1 KHOKHAM 2:2 - Lacid Common Language Bible

² «Ngoo shid: wa da" bidnyid gi ju" lo nyid bye:. Loem jeing" ziyo' nheigloem: myid phyed we'.

1 KHOKHAM 2:2 ပူးပေါင်းရင်းမြစ်များ

2 SAMUELA 10:12

Yoem: kaid wigi thug shang" nyid ge'. Nyha" byumyu" shid re" we' nyha" da" Mangso da" voomoo" shid re" we' nyhang" yoem: kaid lho: zain: boem shang- houg: lang" Aseing vho: khyo" bue" loo wa zi nghoid» ga: tid da:.

2 SAMUELA 12:23

Nghoid loug we' akhid" gi nyang: shid: byug bye: yoomo ngoo ciwim wigi zooshug zeing: wa lha". Zooshang: da" kangso' ri doem yo" tau" yu wa lha". Danyid" nyid" ri koem' gi nyang: nyid joyoo khyoo: ngoo loo" wa zi nghoid. Nghoid loug we' nyang: koem gi nga" jhang khyoo: khanham we' tau" loo loo: wa zi anghoid» ga: tid da:.

1 KHOKHAM 3:7

O" Aseing Mangsoo we"- ngoo gye" ngi shi" ziyo' khasu" vhoebkhang" yhe: loo" wa zi asi' nghoid loug we' nga" phoo da" khokham aya: moo ngoo ri nang doem thid zhung: nhang: bye:.

1 KHOKHAM MHOOMYID: 22:13

Israela byumyu" yi shid re" Aseing mo Moshe ri byid: da" tarha" nang cang pyeing nghoid ri nang oung: doid loo wa. Myid phyed wigi voem" myid boo we'. Ce: ja: we' nang ri agyug nhang:-

1 KHOKHAM MHOOMYID: 22:16

Akhid" moo" zoo" ri koid shid" loo" re, Aseing gi nang yo' dage" nghoid baja".

1 KHOKHAM MHOOMYID: 28:10

Aseing gi nang ri nya: gyeung" shang: da" Noku Yhoem: Moo" ri koid wa khyen: to" khyoo: ri nang myid boin: ca" da:. Akhid" hau: ziri koid we' myid phyed wigi koid we"» ga: tid da:.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

YOBA 16:22

Akhid" nga" zain nyid joem lid lo" nyid bye:. Houg: lho: ngoo gi adoem yo" tau" lo da" khyoo: moo so" nyid.

YOBA 30:23

Nang gi ngoo ri yugkhang" moo" shid re" soin' to" da" Shid: moug: khyoo: shu" lo" nyid ziri ngoo se' da:.

COUNG" NGHEI 89:48

Houg: su: gi khanham ju" sho' ashid: abyug loo: yo" nyid wa la". Byu yigi nyang: gung nyang: loeb duang: khoug: khyoo: avang loo" sho' khasu" koid yo" toem too' wa lha".

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

1Korinthians 16:13

Khanham" nghoid loug we' zed" lhid' zoore" nyid ge'- hau: loem" jeung da" khyoo: moo: geing: geing: teing teing dayab, jo, ge'. Agyug avoem, da" nheigloem: bo nyid ge'. yoem: zeing so' moo" yo' byeung" nyid ge'.

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

TARHA" TID POIN" 31:23

Hau: thang: Aseing gi Nun nya: yuggi zoo: Yoshu ri he: amyeing" dang: byid: bye:. Hau: zigi «Myid loem wigi myid phyed ci: we'. Nyang: gi Israela byumyu" yiri ngo wigi dangsoo" byid: to" da" mung" khyoo: shu" vang yhi: ca" wa. Houg: lho: ngoo gi nang yo' dage" nghoid nyid wa» ga: tid.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

YOSHU 23:14

Akhid" ngoo gi shid: yo, ju" bye:. Nanu" yugkhang" moo" nyang: nya: emyed nheigloem: yo' ung: khung: soozoo: mo nanu" Aseing Mangsoo gi nyang: dangsoo" byid: bye: da" ge da" ja: dangain ri byid: bye: khyoo: ri se' nyid ago". Nyang: dangsoo" byid: to" zi ja: khang" moo" ri cang koid pyeing wigi daja: ri we' ashe: pyam nghoid da:.