khyoo: ri shau" myang lang" zoonu" nghoid khyoo: ri si' goo" wa" ga: tid.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

TARHA" TID POIN" 20:1

«Nanu" gi nanu" da" gyivoo ri zain: wa shid re" to' yhe: lo" ziyo' nanu" tho' je myo: da" myang: rheing" joem myang: joem yo' gyidab joem ri myang lang" nyangnu" ri agyug goo". Nanu" ri Egutu mo khyoid yu da" nanu" Aseing Mangsoo gi nanu" yo' dage" nghoid nyid wa.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YOSHU 1:5

Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

TARHA" AGYI 6:12

Aseing da" moug: lagyoo: gi houg moo yhe: thu shug lho: nyang: ri «Yoem: bo da" sarhi' phoo we"- Aseing gi nang yo' dage" nyid da» ga: tid da:.

TARHA" AGYI 9:33

Nab yo nyid" nab soin: bidxain" zoo" ri to' lho: voomoo" ri nyeigdain tung" re" khaid zain: ge'. Houg: lho: Gala yo' nya: byu yi nang ri gyi re" zain: boem lang" nanu" ge bue" da" yhi' gyi zain: ge'» ga: tid da:.

1 SAMUELA 2:34

Re" zoo: Hobni yo' Phineha tang: gi danyid" dam shid: lo" ri hau: zigi ngoo tid to" dang: dangain" ziyo' dakhyoo" ti" gyeing" nyang: bue" lo khyoo: nang ri ci: shug wa zi nghoid.

1 SAMUELA 20:13

Nyang: nang ri shid: nhang: nau da" myid bo nghoid rigi hau: zi yoomo ngoo nang ri asi' nhang: ziyo' gye" gau: khyo" ayo" phang nhang: nghoid rigi Aseing ngoo ri shid: sho' yug baja" o". Hau: Aseing gi nga" phoo yo' dage" nyid yu" bye: ziyo' dayhang: ti" nang yo' we' dage" nyid nyid baja" o".

1 SAMUELA 3:19

Samuela we' apyaid gyi: loo nyid uri Aseing gi nyang: yo' dage" nghoid nyid. Samuela ri Mangsoo tid da" mungdang: dangain" zi joeb byeung" lo da:.