1Korinthians 14:2 - Lacid Common Language Bible

² Gooki" lid' da" dang: ri se' tid su: gi gooji yo' doem' go" nyid zi anghoid. Mangsoo yo' doem' go" nyid zi nghoid. Khasu" wim ga: ri nya: da" dang: ri hang" we' ase' gyoo: byid nyang: gi Venyi yoem: vhoo" yo" sen: lho: dang: kang: no, da"- deingmain" khyoo: ri tid nyid zi nghoid.

1Korinthians 14:2 ပူးပေါင်းရင်းမြစ်များ

MARKU 16:17

Loem jeung" mo, gi he: da alhoo: again joem ri yo" koid va, nga" myeung khyang" khyo" wigi yu joem ri khaid thu' pyam boem wa nghoid. Hau: lho: goo" ki" lid da" dang: joem ri tid loo goo" wa.

ACTS 19:6

Polu da" lo, nyangnu" tho' moo ki" byid: lang" gyeungshang: da" Venyi gi nyangnu" da" atho' moo gyoo" lo wigi nyangnu" gi gooja: myeing" kaid' lo boem lho: Mangso mungdang: ri we' lapi: pe: lho: tid lo boem ago".

ACTS 10:46

Khasu" wim gari nyangnu" gi myeing" aja: ja: kaid' wigi Mangso da" gyi: thang phung" yoeb, ri gyisho' coung" nghei byid: nyid ziri nyangnu" shau" gyo: boem yoomo nghoid da.

1Korinthians 13:2

Ngoo gi lapi: se' pe: ziyo'- no, da" dang: kang dangain" ziri- se' myab, thang da" phajhi" aja" ja: yo' joeb, byeung" lho: wigi- boem, ri yo" doin: shu" pyam sho' da"- loem" jeung" emyid, boo nghoid loug we'- jheddab da" nheigloem: abo rigi: ngoo ci" we' anghoid.

1Korinthians 2:10

Nghoid loug we' Mangsoo koem gi nya: da" Venyi: khyo" wigi- nya: da" nghoeb, yhoem" to" khyoo: ngoonu" ri phang shug bye. Hau: da" Venyi gi ziyoo jo, moo: jo, ri za: we' anghoid- Mangso da" no, thang khyo" myid soin: to" khyoo: joem ri- cang phoid: sho: yu" nyid.

Pang Shug 10:7

Nghoid loug we' nyhed yug ein: da" moug: lagyoo:- nya: laboo" moid kaid' thang: ri Mangsoo gi nya: lapi: dei zoo: yi ri tid fu" nhang: bye: ziyo' dakhyoo" ti"- nya: no, thang da: khyoo: joem ri joeb, byeung" loo nhang: wa zi nghoid nyid ,, ga: tid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

1 TIMOTHI 3:9

Hougsu" toin" shid too" bye: da" loem: jeung" khyo: da" deingmain" khyoo: ri gyeungshang: da" nheigloem: yo' lhoem: kham: yu yu lho: loem" jeung" loem, khau: nyid mo, nghoid ca" boem.

KOLOSE 2:2

Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

Ephesu 6:19

Ngoo tid wa zi jen" uri mangsoo ngoori mungdang: byid: baja"- hau: ngei bu: lu dang: da" no, thang dangkang: ri agyug avoem, loo:- seing" yang" yang" yo" tid kyoo" sho' nga" shid re" we' akyu" bo mho' ge'.

1Korinthians 15:51

Tam" gyo: yu" ge'- dang: kang: no, da" deingmain" da" khyoo: dakhaid - nanu' ri ngoo tid kyoo" ba, - nyhang" dangain" bang: jha" shid: byug wa zi anghoid.

1Korinthians 2:7

Ngoo kho" kyo" da" phajhi" gi moug: myid byu yi asi' loo: sho' yhoem" to" da" Mangso no, thang phajhi" khyoo: nghoid- hau: zigi: moug: phain" myid aphain" shi" mo ngoonu" myonhoo: phung" yoeb, yo" kham: yu wa shid re" Mangsoo khyen: yu too" bye: zi nghoid.

Roma 16:25

Mangsoo: da" phung" yoeb myho, nhoo: ri ngoo nu" coung" nghei" boem shang ngoo khyo" kyo" tid Khristu Yesu da" lu dang: gi khyo" we' shid' phyang" pyaid mo, zau" to" da" no thang deungmain" tarha" khyoo: ri toin" shid' khyo" we' Mangsoo: gi ngoonu" da" loem jeing" khyoo: ri o" geing: teing nhang.

ACTS 22:9

Ngoo yo' dage" do, loo" bang: gi hau: da" bidbang ri myang boem nghoid loug we' ngoori dang: tid nyid su: da" thui: rigi ashug" gyo: boem nghoid ago".

