1 SAMUELA 1:9 - Lacid Common Language Bible

^9-10 Dalheing: rigi Shilo voogung mo Aseing da" yhoem: moo nyangnu" gi voem: zheung: bain zo: thang: ri Hana to' loo" bye: zi nghoid. Nyang: gi gye" nheig koug ziyo' nyho: ngau wigi Aseing jang" moo akyu" mho' nyid da:. Hau: uri khainjung Eli gi khoem" duang: yam mo nya: joyoo moo zhung: jo, da:.

1 SAMUELA 1:9 ပူးပေါင်းရင်းမြစ်များ

2 SAMUELA 7:2

Hau: thang: ri khokham gi lapi: Nathan ri «Yu" we' ngoo koem' gi shamu seig yo' koid da" yhoem: moo lung" jo, bye: nghoid loug we' Mangso da" Dang: Theing Kuid: gi zoem" moo dabo jo, da» ga: tid.

COUNG" NGHEI 27:4

Ngoo gi Aseing ri daja: mho' bye:- ngoo vho: zigi daja: kyeing" za: nghoid. Aseing da" yhoem: moo: dapyaid goin" shoug" nyid lho: nya: da" ge khyoo: ri hougmoo: myid fang wigi nyang: khyoo: shed yu wa ziri: mho' nyid.

COUNG" NGHEI 29:9

«Aseing gi myonhoo: phung" yoeb bo jo, baja" o"» ga: nya: Noku Yhoem: Moo" khoug: moo byu yugkhang" moo" gi coung" nghei nyid da" uri Aseing da" thui: gi shookhi" gam joem ri nain" nyid nhang: lho: seiggam joem mo seig fu' joem ri yu, gyo" loo" nhang: pyam.

COUNG" NGHEI 5:7

Nghoid loug we' re" da" geung: teung jhedkhyeing: kang: khyeing: yoomo ngoo gi re" yhoem: moo" khyoo: yo" ju" re". Re" da" gyeung" shang: Noku Yhoem: Moo" moo: ngoo noku lho: nang ri gyoug phau" zoore goeb pid nyid.

THU' LO" MOUGSOUG" 21:6

Nya: yhoem: seing: gi nyang: ri noku joyoo khyoo: shu' yhe: wigi houg moo nyang: gi nyang: ri khoem" nungthang moo anghoid lang" khoem" bung moo yab jo, nhang: lho: nya: nukhyab ri cu' byid: wa zi nghoid. Houg: lang" nyang: gi nya: join dapyaid goin" bue" nyid wa zi nghoid.

1 SAMUELA 3:15

Samuela gi nab soin: ju" sho' yhoeb joyoo moo nyid nyid da:. Hau: thang: ri nyang: to' wigi Aseing da" yhoem: khoem" duang: ri phang kaid. Hau: nugyoo: gyo: da" dang: ri Eli ri tid kyoo" wa ziri nyang: gi gyoug nyid da:.

1 SAMUELA 3:3

Samuela gi deing byeung" da" Dang: Theing Kuid: jo, da" younglho' joyoo moo yhoeb jo, da:. Hau: uri nab soin: myo, we' amyang shi". Myibung: we' dab jo, shi" ayo, ri

1 SAMUELA 4:13

Eli we' Dang: Theing Kuid: shid re" gye" myid ci' nyid yoomo khyoo: yam moo jo, da" zoem" khoug: moo zhung: jo, wigi yu" nyid da:. Hau: yug gi voogung goin" moo lu dang: lo fu" kaid yoomo gyoug yoomo dangain" mo, da" ngoug thui: thu lo boem ago".