1 SAMUELA 10:1 - Lacid Common Language Bible

¹ Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.

1 SAMUELA 10:1 ပူးပေါင်းရင်းမြစ်များ

2 SAMUELA 1:14

David gi nyang: ri «Aseing khyen: to" da" khokham ri nang voem" said zigi khasu" lha"» ga: myid:.

2 SAMUELA 19:39

Hau: thang: David yo' nya: byu dangain" mo, gi Yodan gyid lang ri gu: dab loo" bye:. Nyang: gi Barazilai ri babug bug wigi nyang: ri mainkaid byid: thang: ri Barazilai yhoem: khyoo: doem tau" loo" bye:.

2 SAMUELA 20:19

Ngoonu" da" voomoo" moo gi Israela mungdain: moo yug yo tung" ziyo' dang: zung" thang da" voomoo" daloem: nghoid da:. Ciwim yoomo hau: ziri phyo' shoin' pyam wa shid re" nang yoem: kaid nyid lha". Aseing seung: da" ziri nang ciwim phyo' shoin' nau nyid lha"» ga: tid.

2 SAMUELA 5:2

Lid loo" bye: da" ayo, Sholu ngoonu" da" khokham bue" nyid uri nghoid loug we' meing: zain: jang: moo Israela byumyu" yiri nang shu" vhu" shi: bye: zi nghoid ziyo' nang we' Aseing byumyu" yiri vhu" she: wigi nyangnu" ri vhoebkhang" wa shid re" Aseing nang ri dang: soo" byid: bye: zi nghoid» ga: tid ago".

1 KHOKHAM 1:34

Houg moo: Zadog yo' Nathan gi nyang: ri Israela byumyu" yi da" khokham bue" loo wa shid re" mainkaid xu: foid gyoin: byid: wa zi nghoid. Hau: thang: laboo" moid kaid wigi «Khokham Sholumon kangso' sheing: baja" o"» ein: nyho: tid boem wa zi nghoid.

1 KHOKHAM 19:18

Nghoid loug we' ngoo gi Israela khoug: moo nyhed khyeing" ri kangso' dei nhang: shi". Houg bang: gi ngoo ri dang: zung" nyid wigi Bala ri ano' - nya: yu phara" soolhoo: ri babug abug mo, nghoid wa» ga: tid.

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

2 KHOKHAM 9:1

Hau: ayo, moo Lapi: Elisha gi Lapi: zooyam phoo dayug ri khe: yu lho: «Gilead mo Ramod khyoo: yhi: wa soin' we'. He: zhainloin: xu: yu voin we'.

2 KHOKHAM 9:12

Nyangnu" gi «Ngoonu" asi'- nyang: citid ziri ngoonu" ri tid kyoo" we'» ga: tid da:. «‹Ngoo nang ri Israela khokham koid wa khyo" mainkaid xu: joid byid: wa ga: Aseing tid da› ga: nyang: ngoo ri tid da» ga: tu" da:.

COUNG" NGHEI 135:4

Nyang: Yaku ri khyen: yu zigi Israela gi Aseing nyang: seung: da" byumyu" bue" loo: wa shid re" nghoid.

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 78:71

Israela byumyu" yi da" khokham Mangso da" yang lhoug su: bue" jo, wa shid re" nyang: ri nyheung too" bye:.

THU' LO" MOUGSOUG" 30:23

«Ge thang da" nam pyo: ja: mura yeung 3 joid: 13 rung jain"- nam pyo: da" khalamun 3 kyen" 6 rung jain"- nam pyo: da" gyoem: 3 kyen" 6 rung jain" yo'

YEREMIA 10:16

Yaku da" Mangsoo gi houg: joem yo' adu nghoid da:. Nyang: gi ja: khang" moo" ri koid too" su: nghoid. Houg: lho: nyang: gi Israela byumyu" yiri nya: shid re" khyen: too" bye:. Myhang: thang Aseing ein: zi nya: myeing nghoid da:.

EZEKIEL 16:13

Nang gi sheing: yo' ngei zi joem yo" da:. Houg: lho: nang gi khanham we' zin: yung" pain" thau" byi: yo' byisheing: void da:. Nang gi ge thang da" cen: moin" mo koid da" zooyho' ri zo:- byoo: yhid: yo' zhainloin: xu: zoo: wa shid re" yo" da:. Re" da" yung" zigi yi: yi: bang wigi nang gi khokham myhi' bue" lo da:.

HOSEA 13:2

Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi «Houg: bang: ri xoin" ngei" byid: ge» ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".

ACTS 13:21

Hau: thang: ri nyangnu" gi Khokham" mho' boem lang" gi Mangsoo gi Ben- yamin amyu akung: ako'' mo Kesha da" nya: zoo: Sholu ri nyheing byid: bye. Sholu gi nyangnu" da" khokham" 40 zain' ju" sho' koid byid: bye.

