1 KHOKHAM 9:9 - Lacid Common Language Bible

⁹ Byumyu" yi gi ‹Hid su" bue" zigi nyangnu" phoug" phyid" ri Egutu mo shu" thu lo da" nyangnu" Aseing Mangsoo ri she: pyam yoomo nghoid. Nyangnu" gi gootu: yu phara" joem thang: khyoo: cang wigi nyangnu" ri no' da:. He: zigi nyangnu" atho' moo: Aseing gi ciwim wigi he: yau: khe" kyi" khyeug ri byid: ein: da" khyoo: nghoid›» ga: doem phoug tid wa zi nghoid.

1 KHOKHAM 9:9 ပူးပေါင်းရင်းမြစ်များ

1 KHOKHAM 18:18

Elia gi «Yau: khi" kyi" khyeug koid zi ngoo anghoid nang yo' re" phoo danghoid. Nanu" gi Aseing da" amyeing" dang: ri atam" gyoo: nyid looza: Bala yu phara" soolhoo: joem ri no' nyid boem ago".

2 KHOKHAM 22:17

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Ngoo gi Yerusalem ri nheig yo: thougtheung wigi houg gi nheig yoo: agyoo" wa.

2 KHOKHAM MHOOMYID: 29:8

Hau: gang mo Aseing gi Yuda yo' Yerusalem ri nheig yo: lho: nyang: wigi nyangnu" ri koid da" moo" gi yu" gyoug sho' zi nghoid lho: yugkhang" moo" gi gyoug boem bye:. Nanu" hau: khyoo: ri nyeing" za: se' da:.

2 KHOKHAM MHOOMYID: 7:22

Houg: lang" byumyu" yigi «Nyangnu" gi nyangnu" phoug" phyid" yiri Egutu mo shu" thu lo da" nyangnu" Aseing Mangsoo ri she: pyam pyam yoomo nghoid da:. Nyangnu" gi nyangnu" phau" myang: da" khyoo: ri yu phara" gootu: khyoo: byid: pyam lho: hau: joem ri no' ago". Hau: gang mo Aseing gi he: kyi" khyeug ziri nyangnu" dang moo ju" ri" nhang: zi nghoid da» ga: phug tid loo goo" wa.

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 22:8

«Hau: thang: ri houg khyo" so" lid: lo" boem da" tungbau byu yigi ngoo Aseing wigi he: gyi: sheung: da" voomoo" ri houg: yhang: ti" da" moo" ciwim koid bye: la" ga: nyang: cang" nyang: myid loo goo" wa.

YEREMIA 44:23

He: akhid" bue" nyid da" yau: khe" kyi" khyeug gi gootu: yu phara" joem ri nanu" xoin" ngei" byid: lho: nya: amyeing" dang: joem dangain" ri atam" gyoo: khyo" Aseing ri thougtheung yooboo shoid boem bye: yoomo nanu" dang moo ju" re" zi nghoid da» ga: tid bye:.

YEREMIA 5:19

Yeremia we"- ngoo ciwim yoomo he: gu: ri koid loug la'- ga: nyangnu" myid: lo boem ri nyangnu" ri hid su" ein: tid kyoo" we'. Nyangnu" ngoo mo phang: lo" wigi nyangnu" nya: moug: moo tungbau yu phara" joem ri dei byid: yhang: ti" nyangnu" gi nyangnu" nya: moug: anghoid jang" mo being" voo yiri dei byid: ca" goo" wa ein: tid kyoo" wa» ga: tid da:.

YEREMIA 50:7

Nyangnu" gi nyangnu" ri shau" myang da" bang: dangain" wigi khaid zain: zi shoug" ago". Nyangnu" da" gyivoo yi tid zigi «Aseing ri nyangnu" yooboo shoid abye: go". Houg: lho: ngoonu" koid zigi ashoid. Nyangnu" phoug" phyid" yigi Aseing ri khau: nghe: ago". Nyangnu" gi nya: akhoug: moo jhug zug za: nyid nyid eung: ago"› ga: tid.

NGOUG JI: 2:15

Voomoo" khyo" so" lid: lo" da" mung" byu yigi nang ri coem yu" juang" ago". Nyangnu" gi vhu" pyi: pyi: wigi byo, yoin" lo" ziri: juang" yi ago". He: zigi yu" jhed tung" da" voomoo" nghoid la". He: zigi mougmyid da" myonhoo: sho: joyoo nghoid la"» ga: tid ago".

TARHA" TID POIN" 29:23

Shivoo: yoo gi shoug: yo' xoo" boem" pyam wigi shang byug wa zi nghoid. Ciwe' age shoo" zoo: wa. Houg: lho: hau: joyoo mo mhain" lang" ayug loo: wa. Nanu" da" mungdain: gi Aseing wigi nheig joem: yo: wigi phyo' shoin' pyam da" Sodom yo' Gomora voomoo" joem yhang: ti"- Adma yo' Zeboim voomoo" joem yhang: ti" bue" lo" byug wa zi nghoid.