1PETERU 3:14 - Lacid Common Language Bible

¹⁴ Nghoid loug we' gyeing" nyang: nanu" gi deungmain" deing byeung da" moo" zei: yoomo shid: gyoin, noo gyoin yo' shen" yhen zi: shau" nyid rilang"- nanu" gi khayhi' ngi lho, boem bye lha". hang" ri we' agyug nyid goo"- myid' we' amyo: nyid goo".

1PETERU 3:14 ပူးပေါင်းရင်းမြစ်များ

DANG: ZHOEM 3:25

Akhyeing" ashoeb bang: da" atho' moo: gi uglid moo" hau, lid lo" yhang: ti"- dalheing: dam nyid dain, tung"- shid: gyoin' ju" lo ziri nang agyug noo".

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

YEREMIA 1:8

Nyangnu" ri agyug- ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

YEREMIA 15:15

Hau: thang: ngoo tid zigi «Aseing we"- nang se' gyo: da:. Ngoo ri myid boin: wigi pang" yu la. Ngoo ri said wa soin bang: ri latoo: cang phug nhang: la. Nyangnu" ngoo ri said wa zi oung: doid sho' nheigloem: sheing: sheing: azeing: ci. Ngoo rue" zi shau" kham zo: zigi re" gang mo nghoid ziri myid boin: byid: la.

EZEKIEL 3:9

Ngoo gi nang ri lug boem yhang: ti" geing: teing nhang: wigi sen: lug yhang: ti" thain: nhang: wa. Hau: thougtheung da" byumyu" yiri agyug noo".

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MATHE 10:31

Houg: yoomo agyug goo"- nanu" gi jookhyang myoo" sho' tho' moo je phau" nyid mo, nghoid.

MATHE 10:39

Nya: kangso' ri yoo" su: gi kangso' soem" wa. Ngoo yoomo nyang: nya: da" kangso' soem" loo" su: gi kangso' ri yo" yu wa zi nghoid.

MATHE 16:25

«Nyang nya: da" kangso' ri khyoid yu noug su: gi kangso' soem" wa. Nga" shid re" kangso' soem" loo" su: koem gi kangso' yo" yu wa.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MARKU 10:29

Yesu gi nyangnu" ri ngoo nanu" ri deung" deung tid ba- ngoo yo' ngei bu: ludang: yoomo yhoem: yoo- mangnhung"- nham" moo"-myhi, phoo- zoo: du joem daja: ja: ri to" pyam khyoo: su: hang" nghoid loug we'

MARKU 8:35

Khasu" wim ga: ri nyang: nya: da" kangso' ri khyoid yu noug su: hang" nghoid lug we' kangso' soem" loo" wa nghoid loug nga" mahtang: mo yo' ngeibu: ludang" yoomo kangso' soem" loo" su: gi nya: kangso' yo" yu wa.

YOHAN 14:1

Yesu gi nanu" nheigloem: myid amyo: nyid goo"- Mangsoo: ri loem" ge' ngoori we' loem" ge' ga: wigi tid.

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

2~KORINTHU 12:10

Hougsu" nghoid yoomo ngoo gi Khristu yoomo kham zeing: da" yoem: nu: khyoo joem- zeing:-kyi" khyeug khyoo:- pyishoo: lug lheung: khyoo: yo yau: khe" khyoo: yoomo gau yi nheig deug nyid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.

1PETERU 3:6

Sa ra: gi Abraham da" dang: ri tam" gyo: Abraham ri nga" yhoem: seing: ga: tid. Nanu" we' agyug avoem loo: ge da" moo" ri zei: nyid rigi nanu" we' Sara da" myiyi: zoo: yi nghoid.