1PETERU 2:9 - Lacid Common Language Bible

⁹ Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1PETERU 2:9 ပူးပေါင်းရင်းမြစ်များ

COUNG" NGHEI 106:5

Re" da" byumyu" yi yo" loo, de, lo khyoo: ngoo ri we' myang nhang: we' re" da" byumyu" yi ngeibu: khyoo: joem ri we' ngoo ri bo kham' zoo: nhang: we' o".

COUNG" NGHEI 118:27

Aseing gi: Mangsoo nghoid- nyang: gi: ngoonu" ri jeju" byid: abye:- nanu" da" lo, joem moo: seig kyang: ri ci: lho: pui" moo" ri pang: shed" wigi xoin" to" phoin: ri so" lheung khoem we'.

COUNG" NGHEI 135:4

Nyang: Yaku ri khyen: yu zigi Israela gi Aseing nyang: seung: da" byumyu" bue" loo: wa shid re" nghoid.

COUNG" NGHEI 22:30

Doem ju" loo wa da" byunyid xiyam: yigi nyang: ri dei dei byid: lo boem wa. Byumyu" yigi ju" loo wa da" byuxeig byuyam: yi moo Aseing da" khyoo: ri tid kyo" lo boem wa nghoid.

COUNG" NGHEI 33:12

Mangsoo ri Aseing ga: da" byumyu" yigi ngilho' nyid boem. Nya: byumyu" khyo" khyen: yu to" da- byu yi we' ngilho' nyid boem.

COUNG" NGHEI 73:15

Ngoo gi houg: yhang: te" da" khyoo: ri dato tid shoid nghoid rigi ngoo gi re" byumyu" yi mo byu dayug khyo" wigi yo" zei: so, nyid zi anghoid.

ESAIA 26:2

Voomoo" khyam: khoem" joem ri phang ge'. Houg: lho: jhug zug da" byumyu" ri vang nhang: ge'. Hau: byumyu" gi deingmain" da" moo" zei: da:.

ESAIA 41:8

Nghoid loug we' nga" dei zoo: Israela we"- nanu" gi ngo wigi khyen: yu to" da" byumyu" yi nghoid ago". nga" byencang" Abraham da" amyed ashen yi nghoid da:.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

ESAIA 44:1

Aseing tid zigi «Yaku da" amyed ashen- ngo wigi khyen: to" da" byumyu" nga" dei zoo- Israela we"- akhid" tam" gyoo: we'.

ESAIA 61:6

Houglho: nanu" gi Aseing da" khainjung yi khyo" we' Ngoonu" Mangso da" dei zoo: yi khyo" we' myeing fu" loo goo" wa. Nanu" gi byumyu" yi da" jonu" joem ri yo" yhung: zo: wigi Hau: ziri nanu" zi khyo" langi: koid loo goo" wa.

ESAIA 62:12

Nang gi «Mangso da" gyeung" shang: byumyu" Aseing wigi khyoid yu to" da" byumyu"» ga: myheing zi shau" boem wa. Yerusalem gi «Mangso wigi jheddab da" voomoo" Mangso wigi ashe: pyam' da" voomoo" ga: myheing zi shau" loo wa» ga: tid da:.

ESAIA 66:21

Ngoo gi nyangnu" mo dayham" ri khainjung yo' Levi byu yi koid nhang: wa.

ESAIA 9:2

Moug: coid khoug: moo so" yen" da" byumyu" yigi gyi: sheung: da" bidbang ri shau" myang abye: goo". Nyangnu" gi bid yoeb mungdain: moo nyid loo bang: nghoid ago". Nghoid loug we' akhid" gi nyangnu" ri bid zhoo: byid: abye:.

MALAKHI 3:17

Nyangnu" gi «Nga" byumyu" yi bue" lo boem wa» ga: yoem: moo" bo Aseing tid nyid. Hau: moo" ri zei: lo da" bidnyid mo nyangnu" gi nga" byu yi bue" lo boem wa zi nghoid. Nya: phoo gi nyang: ri bo pang" su: nya: zoo: ri nheig khyeug shoomyen: ziyo' dakhyoo" ti" ngoo we' nyangnu" ri nheig khyeug shoo" myen: wa.

MATHE 4:16

Moug coid khoug: moo nyid da" Byumyu" gi bidbang zeing ri myang boem wa. shid: zau: da" bid shoem: yoeb moo zhung: jo, mo, da" atho' moo bidbang ju" ri" wa» ga: kho" kyo" to.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

LUKA 1:79

Shid: zau: da" bid shoem: yoeb moo zhoung: jo mo, da" tho' moo doug bang loo wa nghoid. Hau: tho' agoo"- Ngoonu" da" myenjham" khyoo: moo shu" vhu" she: loo wa zi nghoid.

YOHAN 17:19

Nyang: nu" gi re" shid re" gyeing" nyang: ab nung" too" mo bui" baja" nyangnu" shid re" nga" gungdu: nyang: nang ri ab nung" byid: bye..

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 26:28

Houg: lang" Agripa Polu ri tid zigi daso' dadam da" agyoo: moo nang ngoori Khristain yo bui" nhang: wa ein: jho: la"» ga: tid.

Roma 9:24

ngoonu" gi Yuda byumyu" khoug: mo za: anghoid. Tungbau byumyu" khoug: mo we' Mangsoo: khe: yu too" mo nghoid.

