1PETERU 3:4 - Lacid Common Language Bible

⁴ Nyang: nya: nheigloem: ung: khoug: yo' sen: da" khyoo:- gyeungshang: nu" nham, nheigloem: ein: da- khanham we' ashoem: apyang: lo" da" lhoo, ri yhoung ci: ge'. Houg: yhang: ti" lhoo, ri yhoung ci: da" khyoo: gi Mangso shid' khoin" moo phoug" dab, da" khyoo: nghoid.

1PETERU 3:4 ပူးပေါင်းရင်းမြစ်များ

COUNG" NGHEI 131:2

Hau: gung khoo:- ngei pyo: myenjham" khyoo: moo ngoo nheig nhei: nyid. Noug" shoug da" zoonu" gi nya: myhi' da" shidkhoin" moo: sam" zoo: yhoeb jo, ziyo' dakhyoo" ti" nga" nheigloem: we' nga" akhoug: moo: sam: zoo: tam" to".

COUNG" NGHEI 147:6

Nyang: gi khyo' nyhoem: mo, ri tu: to' kaid lho: wigi akhyeung" bang: rigi myid jang: moo: ju" sho' re" mhoin' sain" pyam nyid.

COUNG" NGHEI 149:4

Aseing gi nya: byumyu" yiri vho: ngei nyid wigi khyo' nyhoem: nyid bang: ri oung: doid ziyo' myonhoo: ngi: shab byid: nyid.

COUNG" NGHEI 25:9

Nheigloem: nyhoem: khyo' nyid mo, ri deingmain" da" khyoo: moo: shu" yhe: lo" lho: nyang: myid vho: khyoo: nyangnu" ri jhoug" byid.

COUNG" NGHEI 45:13

Khokham zoomyi: zoo: yigi khokham khoo" vang khoug: moo nyid. Nyang: gi khayhi' gyeing" young" lha. Nya: byisheing: gi sheing: khyeing: joem yo' yo, to".

COUNG" NGHEI 51:6

Nang gi nheigloem: dain: ziyo' deingmain" khyoo: ri damho' nyid yoomo nga" ung: khoug: nheigloem: moo re" da" ung: yeug phajhi" yo' byeung" jo, nhang: we'.

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

YEREMIA 51:59

Khokham Zedekia da" gung cang zoug: gi Masea da" myid: zoo:- Neria da" yuggi zoo: Seraia nghoid da:. Zedekia Yuda khokham koid zi myid: zain ein: zain moo Seraia gi nyang: yo' dage". Babelon khyoo: yhe: lo" wigi ngoo gi nyang: ri jhau" shid dang: dayham" ri byid: kaid bye:.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 23:26

Myo, jed da" Pharishe yi we" nanu" da" khu, bain joem ri akhoug: moo shi" ced" san pyam ge'. Houg: su" koid: lang" adang shoid' moo we yung" lho' loo wa zi nghoid.

MATHE 5:5

«Nheugloem: nu" nham' mo, gi ngilho' boem wa. Khasu" wim gari nyanu" nyang: gi Mangso dang: theing to" da" mainkaid jeju" yo" yu boem wa zi nghoid.

LUKA 11:40

Akhyeing" da" byugang: yi we"- nghe: shoid ri phain" to" da" Aseing: gi akhau: shoid ri we' bo phain to" anghoid goo" la".

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

Roma 1:23

Ase' shid: da" Mangsoo: ri noku ca" nghoid loug - se' shid: lo" da byu nghoo: joem - myid: khyid: dab da goug: nyoug joem - hougsu" anghoid lang" do: yu: lo" se' da" goug: nyhoug yi ngho' joem da" soolhoo: joem ri no' ku" boem ago"

Roma 2:29

Gyeing" da" Yuda koem' gi - nheigloem: khoug; mo sho" yid thang: yham" ci: su: nghoid nyid. Hau yug ri Yuda byumyu" bue" loo nhang: da" zigi - lhid" to" da" tarha" khyo" anghoid - Hau yug gi byu yi wi coung" nghei byid: zi shau" su: anghoid. Mangso: wigi coung" nghei" too" su danghoid.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

Roma 7:22

Mangso: da" tarha" ri nga" nheigloem: gi gau yi ngei pyoo: za lhoem: yu bye.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 4:16

He: da" khyoo: joem yoomo ngoonu" gi khanham we' nheung loem: ayoin"- yoem: agyau: boem. Ngoonu" da" nghizain shoid khyo" yo' shau" myang nyid da" xangsu alhoo: gi yen, yen, za: byo, yoin" lo" nyid bye Nghoid loug we' akhoug: mo Venyi alhoo: gi nyid: khang" moo"- Aseig doem soin' nyeung byid: nyid ziri yo" shau" kham: yu nyid boem.

GALATI 5:23

Khyo, nyhoem: ziyo' nyang: nya: da" nheigloem: ri yo" khang" khyoo: nghoid - he: khyoo: ri yo" toem, too" wa zigi ce" tarha" moo we' aboo.

Ephesu 4:2

Khanham we' khyo' nyhoem: lho: wigi nu" nham, ziyo' kham, zeung: nyid ge'- nanu" nyang: cang" zeung: kham, go" lho: jheddab emyid ri toin" shid go" nyid ge'.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

1THESALONI 4:11

Nanu" gi xang: shed" ri ngoonu" tid pyeung: too" kho' ziyo' dakhyoo" ti" -myen, jham" za: cang yhe: kangso' dei nyid wa shid re" we' byu gooji yi da" khyoo: moo abo tid phyo' lhu: lheug yen" wa shid re" we' nyang: nya: da" voem: doug: khu: moo' zoo" ri nyang: nyang: hougsu" da zei: zo: nyid wa shid' re" we' myid' soin: to" boem goo" baja".

2 THESALONI 3:12

Houg: su" koid yen" da" byu yi gi nyeing" za: khyag nyid lho: wigi nyang: tu: nya: da" voem: doug: khu: moo' zoo" ri zei: nyid boem lho: kangso' dei nyid boem goo" baja"- ein: wigi Aseing Yesu da" myeing khyang" khoug: moo ngoonu" pyeung ziyo' zid" nhang: kaid.

1 TIMOTHI 2:2

Ngoonu" gi Mangsoo ri gyoug phau" khyoo: moo goolho: za: cang lo" wigi ge, da" young" du, du asam" avoid, bo lho: ngei pyoo: myen, jham" za: kangso' yo" dei nyid goo" baja"- Kho: kham yi yo' amyeing" akhang" ci: bang: dangain" shid re" akyu" mho' nyid ge'.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

YAKU 1:21

Hougsu" nghoid yoomo nanu" gi aco' ajhoid da" aved asam" yo' akhyeing" ashoeb da" khyoo: bain sho' ri she: pyam ge'. Nanu" da" nheigloem: ung: khoug: moo Mangso wigi kaid' byid: to" da" yo" khyoid yu da" nya: mungdang: ri nu" nham, da" e" myed, yo' kham: yu nyid ge'.

1PETERU 1:23

Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

1PETERU 3:15

Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.