1PETERU 3:9 - Lacid Common Language Bible

⁹ Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1PETERU 3:9 ပူးပေါင်းရင်းမြစ်များ

APOEM AYANG: 42:25

Yoseb gi nya: mang: bang: ri gug byid: kaid lho yugkhang" mo" da" ngei ri nyangnu" nya: da" thung: khoug: moo doem kaid byid: wigi nyangnu" ri khyoo: moo zoo: wa shid re" zoo: shug we' byid: kaid ge' ga: amyeing" byid: kaid. Hougsu" nyang: koid boem bye:.

DANG: ZHOEM 17:13

Ge ziri age ziyo' doem toug" byid: ri re" yhoem: mo akhyeing" ashoeb, khyoo: ri khanham we' yo" yu pyam, loo: wa zi anghoid.

DANG: ZHOEM 20:22

Shoid vhang" su: ri nanyang: latoo: aphug Aseing ri loem khau: nyid we'. Houg: lang" nyang: gi deingmain" khyo" koid byid: loo wa zi nghoid.

DANG: ZHOEM 28:10

Nheigloem: deingmain" su: ri akhyeing" ashoeb, da" moo" yo" zei: sho' ga: jhu, phyo' nghoid rigi nanyang: thoung: to" da" lhid moo: nang myi" wa nghoid. Yooboo ayoo" su: gi jhungshug yo" yu wa zi nghoid.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 5:39

Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we'

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

MARKU 10:17

Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

LUKA 18:18

Yuda byumyu" mo vhu" shi: su: dayug gi ge da" sara: we"- apyaid ato: kangso' yo" kham: yu wa shid' re" ngoo khasu" koid: wa lha"» ga: Yesu ri myid.

Roma 12:14

Nanu" ri pyi: sho: shen" yhen loo mo ri mainkaid dang: tid byid: ge'. Nghoidbye nyanu" ri atau" nheing" looza: mainkaid dang: da tid nyid ge'.

Roma 12:17

nanu" ri akhyeing" ashoeb khyo" re" koid' su ri latoo: aphug goo. Byu dangain" mo yo" veing" goo" wa shid' re" yoem: kaid' nyid ge'.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Roma 8:30

Houg: yoomo Mangsoo: gi nyang: khyen: thu' too" mo ri khe: yu. Hougsu" khe: yu too" mo nya: shid' khoin" moo deingbyeing" mo agyeing" khyo" kham: yu lho: nya: myonhoo: phung yoeb ri - nyang: yo" dage" yo" bo kham: zoo: wa akhang" byid bye.

GALATI 3:14

Yesu hid: su" koid da" khyoo: gi Abraham kham: yu da" Mangsoo dangsoo" yo" sen: da" mainkaid jeju" ri tungbau byu yi we' Yesu Khristu khoug: khyo" yo" kham: yu wa ziyo' ngoonu" nghoid loug hau: loem" jeung" khyoo: khyo" Mangso da" dang: soo" byid: to" Venyi ri shau" kham: yu wa zi nghoid.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.

HEBRE 12:17

Nanu" nyang: se' nyid bye: ziyo' dakhyoo" ti"- thang: rigi nya: pho, jang" mo mainkaid byid: da" jeju" ri yo" yu noug nghoid loug we' nyang: ashau" yu loo. Khasu" wim gari nyang: koid shoid lid loo bye: da" khyoo: ri doem, so' nyheung koid wa shid re" ngoug byid' thu sho' phe: sho: yen" nghoid loug we' ashau" myang yu loo.

HEBRE 6:14

Ngoo gi nang ri gyeing" nyang: mainkaid byid: lho: amyed Ahsen yi myoo" sho' byid: wa"- ga: dang: soo" too" bye ga: wigi tid.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

1 SAMUELA 26:11

Aseing nyang: khokham bui" nhang: bye: su: ri noo sho' koid wa shid re" ngoo yoem: kaid eung: nghoid loug we' Aseing nyang: toem nyid zi nghoid. Nya: lham: yo' gyid byang ri yu lho: doem loo" looshang» ga: tid da:.