1Korinthians 2:13 - Lacid Common Language Bible

¹³ Houg: yoomo Venyi: ri shau" kham: yu ngoonu" yo" yu mo, nghoid nyid. da" deing: byeung" khyoo: joem ri- kho" kyo" nyid boem uri- ngoonu" gi byu yi da" phajhi" dang: yo' atid loo: za: Venyi wigi: jhoug" byid: da" dang: joem yo' dakho" kyo" nyid boem.

1Korinthians 2:13 ပူးပေါင်းရင်းမြစ်များ

1Korinthians 2:4

Ngoo tid kyo" ziyo' kho" kyo" da" mungdang: joem ri- byu yi da" phajhi" akhyoo" again ri aci: loo: za: Mangso Venyi da" yoem: vhoo" ri- bang da" sagsi: joem yo' ngoo kho" kyoo" bye.

1Korinthians 2:14

Hau: Venyi khyo" kangso adei mo, hang" nghoid loug we'- Mangso Venyi wigi: byid: da" jhung: shug ri ashau" kham: yu boem. Hau: gu: gi nya: shid re" akoo" apyoid da" khyoo: za: nghoid wigi- Venyi nheigloem: wigi: za:- hau: khyoo: ri yo" tid pang byid: nyid yoomo- nyang: gi hau: gu: ri se' gyoo: su: anghoid.

1Korinthians 1:17

Khasu" wim gari- Khristu ngoori nhang: kaid da" khyoo: gi Babtisma cang kham byid: yen" wa shid mo anghoid. Hau: da" ludang: gi ri- cang kho" kyo" yen" wa shid re" Khristu gi ngoori nhang: kaid. Nghoid loug we'- Khristu gi pyeing:" zeing tho' moo: shid: kham: jang" mo yoem: vhoo" gi akoem: za: abue" lo" byug wa shid re"- byu da" nhoid, khoin" thu: yoem: vhoo" ri aci: loo: za: ngoo kho" kyo" yen.

1Korinthians 2:1

Hougsu" nghoid yoomo mang: nhung" yi we"- Mangsoo yhoem" to" da" mungdang: tid kyoo" wa shid re" ngoo nanu" jang" moo: ju" re" uri- gye" no, da" dang: khoin" joem, yo' phajhi" yo' sen: da" dang: zeing khoin" joem ri ngoo aci.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

2PETRU 1:16

Ngoonu" da" Aseing Yesu Khristu da" yoem: moo" phung" yoeb yo' ju" re" da" khyoo: nanu" ri si' nhang: wa da" shid re" ngoonu" gi byu yi koid: zheung" koid to" da" moomyed: ri ayang: koid khyoo: akoid boem loo. Ngoonu" nya: myu, jid" yo' nyang:- nya: da" gyi: sheung reung: da" khyoo: ri nyang:- shau" myang boem bye.

Ephesu 5:19

Nanu" nyang: cang" nyang- coung" nghei da" jikhoin" dang- venyi loem" jeung" khyoo: yo' sen: da"-gyeungshang: da" lid' jhoem" dang: yo' tid go" nyid lho: nanu" da" emyid khoug: moo Mangsoo ri jikhoin" khoin" wigi coung" nghei nyid boem ge'.

1Korinthians 14:2

Gooki" lid' da" dang: ri se' tid su: gi gooji yo' doem' go" nyid zi anghoid. Mangsoo yo' doem' go" nyid zi nghoid. Khasu" wim ga: ri nya: da" dang: ri hang" we' ase' gyoo: byid nyang: gi Venyi yoem: vhoo" yo" sen: lho: dang: kang: no, da"- deingmain" khyoo: ri tid nyid zi nghoid.

1Korinthians 9:11

Ngoo gi nanu" moo: Venyi ashi" ri asain" to" lho: nanu" jang" mo moug: myid da" soidgain- akyu" jeju" ri ngoonu" shau" kham: yu nghoid rigi- ngoonu" ladu lid, da" khyoo: nghoid la"

LUKA 12:12

Nanu" Khasu" tid wa da" khyoo: ri gyeungshang: da" venyi: gi hau: uri jhoug" byid: loo wam bye: ga: tid.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.