1PETERU 5:9 - Lacid Common Language Bible

⁹ Nanu" koem gi loem" jeung" da" khyoo: moo geung: teung jo, lho: nyang: ri lhoem: zain: ge'. Khasu" wim ga: ri nanu" nyang: si' bye: ziyo' dakhyoo: ti"- mougmyid' gyab, goin" jang" moo nyid da" nanu" da" loem" jeung" mang nhung" yi gi hid: yhang: te" da" shen" yhen kyi" khyeug khyoo: ri thoung" shau" nyid boem.

1PETERU 5:9 ပူးပေါင်းရင်းမြစ်များ

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

Ephesu 4:27

Yu ri we' vang wa akhang" abyid: nyid goo".

Ephesu 6:16

Hau: tho' moo gootu: loem" jeung" ein: da" goo ri khanham we' vhoid ci: ge'. Khasu" wim gari nanu" gi hau: goo yo' akhyeing" ashoeb su" da" myi: myoo: dangain" ziri lhoem: yo" said' oung: pyam wa zi nghoid.

KOLOSE 2:5

Khasu" wim gari ngoo nanu" yo' ngoo nya: gung du: nyang: dage" ashau" nyid nghoid loug we' Venyi khyo" nanu" yo' dage" nyid nyid zi nghoid yoomo nanu" da" geung: teung yoem: kaid' nyid da" nheigloem: yoem: vhoo" yo' Khristu ri loem" jeung" khyoo: moo dage" yab, jo, ziri ngoo yu" gau nyid.

1THESALONI 3:3

Nanu" mo hang" nghoid loug we' hid: akhid" thoung shau" nyid da" shen" yhen jam, jau khyoo: yoomo loem" jeung" khyoo: moo adei aloeb, goo" baja"- nanu" ri nheig teing ung: teung yoem: byid: wa shid re" nanu" jhang khyoo: nyang: ri nhang: kaid' boem- hid: su" shen" yhen nyid da" khyoo: joem ri ngoonu" thoung" shau" nyid boem zigi yha" shid' re" Mangsoo nyang: myid' soin: to" da" khyoo:- dakhyam" dayam, nghoid nyid ein: wigi nanu" nyang: se' nyid boem bye.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

2 TIMOTHI 4:7

Ngoo gi gei, shi go" pui" moo yoem: so' bain sho' gei loo" bye. gei, wa shid re" ke' to" da" lake, bain: zeing: moo ju" sho' gei bye. Hau: loem" jeung" khyoo: ri ngoo bain' cang bye.

HEBRE 11:33

Houg: bang: gi loem" jeung" ziyo' sube" mung" ri gyi zain: lho: yo" oung: lo boem- nyangnu" gi deingmain" khyoo: ri cang zei: lo" boem wigi Mangsoo byid: to" da" dang: soo" khoin" ri shau" kham: yu boem bye.

HEBRE 12:8

Nya: zoo: nghoid mo, dangain" bang: thoung" shau" yu" yhang: te" da- khyoo: ri athoug" shau" yu" boem nghoid rigi nanu" gi zoo: gyeing" anghoid- neing: gyi yi za: danghoid boem wa.

YAKU 4:7

Houg: su: nghoid yoomo Mangsoo: khasu" vho" ri hougsu" cang loo" ge". Zhadan ri lhoem: theing shang"- zain: oung: nyid ge". Hougsu" nghoid lang" nyang: gi nanu" jang" mo phang: loo" wa nghoid.

1PETERU 1:6

Nanu" gi jham" ca, yu' da" gunglau aja: ja: thoung" shau" yoomo akhid" daso' dadam myid myoo: ung: loug zi shau" nyid boem nghoid loug we' tid lid loo bye: da" khyoo: yoomo gau yi ngei pyo: nyid ge'.

1PETERU 2:21

Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

1PETERU 3:14

Nghoid loug we' gyeing" nyang: nanu" gi deungmain" deing byeung da" moo" zei: yoomo shid: gyoin, noo gyoin yo' shen" yhen zi: shau" nyid rilang"- nanu" gi khayhi' ngi lho, boem bye lha". hang" ri we' agyug nyid goo"- myid' we' amyo: nyid goo".

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

Pang Shug 6:11

Nyangnu" yug khang" moo" ri byiphyu: sheing: dayug dakhyab, byid: lho: nyangnu" ri yhang: ti" said' zi shau" wa da" moo" zei: byen cang" yi yo' Khristain mang nhung" yi joeb lo da" bidnyid ju" sho' daso' zoo: doem myen, jham" wa shid re" tid to.

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.