MARKU 4:11

Houg: lang" nyang: gi nyangnu" ri Mangso mungdain: yo' sen: da" no, thang khyoo: ri se', gyoo: wa da" akhang"- nanu" shau" yu boem bye: go"- nghoid loug we' hau: da" akhang" ri ashau" yu mo, gootu: byu yi koem gi qei: shoem dang: tu khyo" za: se gyo: yu boem.

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

COUNG" NGHEI 78:2

Ngoonu" da" nya: phoug" nya: pho, bi" ngoonu" ri tid kyoo" bye: yoomo ngoonu" se' too" bye: da" moo" zoo" jid: zoo" joem yo' lai loo bye: pyaid mo yhoem" to" da- mau" pho" khyoo: joem ri phajhi" dang: joem yo' nanu" ri ngoo tid kyeung kyoo" ba.

TARHA" TID POIN" 28:49

Aseing gi nanu" ri thougtheung wa shid re" nanu" ase' gyo: da" myeing" ji da" byumyu" damyu" ri mougmyid athang: mo shu" loo byid: wa zi nghoid. Nyangnu" gi zoin bung: yo' dakhyoo" ti" nanu" atho' moo re" dang: thei" wa zi nghoid.

APOEM AYANG: 42:23

Yoseb gi nyangnu" citid go" nyid ziri se'- nghoid loug nyangnu" gi hau: ziri asi'. Khasu" wim ga: ri nyangnu" gi nyang: yo' dang: di" de" byid: su: dayug khyo" dang: dashau" ji boem yoomo nghoid.

APOEM AYANG: 11:7

Nyangnu" dayug yo' dayug myeing" azhung" go" sho' nyhang" gyoo" yhe: lho: nyangnu" da" myeing" ri lhu: nhung pyam byid: shang» ga: tid.

1Korinthians 14:16

Nanu" gi Venyi khyo" za: Mangsoo ri jeju" boin: da" dang: tid nghoid rigi- akyu" mho' phung: moo: bo nyid da"- phung: byu dayug gi nanu" tid da" dang: ri ase' gyoo: yoomo- nanu" da" jeju" boin: akyu" mho' da" dang: ri- khasu" wigi: Amen, ga: yo" bo tid wa la"

2 KHOKHAM 18:26

Hau: thang Eliakim- Shebna yo' Yoah bang: gi hau: gyizoug: phoo ri «Ludaid phoo we"- ngoonu" ri Aramid myeing" ji we' Houg ziri ngoonu" se' gyo: da" Hebre myeing" khyo" aji goo". Vang khyam: tho' moo nyid boem da" byu yi shau" gyo: nyid boem ago"» ga: tid.

1Korinthians 12:10

Hau: Venyi wigi nyang- dayug rigi: mau" pho" alhoo: again yo" koid shug wa da" yoem: vhoo"- gootu: dayug rigi: lapi: wa da" akhang" gootu: dayug rigi- Venyi mo yo" yu da" yoem: vhoo" yo' Venyi khyo" anghoid da" jhung" shug joem ri se' yu" phoid: kho' se' da" yoem: so'- Gootu: dayug rigi:- myeing" aja" ja: se' kaid da" yoem: so' yo' gootu: dayug rigi: tid da" dang: khoin" mo dang: kang: joem ri se' phoid: kyo" da" yoem: vhoo" byid: to.

1Korinthians 12:28

Mangsoo gi hau: da" phung: moo- daloem: ein: jang" moo: Lagyoo: yi-eig loem" ein: joyoo moo gi Lapi: yi- soem" loem: joyoo moo: gi Sara yi hau: thang: ri alhoo: again toin" shid' mo hau: thang: moo: byu gooji ri yo" pang" yo" thoug khyoo: se' toin" shid' mo hau: thang: moo:-noo phyoo" joem ri se' gai gi byid: da" yoem: boo bang- mung main: dang: se' tid da" ludaid' yi yo' gooki" lid' da" dang: aja: ja: se' tid mo, ri we'- nya: joyoo moo: nyid nhang: bye.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

1Korinthians 14:26

Houg: yoomo mang: nhung" yi we"- ngoo tid nau khyoo: gi hidsu" nghoid. Nanu" noku wa ga: zeung: foem: to" uri- dayug gi jihkoin" shu" vhu" shi: baja" Gootu: dayug gi jhau" byid: khyoo- gootu: dayug gi Mangso jang" mo yoeb, myang dang hau: lho: gootu: dayug gi gooki" lid' da" dang: yo' tid da" mungdang- hau: lho: dayug gi hau: mungdang: da" dang: kang: ri phoid: kyo" da" moo" ri voin, vu, nyid ge'. Nanu" zei: da" moo" dangain" gi hau: phung ri pang" thoug geung: teing nhang: da" shid re zei: so' nyid ge'.