1PETERU 3:3 - Lacid Common Language Bible

³ Nanu' da" gung du: yung" lho' khyoo: gi nghe: shoid mo lhoo, yhoung khyoo:- xam: kuid" kued" ziyo' byi: mi, yung: zi ngei sheing: lug nyoug tab shoung: yhoung khyo" anghoid baja".

1PETERU 3:3 ပူးပေါင်းရင်းမြစ်များ

APOEM AYANG: 24:22

Gyid bain kham: jhug lang" yuggi phoo gi gye" phoug" dab da" sheing: khuang ri myiyi: nu" da" nhoo: moo lo" yu xei" byid: lho: sheing: theing" dazoem" ri we' lo, moo zhung" byid: wigi

APOEM AYANG: 24:47

Ngoo gi nyang: ri ‹Re" myhi' phoo gi hang" nghoid lha"› ein: myid lang" nyang: gi ‹Nga" myhi' phoo gi Nahora yo' Milkha da" nya: zoo: Bethuela nghoid› ga: tid kyo". Houg: lang" ngoo gi nya: nhoo: moo: nhoo: khuang xei" byid:- nya: lo, moo theing" ri foid byid: bye:.

APOEM AYANG: 24:53

Hau: thang: nyang: gi byimi yo' phoug" dab da" ngei yo' sheing: zi joem ri she: lho: Rebekha ri byid:. Nyang: gi nya: myhi' yo' nya: mung ri we' phoug" tab da" phoug" jhungshug ri byid: bye:.

2 KHOKHAM 9:30

Yehu gi Yezrela khyoo: ju" lo da:. Yezebela gi bue" da" khyoo: ri shoug" gyoo: too" gu nghoid da:. Myo, mei: xoug" pyam- xam: kyo' pyam wigi khokham kho" bangzoo: khoem" moo yab jo, lho: khyoo: zeing khyoo: yu" kaid da:.

ESTHA 5:1

Zooshug jang" zi soem" nyid" ein: nyid" ri Estha gi khokham myhi' byimi ri void ci: lho: khokham zhungtang jo, da" yab yo' veing" veing" khokham vang khoug: moo yhe: yab jo, da:. Khokham phoo gi vang khoem" duang: yo' veing" veing" da" yab khoug: mo khokham zhungtang moo zhung: jo, da:.

COUNG" NGHEI 45:9

Re" khokham khoo" mo zoomyi: yi moo khokham yi da" zoomyi: yi we' bo nyid boem ago". Re" zhungtang da" lo, yo shoid moo myo, yi lo" da" sheing: ziyo' lho, yhoung ci: da- khokham myhi' yab jo.

THU' LO" MOUGSOUG" 3:22

Israela byumyu" myiyi: yugdu: ngab gi nyangnu" da" yhoem: kyoo" cang" Egutu myiyi: yi jang" mo mi byi: ngei yo' sheing: joem ri mho' yu wa zi nghoid. Israela byumyu" gi nyangnu" yuggi zoo: myiyi: zoo: yiri hau: zi foid lho: Egutu byumyu" yi da" jonu" joem ri yo" ci loo" wa zi nghoid.

THU' LO" MOUGSOUG" 32:2

Arun gi nyangnu" ri «Nanu" yhoem: seing: myhi' yi nanu" nya: yuggi zoo: yi nanu" nya: myiyi zoo: yi xei" ci: da" sheing: nuxei" joem ri khyoid wigi nga" jhang" khyoo: ci: ri" ge'» ga: tid.

THU' LO" MOUGSOUG" 33:4

Byumyu" yi hau: ziri shoug" gyoo: lang" nyangnu" nheig koug lo wigi sheing: zi ri avoid nghoid ago".

THU' LO" MOUGSOUG" 35:22

Byid: nau da" nheigloem: yo' myiyi: yuggi dangain" gi shoung: yhoung zi nghoid da" ngabkyen"- nuxei"- theung"- yi:- phoug" dab da" sheing: zi aja: ja: ci: re" boem wigi Aseing ri re" shugbyid: ago".

THU' LO" MOUGSOUG" 38:8

Nyang: gi gyid: mid" jarung: yo' hau: da" tang ri Aseing da" zoem" khoem" duang: moo moo" zei: da" myhi' zeing yi da" gyid: mid" bangteing ri yu wigi koid bye: da:.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

YEREMIA 2:32

Zoomyi: nu" gi nya: da" shoung: yhoung wa phoug" dab lug ri myhi' seig gi nya: da" lo, xo' pui" byimi ri lhoung to" myhed yu" la". Nghoid loug we' nanu" gi bidnyid atho' nghab loo sho' ngoo ri to" myhed pyam ago".

YEREMIA 4:30

Yerusalem we"- nang gi joem: lo" abye:. Nang gi phe" pain" byimi ciwim shoung: void ci: la". Ciwim yoomo phoug" dab lug ri shoung: void ci: wigi myojid" moo xau" ci: la". Nang gi nanya: gung ri ci: anghoid da" shid re" yung" sho' shoung: ci: da:. Re" da" jheddab zooyam phoo joem gi nang ri ngeug he: pyam abye: go". Houg: lho: nyangnu" gi nang ri said pyam nau ago".

EZEKIEL 23:40

«Nya: tang: gi moug: vi: mo yuggi yiri khe: yu wa shid re" lagyoo: alheing: lheing: nhang: kaid lho: hau: yuggi yi ju" re" boem ago". Nya: eig tang: gi gung cid" pyam- myo, mei: xau" pyam- phoug" dab lug joem ri void ci: ago".

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

1PETERU 3:2

Khasu" wim ga: ri nanu" da" aved, asam" khayhi' gyeing" phyu: young" da" khyoo: yo' phau" myang: nheigloem: ri nyangnu" shau" myang lo boem wa zi nghoid.