1Korinthians 6:3 - Lacid Common Language Bible

³ Ngoonu" gi mouglagyoo: yi ri dang: phyed byid: wa mo, nghoid ziri- nanu" asi' goo" la" Houg: su" nghoid rigi: moug: myid mo khyoo: joem ri je" wigi: tarha" dang: yo" phyed byid: wa zi anghoid goo" la"

1Korinthians 6:3 ပူးပေါင်းရင်းမြစ်များ

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

DANIELA 7:22

Hau: thang: apyaid atoo: moo dei nyid yug re" lo lho: gyi: sheung: myhang: thang Mangso da" byumyu" yi shoid bo dab wigi dang: phyed zi tid kaid da:. Mangso da" byumyu" yi khokham yoem so' yo" yu wa yo, ju" loo bye:.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

Roma 6:16

Byu dayoug nhang: zo zi shau" nyid sugi nhang: zoo: su: da" join nghoid zi nanu" goo" lhoo: si bye. Gyeing" nyang: nanu" ri yooboo wi nhang zo zi dashau" nyid shi" rigi - Nanu" gi yooboo join nghoid nyid shi" - Nanu" koid' da" yoobo aphoug" gi shid: lo" da" khyoo: nghoid. Gyeing" nyang: nanu" gi Mangso: da" dang: ri tam" gyo: da" aphoug" gi Mangsoo: da" shid moo deingbyeing" mo bue" loo wa.

1Korinthians 6:15

Nanu" da" gung doem: joem gi-Khristu da" gung doem mo akung: ako'' joem nghoid ziri- nanu" si' go" la" Hougsu" nghoid ri Khristu da" ako' dakung: ri khyu, yu lho: shava myhi' da" akung: ako'' moo: xo' loo" nhang: wa la" Hougsu" we' age bui" wa.

1Korinthians 6:16

Shava myhi' yo' hau: gung doem: ri poung" pyam su: gi hau: shava myhi' yo' gung doem: daloem: za: bue" loo" bye: ziri: nanu" asi' goo" la" Jhoem: mungdang: moo nya: eig yug gi gung doem: daloem: za: bui" wa nghoid ga: tid to.

1Korinthians 6:19

Nanu" da" gung doem: gi nanu" moo: bo nyid da" Mangsoo byid: hau: gyeungshang: da" Venyi noku yhoem: nghoid ziri- nanu" asi' loo goo" la"

1Korinthians 6:4

Houg: yhang: te" da" moo" thu' lo da" uri- phung: yo' ci: asen: - phung: moo: ce: akho akhang" ayoo" bang: ri- tarha" dang: phyed nhang: wa goo" la"

2 TIMOTHI 2:4

Gyimoo" voin, vu, nyid da" gyizoo: nu" dayug gi nya; atho' mo da" gyi zoug: phoo nheig shid: nheig deig sho' zei: noug yoomo gyizoo: yo" asen: da" mung" byu yi khyoo: moo-ayo" bo cang vang lhu: koung" keug yen" loo.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.