1Korinthians 7:7 - Lacid Common Language Bible

⁷ Gyeing" nyang: ga: rigi- byu dangain" bang: ri ngoo yhang: ti" nyid nhang: nau zi nghoid. Nghoid loug we' byu yug khang" moo" gi Mangso jang" mo yo" yu da" mainkaid byid: jeju" gi adu, goo- byu dayug yug gi gootu: daja- gootu: dayug gi gootu: daja: ri yo" yu.

1Korinthians 7:7 ပူးပေါင်းရင်းမြစ်များ

APOEM AYANG: 30:34

Laban gi «Nang tid ziyo' dakhyoo" ti" koid shang» ga: tid.

ACTS 26:29

Polu doem tid zigi daso' dadam ga: nghoid loug we' - myang" sho' nghoid, nghoid hau: zigi yhoug: gyen: khyoo: anghoid - Khokham" phoo Nang yo' dage" akhid" nyid nga" dang: ri tam" gyo: nyid bang: dangain" gi Hid: nga" jangcoo" doem' ri atid noug- ngoo yo' dakhyoo" ti" bue" lo boem wa shid re" Mangsoo ri ngoo akyu" mho' nyid ga: phoug tu.

Roma 12:6

Hougsu" nghoid yoomo - ngoonu" yug kang" moo" gi nyang: nyang: yo" kham' zoo: da" jeju" yo" dakhyoo" ti" Mangsoo: byid: da" jeju" ri se' ci yhoung: boem ca". Ngoonu" yo" yu da" jeju" yo" Mangso: mungdang: ri tid nghoid rigi nyang: nya: da" loem" jeung" jo, gyam: yo" dakhyoo" ti" hau: jeju" ri ci: yhoung: nyid boem ca".

1Korinthians 12:11

Nghoid loug we' hau: jeju" yoem: vhoo" joem gi hau: venyi dayoug wigi: za: bui" nhang: nyid yoomo- nyang: myid vho: ziyo' dakhyoo" ti"- dayug yo' dayug ri- gooki" lid' da" jhung: shug gootu: tu: ngab sho'- gam, byid: to" boem bye.

1Korinthians 12:4

Akhid" Venyi jeju" jhung shug aja" ja: boo nghoid loug we'- hau" jeju" jhung: shug joem ri- Venyi dayoug wigi: kyeing byid: nyid zi nghoid.

1Korinthians 7:8

Akhid" gi ikoin deungkhu: avang shi" mo, yo' cougmoo" myhi' yi ri ngoo tid nau khyoo: gi ngoo yhang: ti" yo' xo' nyid lo" rigi: nanu" shid' mo je" ge da" khyoo: nghoid.

1Korinthians 9:15

Nghoid loug we'- ngoo gi hau: da" akho, akhang" daloem: ri we' ayu ci. Houg yhang: te" da" akho, akhang" ri nga" shid re"- mho' wa ein: he: moug soug" ri lhid" kaid zi anghoid. Houg: su" damho' wa nghoid rigi- ngoo shi" shid: byoug ri je" gi wa nghoid. Nga" da" deingmain" phau: khuang joyoo ri- dang: koem: hang" ri we' abue" loo" nhang: noug.

1Korinthians 9:5

Gootu: da" lagyoo: yi- Aseing da" nya: nhoung" bi" yo' lagyoo: Petru yhang: te" bang- da" khoo" shid: ri bo yu" cang wigi- ngoo so" yen" da" joyoo joem moo: yhoem: seing: myhi' shu" yen" wa akhang" ayoo" la"