1PETERU 4:3 - Lacid Common Language Bible

³ Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.

1PETERU 4:3 ပူးပေါင်းရင်းမြစ်များ

2 SAMUELA 13:28

Nya: dei zoo: yiri Amnon yhid: gye" yid nyid uri «Ngoo yu" lho: amyeing" byid: kaid lang" nyang: ri said pyam wa zi nghoid. Agyug goo"- ngoo yoovoin yu wa zi nghoid- seing" yang" ge'- voem, voem, akoid goo"» ga: tid kaid bye:.

1 KHOKHAM 21:26

Israela byumyu" yi meing: zain: oung: ce" vang lo uri Aseing wigi hau: mougmyid mo khaid thu pyam bang: nghoid da" Amori bang: koid ziyo' dakhyoo" ti" soolhoo: ri no' khyo" je" sho' pho" da" yooboo ri nyang: shoid bye: da:.)

2 KHOKHAM MHOOMYID: 15:8

Obed da" nya: yuggi zoo: Azaria tid da" Lapi: dang: ri Asa shoug" gyoo: lang" nyang: gi yoem: yo" re" da:. Nyang: gi Yuda mung" yo' Benyamin mung" moo jo, da" yu phara" soolhoo: dangain" ri we' nyang: seing: yu da" Ephrim boem moug: mo voomoo" joem dangain" moo jo, da" yu phara" soolhoo: joem dangain" ri yu pyam da:. Nyang: gi Noku Yhoem: Moo" vang khoug: moo jo, da" Aseing da" phoin: ri we' doem nyheing koid da:.

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

ESAIA 5:11

Nanu" gi joem: lo" abye: go". Nanu" gi yhid: shug wa shid re" nab soin: no’ mo to' wigi myen" thang: ju" sho' yhid: shug yid wigi akhyeing: ri thang nhang: da:.

ESAIA 65:4

Shid: bye: bang: da" soobyoo joem ri dang: myid: yhe: myid: wa shid re" nyangnu" myen" ri lug oug yo' loeb khyoo: yhe: boem. Nyangnu" gi vu, shoo" zo: wigi tarha" tungbau yu phara" ri ngei" byid: da" shoo" poo" yeing ri shug ago".

YEREMIA 16:11

Houg: lang" Aseing hid su" ga: tid ein: nyangnu" ri tid kyoo" we'. Nanu" da" phoug" phyid" yigi ngoo mo lheing: phug lo" wigi gootu: yu phara" soolhoo: joem ri no' ziyo' dei byid: lo boem bye:. Nyangnu" gi ngoo ri she: pyam too" kho' lho: nga" jhau" shed dang: ri atam" gyoo: nghoid ago".

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

EZEKIEL 44:6

Thug theing gyi koid da" Israela byumyu" yiri ngoo yoem: moo" bo Aseing gi nyangnu" koid lid: lo da" aco' ajhoid moo" joem ri xo' wigi ayo" zeing: loo wa khyoo: ri tid kyoo" we'

EZEKIEL 45:9

Yoem: moo" bo Aseing tid. «Israela ri vhoeb bang: nanu" we"- nanu" gi sung nyang: myang" sho' yooboo shoid abye: go". Nanu" da" athoug" akhyoug: moo" yo' zeug zo: moo" ri theing: pyam ge'. Jo ziyo' deingmain" ziri koid we'. Nanu" gi nga" byumyu" yiri nyangnu" da" mougmyid mo khanham we' adoem yo" khaid thu loo goo" wa. Ngoo yoem: moo" bo Aseing gi nanu" ri he: zi tid nyid bye:.

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

Roma 13:13

Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

1Korinthians 12:2

Nanu" gi tungbau byumyu" yi danghoid nyid boem shi" ayo, moo: khyoo: aja" ja: moo: khyoo: vhang: vhang: loo" bang: nghoid boem wigi- kangso abo da" soolhoo: joem ri- noku lai lo boem bye: ziri: nanu" nyang: si' gu nghoid.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

2~KORINTHU 12:21

Nanu" jhang khyoo: ngoo doem ju" re" uri Mangsoo gi ngoori nanu" da" shid khoin" moo doin: khyo' pyam zi shau" wa zi we ci' nyid akhid" nyid ju" sho' ri we' nheigloem: athid loo: za_ aved asam' akyang" byo, lho: nyam ziyo' gaintho' zung mo, myoo" sho' nyid boem yoomo ngoongoug byid thu' wa ziri ci nyid.

GALATI 5:19

Gung sho" da" moozoo" gi bang bang nyang: nghoid nyid wigi hau: gu: gi youg: shoo: go" moo"- avoid avhu: koid da" moo"- aco' ajhoid da" moo".

GALATI 5:21

Aloem" athoo: koid khyoo:- yhid: shug yhed khyoo: zoo: pyoo: shug bu zoo" re" youg: sho: avoid avhu: koid khyoo: yo' houg: yo" du go" da" khyoo: nghoid nyid Hidsu" koid nyid bang: gi Mangso mungdain da" agyid asoo: ri yo" kham: yu wa zi anghoid- ein: shid' phyang" tid kyoo" bye: ziyo' dakhyoo" ti"- akhid" we' nanu" ri ngoo tid nyid.

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.