1Korinthians 3:17

Houg: yoomo byu dayug yug gi Mangso da" noku yhoem: ri lhu: phyo' lhu: shoin' nyid nghoid rigi- Mangsoo gi hau: yug ri phyo' shoin pyam wa. Khasu" wim gari- Mangso da" noku yhoem: gi young" lho, zi nghoid wigi- nanu" nyang: hau: noku yhoem: nghoid nyid ago".

Ephesu 1:14

Hau: da" gyeungshang: venyi gi Mangsoo nya: byumyu" yi ri byid: to" da" dang: soo" khoin" ri ngoonu" shau" kham: yu wa da" pakham: nghoid nyid hau: zigi Mangsoo gi nya: da" byumyu" yi ri joeb byeung" da" loid byoin nhang: da" khyoo:- ngoonu" ri nheig shid: nheig deig nhang: nyid zi nghoid- ngoonu" gi nya: da" myonhoo: phung: yoeb, ri coung" nghei byid: nyid boem shang o".

Ephesu 1:6

Nyang: jheddab da" nya: zoo: khyo" wigi aphoug" amho, loo: ngoonu" ri byid: da" jeju" jhung: shug yoomo phung" yoeb, bo da" nya: jeju" ri coung" nghei boem shang.

Ephesu 3:21

Mangsoo gi phung: tho' moo we' Khristu Yesu da" tho' moo we' apyaid' atoo: moo phung" yoeb, dabo jo, baja" o"- Amen.

TARHA" TID POIN" 10:15

Nghoid loug we' nanu" phoug" phyid" yiri Aseing jheddab zigi gye" gyi: sheung: nyid yoomo gootu: byumyu" yi gungthid nanu" ri nyang: khyen: yu bye:. Nanu" gi nyang: khyen: yu to" da" byumyu" yi nghoid boem ashi".

TARHA" TID POIN" 14:2

Nanu" gi nanu" Aseing Mangso da" byumyu" yi nghoid da:. Nyang: gi mougmyid tho' moo nyid da" byumyu" dangain" akhoug: mo nya: byumyu" bui" wa shid re" nanu" ri khyen: yu bye:.

TARHA" TID POIN" 18:2

Nyangnu" gi gootu: kung: bang: yhang: ti" mougmyid age seing: nghoid da:. Nyangnu" da" gamboem gi Aseing wigi dangsoo" byid: to" bye: ziyo' dakhyoo" ti" Aseing da" khainjung aya: ri goo" ki" lid yo" bui" bye: zi nghoid da:.

TARHA" TID POIN" 4:20

Nghoid loug we' nanu" gi myikhyoem' yhang: ti" da" Egutu mo nyang: khyoid yu da" byumyu" yi nghoid. Akhid" nyid" nanu" nghoid nyid ziyo' dakhyo" nya: byumyu" koid yu wa shid re" nyang: gi nanu" ri shu" thu lo zi nghoid.

TARHA" TID POIN" 7:6

Hid: su" koid ge'. Ciwim gari nanu" gi nanu" Aseing Mangso wigi seing: nyid zi nghoid. Mougmyid tho' mo byumyu" dangain" mo nanu" ri nyang: gi nya: goo" ki" lid byumyu" khyo" khyen: too" bye:.

PHILIPI 3:14

Hougsu" nghoid yoomo ngoo gi hau" jhung: shug ri yo" yu wa shid re" bain: zeing ju" sho' dain" dain: yoem: kaid' gei yhe: lo- hau: jhung shug gi moug: khung: moo kangso' yo" dei nyid sho' Khristu Yesu khyo" wigi Mangsoo khe: yu da" khyoo: nghoid nyid.

KOLOSE 1:13

Mangsoo jeju" ri gau, yi ngei bu: coung" nghei nyid baja" o". Nyang: gi nyhang" ri akhyeing" ashoeb da" moug: coid' yoem: so' khoug: mo khyoid khyi: yu lho: nya: da" jheddab nya: zo: da" mungdain khyoo: fang kaid' bye.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

1PETERU 1:2

Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

Pang Shug 20:6

Xang: shed" doem dei to'' lo phung: moo yo" boo su: gi ngi: lhoo' su:- gau, yi zi shau" su: nghoid- eig lheing: shid: da" khyoo: gi nyangnu" ri ayo" vhoeb, khang" loo. Nyangnu" gi Mangso da" khainjung yi yo' Khristu da" khainjung yi nghoid boem wa nghoid wigi hau' zain nyid dakhyeing" Khristu yo' dage" yo" vhoeb, khang" nyid boem wa zi nghoid.

Pang Shug 5:10

Nang gi nyangnu" ri ngoonu" da" Mangso mungdain: moozoo" ri zei: wa da" shid re" Khainjung aya ri ab, byid: bye- Hau: lho: wigi nyangnu" gi he: da" mougsoug" ri yo" vhoeb, khang" boem wa zi nghoid- ga: wigi khoin" nyid boem.

1 SAMUELA 12:22

Aseing gi nanu" ri nya: byumyu" koid wa ga: myid phyed to" wigi geing teing da" dangsoo" too" bye: yoomo nanu" ri she: pyam too" wa zi anghoid.