1PETERU 1:4 - Lacid Common Language Bible

⁴ Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.

1PETERU 1:4 ပူးပေါင်းရင်းမြစ်များ

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

COUNG" NGHEI 47:4

Aseing gi ngoonu" nghe: khau: nyid da" mungdain: ri ngoonu" shid re khyen: byid: lho: hau: mungdain: gi nyang: jheddab da" nya: byumyu" yiri myonhoo: sho: phau: khuang ge da jonu" nghoid.

ESAIA 66:22

«Myid gung seig yo' mougkhung: seig gi nga" yoem: so' khyo" jo, jo, loo wa. Houg: yoomo re" amyed ashen yi yo' re" myeing gi jo, jo, loo wa.

EZEKIEL 47:12

Gyid zoo: gyung: eig shoid goin" moo zoo: noem zei: byid: da" seiggam shigam joem yug loo: wa. Houg: joem da" afu' joem gi khanham we' ayhoug" loo" wigi ashi" zei: zi khanham we' atheing: wa. Hau: joem gi lhammoo" khyab khang" moo" ashi" aseig zei: byid: wa. Ciwim gari Noku Yhoem: Moo" mo yau thu re" da" gyid zoo: gyung: gi hau: joem ri gyid shoin" byid: da:. Hau: seiggam joem gi zoo: noem byid: wigi seig fu' joem gi byu noo byang" wa shid re" ci: loo goo" wa.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MARKU 10:17

Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

1Korinthians 9:25

shi, go" da" pui" vang wa shid re" shi, goo wa soin nyid da" gei shi, sarhi' yi yug khang" moo" gi thain: da" tarha" ri cang byeung" nyid ago". He: byu yi houg: su" koid da" khyoo: gi byo, yoin" loo" se' da" bain: khuang: yo" yu wa shid re nghoid. Nyhang" koem gi pyaid moo: too: moo: byo, yoin" loo" ase' da"- bidmug yo" yu wa shid re" gei shi, go" nyid zi nghoid.

GALATI 3:18

Khasu" wim gari Mangso da" jeju" agyid asoo: gi hau: toung: to" da" tarha" ri nghe: khau: lho: dayo" yu nghoid rigi hau: jeju" agyid asoo: gi nya: da" dang: soo" khoin" yo' ci: asen: byug loo- nghoid loug Mangsoo gi dang: soo" khoin" yoomo Abraham ri hau: jeju" agyid asoo: byid: abye:.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 1:14

Hau: da" gyeungshang: venyi gi Mangsoo nya: byumyu" yi ri byid: to" da" dang: soo" khoin" ri ngoonu" shau" kham: yu wa da" pakham: nghoid nyid hau: zigi Mangsoo gi nya: da" byumyu" yi ri joeb byeung" da" loid byoin nhang: da" khyoo:- ngoonu" ri nheig shid: nheig deig nhang: nyid zi nghoid- ngoonu" gi nya: da" myonhoo: phung: yoeb, ri coung" nghei byid: nyid boem shang o".

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

KOLOSE 3:24

Aseing: gi nya: byumyu" yi shid' re" shoung: to" da" agyid asoo: ri jhung: shug khyo" wigi nanu" ri byid: zi nghoid ziri daboin: so" nyid ge'- khasu" wim ga: ri Khristu koem gi pang" zei: nyid da" Aseing: agyeing" nyang: nghoid bye.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 9:15

Khyoo: he: khaid khyo" Mangso khe: yu zi shau" bang: gi Mangsoo nyang: dang: soo" khoin" byid: too" bye: da" apyaid' atoo: mo mainkaid jeju"- shau" kham: yu boem baja" ga: Khristu gi dang: thang" cab, aseig rinyheing byid: bye. Hougsu" kham: yu wa da" amyeing" akhang" ri yo" yu da" khyoo: gi xang: shed" mo da" dang: theing khoin" akhoug: moo nyid uri shoid vhang: lo" da" youg: noo yooboo mo khyoid lhoid kaid' wa shid re" shid: kham, khyoo: dakhaid bue" thu loo yoomo nghoid bye.

YAKU 1:11

Gye" nge" da" bid dug gi bain: gam ri lhab, nyhau" pyam' lho: aboo" ri shu: gyo" loo" nhang: pyam. Hougsu" nghoid yoomo hau: bo" young" to" da" bain: boo" byo, yoin" lo" yhang: ti" yoo" zoo: yoo" shug mo, gi nyang: nya: da" moozoo" zei: nyid uri shid: joem: byo, yoin" loo" goo" wa zi nghoid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.