TARHA" TID POIN" 32:9

Nghoid loug we' Yaku da" amyed ashen yiri koem' gi nyang: nya: shid re" khyen: yu da:.

1THESALONI 5:26

Loem" jeing" bang: dangain" ri gyeungshang: da" aved, asam" (gyeungshang: da" boobug yo') ga: wigi lagyoo: Polu tid nyid - he: khyoo: gi bidvang mungdain gyoo: mo thung" khin' nghoid wigi nyangnu" bidthu shoid mo mungdain: bang: gi ci: noug mo, ci: lho: aci: bang: myo:- (Ngoonu" nyang: cang" shau" doem go" lho: lo, zei: ze: go" lid gootu: nghoid) ziyo' lo, zei: shau" zei: goo" ge'.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 13:14

Nghoid loug we' akhid" gi nang yo" vhoeb khang" loo: wa zi anghoid. Nang nya: da" dang: ri atam" gyoo: yoomo Aseing gi nyang: yu" vho: da" byu ri sho: wigi nya: byumyu" yiri vhoebkhang" nhang: wa zi nghoid» ga: tid bye:.

1 SAMUELA 15:1

Samuela gi Sholu ri «Ngoo gi nya: byumyu" yi nghoid da" Israela khokham bui" wa shid re" nang ri mainkaid xu: foid gyoin: byid: we' ga: Aseing nhang: kaid su: nghoid. Myhang: thang Aseing citid ein: ziri akhid" tam" gyo: yu" we'.

1 SAMUELA 15:17

Samuela gi «Re" gung nyang: ce: yhouggyen: anghoid ga: myid ngham" nyid nghoid loug we' nang gi Israela byumyu" akung: ako' yi' da" vhujhung: nghoid nyid da:. Aseing nang ri Israela byumyu" yi da" khokham koid nhang: wa mainkaid xu: foid shoin" byid: bye: da:.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 2:10

Aseing da" gyivoo yigi lhu: phyo' pyam zi thung" shoug" goo" wa zi nghoid. Nyangnu" ri thougtheung wa shid re" nyang: gi mougkhung: mo moug: goem: ri goem: nhang: wa zi nghoid. Aseing gi mougmyid gyab goin" ri tarha" dang: phyed byid: wa zi nghoid. Nya: khokham ri yoem: so' byid: wa zi nghoid. Nyang: khyen: to" da" khokham ri oung: doid loo" nhang: wa zi nghoid.

1 SAMUELA 24:6

Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.

1 SAMUELA 26:11

Aseing nyang: khokham bui" nhang: bye: su: ri noo sho' koid wa shid re" ngoo yoem: kaid eung: nghoid loug we' Aseing nyang: toem nyid zi nghoid. Nya: lham: yo' gyid byang ri yu lho: doem loo" looshang» ga: tid da:.

1 SAMUELA 26:9

Nghoid loug we' David gi «Nyang: ri yo" noo nhang: wa zi anghoid. Nyang: khyen: too" bye: da" khokham ri noo nhang: su: ri Aseing gyeing" nyang: dam byid: wa zi nghoid.

1 SAMUELA 8:19

Byumyu" yigi Samuela da" dang: ri atam" gyoo: loo: za: «Anghoid o"- ngoonu" khokham dayug vho:-

1 SAMUELA 8:9

Hougsu" nghoid yoomo nyangnu" da" dang: ri tam" gyoo: we'. Nghoid loug we' nyangnu" da" khokham gi nyangnu" ri khasu" koid loo wa ziri nyeing" za: phuid: kyo" wigi nyangnu" ri thain" thain: zid" nhang: we'» ga: tid bye:.

1 SAMUELA 9:16

«Nab yo nyid" he: da" ayo, koo: ri Benyamin akung: mo byu dayug ri re" jhang khyoo: ngoo nhang: kaid wa zi nghoid. Nyang: gi nga" Israela byumyu" yiri vhoebkhang" wa shid re" nyang: ri Main kaid xu: foid gyoin byid: ca" wa zi nghoid. Houg: yoomo nyang: gi nyangnu" ri Philisti byu yi lo, mo khyoid yu wa su: nghoid. Nga" byumyu" yi kham zo: nyid da" yau: khe" khyoo: ri ngoo myang bye: ziyo' bo pang" wa shid re" nyangnu" yoid ngau nyid ziri ngoo shoug" gyoo: bye:» ga: tid.

1 SAMUELA 9:27

Vooyam moo nyangnu" ju" yhi: lang" Samuela gi Sholu ri «Re" da" dei zoo: nyha" tang: da" shid khyoo: nhang: kaid we'» ga: tid. Dei zoo: gi shid khyoo: thu so" lo" thang: ri Samuela gi Sholu ri «Hid: moo daso' yab shi" we' Mangsoo tid da" dang: ri ngoo nang ri tid kyoo" wa» ga: xo' tid.