1Korinthians 8:3 - Lacid Common Language Bible

³ Nghoid loug we' Mangsoo ri si' su: gi Mangsoo yo' zoem" khau: khyoo: ri kham: yu se' nyid.

1Korinthians 8:3 ပူးပေါင်းရင်းမြစ်များ

1 KHOKHAM 3:3

Sholumon gi Aseing ri jheddab ziyo' nya: phoo David da" pyeing: dang: ri cang yhe: nyid nghoid loug we' nyang: gi gougnyhoug myoo: sho' ri said lho: xoin" to' jang: aja: ja: moo hau: ziri xoin" ngei" bye:.

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

COUNG" NGHEI 17:3

Nang gi nga" nheigloem: emyed ri si su: nghoid. Nang gi myen" goug: sang" gam we'. Nga" jang" moo: ju" re" wigi nga" nheigloem: emyed ri bain sho re" jham" ca: yu" uri akhyeung" da" myid soin: khyoo: abo ziri nang myang bye:.

THU' LO" MOUGSOUG" 33:12

Moshe gi Aseing ri «Hau: mung" khyoo: he: byumyu" yiri shu" yhe: we' ga: nang ngoo ri joo bye:. Nghoid loug we' nang ngoo ri hang" yo' yhe: we' ga: atid nghoid da:. Ngoo ri nang nyeing" se' ziyo' ngoo ri vho: ngei ga: zigi nang tid abye:.

THU' LO" MOUGSOUG" 33:17

Aseing gi Moshe ri «Nang ri ngoo gye" si' nyid ziyo' ngoo nang ri vho: ngei nyid yoomo nang tid ziyo' dakhyoo" ti" ngoo koid wa zi nghoid» ga: tid.

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

MATHE 7:23

Hau: uri ‹ngoo nanu" ri khanham we' asi"- atarha" da" moo" zei: mo, we"- nga" jang" mo gang: loo" ge'› ein: wigi ngoo nyanu" nyang: ri tid wa zi nghoid.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

Roma 11:2

Mangsoo: gi xang: shid" mo wigi nyang: khyen: yu to" da byumyu" ri ashe: pyam' - jhoem: mungdang: moo Elia gi Israela byumyu" yi ri tu: mhoug lho: - Mangso: jang" moo kau: to" mougsoug" du.

1Korinthians 13:12

Akhid" ngoo myang nyid zigi- bang teing moo- yoeb, yoeb, za: date: myang nyid. Thang: phyang" ngoonu" gi myo, moo: gyo' gyo' nyang: shau" myang goo" wa. Akhid" ngoo se' khyoo: gi ajoeb abyeung" za: danghoid- Hau: uri: gi Mangsoo ngoori: se' yhang: ti"- ngoo we' joeb, byeung" sho' se' wam: bye.

1Korinthians 2:9

Nghoid loug jhoem: mungdang: moo- hang" we' amyang yu" ashoug" gyo: yu" da" khyoo: bue" loo wa zi nghoid ga: wigi- Hang" amyid, ju" da" khyoo: ri- Mangsoo gi nyang: ri jheddab bang: shid re"- nyheung too" bye ga: lhid" to".

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 2:19

Ngoo gi nang ci koid nyid ziri se'- re" da" jheddab khyoo:- loem" jeung" khyoo: we' re" da" moo" voin khyoo: yo' nheigloem: sheung: khyoo: ri ngoo se. Akhid" nang zei: nyid moo" gi xang: shed" tho mo je ge ziri ngoo se.

Pang Shug 2:9

Nang thoung" shau" nyid da" sho" jhen: jamjau khyoo: ri ngoo se' nyid nang gi damyoug sho" jhen: nyid nghoid loug we' gyeing" nyang: ga: rigi nang yoo" su: di su: nghoid nyid. Nyang: nya: da" gung ri Yuda byumyu" nghoid ga: tid nyid mo, gi nang ri theung shang" gyi koid mo, nghoid nyid boem ziri ngoo se' nyid. Nyang: nu" gyeing" gyeing" ga: rigi Yuda byumyu" anghoid- satan: da" byumyu" yi danghoid nyid boem ago".