1 SAMUELA 10:3 - Lacid Common Language Bible

³ Nang gi houg: moo doem so" lo" ri Debora mo gyeung" shang: seiggam ju" sho' loo" we' houg: moo Bethela khyoo: Mangsoo ri xoin" to' wa shid re" yhe: lo" da" byu soem" yug yo' shoug" goo" wa zi nghoid. Nyangnu" mo xang: shi" yug gi coidbaid nu" soem" du: ri she: wigi thang: mo yug gi zooyho' soem" yho' ri voin lho: wigi soem" yug ein: yug gi zabyid yhid: byeung" sho' bo da" shooyid thung: da loem: ri voin wa zi nghoid.

1 SAMUELA 10:3 ပူးပေါင်းရင်းမြစ်များ

APOEM AYANG: 28:19

Nyang: gi hau: joyoo ri Bethela ga: myeing byid:. Hau: moug: da" goonham' myeing koem' gi Luza nghoid.

APOEM AYANG: 28:22

Ngoo zhug to" da" he: xang: yoeb ladoo" lugzeing- he: joyoo moo nang ri ngoo lo noku wa. Houg: lho: nang ngoo ri byid: moo byid: dangain" da" daxi: boem mo daboem nang ri byid: wa» ga: tid.

APOEM AYANG: 35:1

Mangsoo gi Yaku ri «Akhid" nyang: Bethela khyoo: yhe: lho: houg: moo yhe: nyid we'. Nang gi re" mang: Eso jang" mo phang: lo" uri re" shidkhoin" moo Mangsoo thu shug da" hau: joyoo moo nga" shid re" phoin: daloem: zhug we'» ga: re" tid.

APOEM AYANG: 35:3

Nyhang" hid: mo thu lo" lho: ngoo yau: khi" shoug" nyid ayo, moo ngoo ri pang" thoug lho: ngoo yhe: lo" da" khyi' khang" moo" moo dage" nyid nyid da" Mangsoo ri ngei" xoin" to' wa shid re" phoin: ri zhug wa yhe: loo" shang» ga: tid.

COUNG" NGHEI 89:12

Mougzhung: yo' mougpyi: we' nang phain" so: to" abye:- Tabora boem yo' Hermon boem joem ri we' nang ri gau, yi jikhoin" thu: yo' khoin" nyid boem bye:.

YEREMIA 32:8

Hau: thang: Aseing tid to" ziyo' dayhang" ti" Hanamela gi hau: khokham vang" khyoo: nga" jhang re" wigi yoothung" ri qei yu byid: wa shid re" tid da:. Houg: yoomo Aseing ngoo ri dang: gyeing" nyang: ji ziri ngoo si bye:.

XOIN" NGEI" 1:10

Byu dayug gi nya: yang anghoid lang" coidbaid ri xoin" ngei" wa nghoid rigi dam abo da" aloo: nghoid ca" wa.

XOIN" NGEI" 23:13

Nanu" gi houg: yo' dage" zhainloin: xu: yo' lheug to" da" cen moin" dajoid: jain" ri zoo: noem xoin" khyo" shugbyid: wa zi nghoid. He: xoin" da" shoem: gi Aseing ri ngei nhang: wa zi nghoid. Nanu" gi houg yo' dage" zabyid yhid: xoin" eig parheing" ri we' shugbyid: wa zi nghoid ago".

XOIN" NGEI" 3:12

Byu dayug coidbaid ri ngei" byid: nghoid rigi

XOIN" NGEI" 3:6

Yang anghoid lang" coidbaid ri zoem" khau: xoin" khyo" ci: nghoid rigi ce: dam abo da" aloo: anghoid lang" amyhi' nghoid ca" da:.

XOIN" NGEI" 7:13

Hau: lho: nyang: gi doocid" yo' koid to" da zooyho' ri we' doem ngei" byid: wa zi nghoid.

YOSHU 19:12

Sarid bidthu shoid mo zi goo" shoid nghoid da" Khislod Tabora mougkyoo" khyoo: ju" lo" da:. Houg: lho: Daberad ju" sho yo' Yaphia khyoo: ju" lo" da:.

YOSHU 19:22

Mougkyoo" gi Tabora- Shahazuma- Bed Sheme joem khyo" wigi Yodan gyid lang moo: lo" thang da:. Hau: joyoo moo: voomoo" daxe: khyug voo yo' hau: aqei: ayam mo voogung joem bo da:.

TARHA" AGYI 20:18

Israela byumyu" yigi noku joyoo Bethela khyoo: yhe: lho: houg: moo nyangnu" gi Mangsoo ri «Benyamin byumyu" kung: yiri kha: byumyu" kung: yi xang: shi" gyi yhe: zain: wa lha"» ga: myid: ago". Aseing gi «Yuda byumyu" kung: yi shi" zain: ge'» ga: tu" da:.

TARHA" AGYI 20:27

Hau: pyaid moo Mangso Dang: Theing Kuid: gi Bethela moo jo, da:. Arun da" nya: myid: zoo: nghoid lho: Eleaza da" nya: yuggi zoo: nghoid da" Phineha gi hau: ziri yu" coung: yug nghoid da:. Byumyu" yigi Aseing ri «Ngoonu" mang: nhung" Benyamin bang: ri ngoonu" gyi yhe: doem zain: shi" wa rhe". Anghoid lang" ngoonu" to" pyam wa rhe"» ga: myid: ago". Aseing gi «Yhe: zain: ge'. Nab yo nyid" ngoo gi nanu" ri nyangnu" adang moo oung: pyam nhang: wa» ga: tid da:.

TARHA" AGYI 4:12

Tabora boem khyoo: Barag yhe: loo" bye: ziri Sisera si' lang"

TARHA" AGYI 4:6

Danyid" ri nyang: gi Napthali moug: Kedesha voomoo" mo Abinoam da" nya: yuggi zoo: Barod jhang byu nhang: kaid wigi nyang: ri «Israela byumyu" yi da" Aseing Mangsoo gi he: amyeing" dang: ri byid: abye:. ‹Nabthali yo' Zebulun byumyu" kung: mo byu damoin shu" yu wigi nyangnu" ri Tabora boem khyoo: shu" yhi: we'.

TARHA" AGYI 8:18

Hau: thang: Gideon gi Zeba yo' Zalmunna eig tang: ri «Tabora moo re" eig yug said pyam bang: da" khyoo: gi khasu"» ga: myid:. Nya: eig yug gi «Nyangnu" gi nang yo' du da:. Yugkhang" moo" gi khokham nu" yo' du ago"» ga: tid boem.

1 SAMUELA 10:4

Nyangnu" we' nang ri lhoem: tau yu wigi zooyho' eig loem: byid: wa. Hau: ziri nang lhoem: yu ca" wa zi nghoid.