1PETERU 5:3 - Lacid Common Language Bible

³ Nanu" ri ab, byid: to" da" phung: ri seing: zoo: nau myid' khyo" akoid goo"- hau: yang phung: yi da" shid' khoin" moo yu" yu ge, da" khoo" shid: ri toin" shid' nyid ge'.

1PETERU 5:3 ပူးပေါင်းရင်းမြစ်များ

COUNG" NGHEI 33:12

Mangsoo ri Aseing ga: da" byumyu" yigi ngilho' nyid boem. Nya: byumyu" khyo" khyen: yu to" da- byu yi we' ngilho' nyid boem.

COUNG" NGHEI 74:2

Goonham gooco' mo nanyang: khyen: yu da" byumyu" yi yo' nanya: byu kung: bue" nyid wa shid re" join mo khyoid yu shau" da re" byu yi ri boin: so" nyid we'. Goonham nang nyid lid lo yu" da" Ziun boem ri myid boin: nyid we'.

EZEKIEL 34:4

Nanu" gi yoem: neing: du: ri alhung goin coung:. No du: ri abyang" byid:. Dam dab du ri athoeb byid:. Nyid lam" yen" du: ri adoem shu" yu. Byug lo" du: ri ashoo: nghoid da:. Hau: gungthid nanu" gi nyangnu" ri akhyi" akhyoid zoem" khau: da:.

MIKHA 7:14

Aseing we"- nang nyang: khyen: yu to" da" re" byumyu" yi moo yang zung" su: bue" nyid we'. Nyangnu" gi siyoo dain" pyoid khung" moo yhe: nyid yen" boem nghoid loug we' nyangnu" da" ayam aqei: moo myid xu: ge da" mougmyid lheung khoem to". Nyangnu" ri goonham' gooco' pyaid mo wigi koid lo boem ziyo' dakhyoo" ti" Bashan yo' Gilead mo ge da" mhain" nu" yoo moo nyangnu" ri yhe: lham" zoo: nhang: we'.

GYUNG: SOO" 18:7

Nghoid loug we' nang yo' re" yuggi zoo: yi za: phoin: yo' gyeung" shang: thang joyoo yo' sen: da" khainjung moo" dage" ri zei: pyeing wa zi nghoid. He: moo" joem gi nanu" da" yoovoin nghoid. Ciwim gari: ngoo gi nanu" ri khainjung aya: jhungshug byid: too" bye:. Hau: gyeung" shang: zi joem khyoo: tain" yhe: da" asi' bang: hang" nghoid loug we' said pyam zi shoug" wa» ga: tid.

YOHAN 13:15

Houg: yoomo nanu" nghoid loug we' nyang: cang" nyang: khyid: ri cid" byid: goo" lho,- nanu" ri ngoo koid; yhangti"- nanu" nyang: cang" we' houg: su" koid; wa khyo" akhyoo" ri ngoo shid' too" bye.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

1Korinthians 11:11

Nghoid loug we'- hau: Aseing khoug: moo: myiyi: yi gi yuggi yi moo: nghe: khau: nyid ziyo' dakhyoo" ti"- yuggi yi nghoid loug we'- myiyi: moo: danghe: khau: nyid.

1Korinthians 3:5

Tid shang ein: rigi- Apolo gi hang" nghoid la" Polu gi hang" nghoid la" Ngoonu" gi Mangso dei zoo: yi za: danghoid nyid boem ziyo' nyang: tu: nyang: ri byid: to" da" moo" ri zei: nyid mo, za: nghoid. ngoonu" khyo" wigi- nanu" Mangsoo ri shau" loem" jeung" loo goo" baja"- khyoo: shid' shu" vhu" shi: bang: za: da nghoid. Hougsu" nghoid yoomo ngoonu" dayug yo' dayug gi Aseing wigi: nyang: tu: nyang: ri byid: to" da" moo" voin mo, nghoid.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

2~KORINTHU 1:24

Nanu" ce" ja: ri loem" jeung" boem ca" ein: wigi ngoonu" amyeung" byid: to" zi anghoid. Nanu" geung: geung: teung teung hau: loem" jeung" khyoo: moo yab jo, boem bye: ziri ngoonu" se' boem bye. Ngoonu" gi nanu" da" ngei pyo: gau yi da" khyoo: joem ri she, -nanu" yo' dage" moozo" ri coem voin vu, nyid zi nghoid nyid.

2~KORINTHU 4:5

Khasu" wim gari ngoonu" gi ngoonu" nya: khyoo: ri kho" kyo" zi anghoid. Yesu Khristu gi Aseing: nghoid nyid khyoo:- ngoonu" gi Yesu yoomo za: nanu" da" deizoo: yi nghoid da" khyoo: ri dakho" kyo" boem.

TARHA" TID POIN" 32:9

Nghoid loug we' Yaku da" amyed ashen yiri koem' gi nyang: nya: shid re" khyen: yu da:.

PHILIPI 3:17

Mang nhung" yi dangain" mo we"- nanu" dangain" nga" jang" mo khooshid: ri yu" yu ge'. ngoonu" toin" shid' too" bye: da" akhyoo" again ge da" khooshid: ri yu" yu lho: cang loo" bang: ri yu" xoem" nyid ge'.

PHILIPI 4:9

Ngoo tid da" khoin" thui: joem yo' ngoo zei: so' da" lo, moo" joem khyo" nanu" nga" jang" mo shau" jhau" yu bye: da" khyoo: joem ri lo, ju" khyid: yug- cang zei: loo" ge' houg: lang" ngei pyo: da" apoem: Mangsoo gi nanu" yo' dage" danyid nyid wa zi nghoid.

1THESALONI 1:7

Houg: su nghoid yoomo nanu" gi Makedoni mung" yo' Akhaia mung" mo loem" jeung" da" byu yi shid khoin" moo akhyoo" again da" khoo" shid: daloem" bue" lo boem bye.

2 THESALONI 3:9

Ngoonu" hid: su" koid lo da" khyoo; gi ngoonu" gi nanu" jang" mo mho' wa da" akhang" ayoo" yoomo we' anghoid- nanu" bo cang zei: wa khoo" shid: bue" nyid baja" ein- dakoid boem.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'