Yohane 7:39 - Laghano Lya Sambi Kwe Iwanu Wose

³⁹ Yesu tsayang'ali yolonga mbuli tse Ghumuhe, yawatsombokela iwanu awala iwomtoghola. Mbaka litsuwa lila iwanu tsawang'ali ng'aweng'ighwe bae Ghumuhe, kwaapfila Yesu tsakakala ng'ana yatunitsighwe ne Imulungu.

Yohane 7:39 ပူးပေါင်းရင်းမြစ်များ

Matei 16:14

Wamwidika, “Iwanu wangi wolonga Yohane Mbatitsa, wangi wolonga Eliya, wangi wolonga Yeremiya au yumwe wa nabii.”

Matei 21:11

Iwanu wawedika, “Ayuno nabii, Yesu wa Natsareti ya Galilaya.”

Luka 24:49

Na nene imwenyegho nitsowaghalila ayula Aba wangu yalongile katsomtuma. Lekeni mwemwe mbete mne bululu mbaka mtsokwing'ighwa ila ingupfu kulawa uchanya.”

Luka 3:16

Baho Yohane kawalongela wose, “Nene nowabatitsa mwemwe kwa ghamatsi, lekeni kakutsa yane ngupfu kubita nene, nene sidaha bae kumdoholela mitsabi ye imikwabatsa yake. Ayo katsowabatitsa kwa Ghumuhe ghwe Imulungu na kwa ghumoto ghwa kuhigha.

Luka 7:16

Iwanu wose wapfuka na wamtunya Imulungu. Walonga, “Nabii mkulu katulawila mghati mwetu. Imulungu katsa kuwapfila iwanu wake.”

Yohane 1:21

Wamghutsa, “Lelo ghweghwe uli nani? Pfii ghweghwe kwa Eliya?” Yohane kawedika, “Mbe, si nene bae.” Wamghutsa keli, “Lelo ghweghwe kwa ayula Nabii iyalongighwe katsakutsa?” Kawedika, “Bae.”

Yohane 1:25

wamghutsa Yohane, “Ka ghweghwe si Kiristu, wala Eliya, wala ayula Nabii, ule kwobatitsa?”

Yohane 1:33

Nene tsasimmanyile bae, lekeni ayula iyanitumile kubatitsa kwa ghamatsi kanongela, ‘Imunu yutsomwona Ghumuhe Mwenzeluka komhulumkila na kukala mchanya mwake, ayo katsobatitsa kwa Ghumuhe Mwenzeluka.’ ”

Yohane 12:16

Mwanduso iwanang'ina wake ng'awamanyile bae mbuli tsino. Lekeni Yesu hayatsilihuke na kutunitsighwa, iwanang'ina wakumbuka Ghamaandiko Mahenzeluka ighalongile mbuli tsake na ka wanu wamtendela pfinu apfo.

Yohane 12:23

Yesu kawedika, “Chipindi chipfika che Imwana we Imunu kutunyighwa!

Yohane 14:13

Nitsowatendelani chochose chamlomba kwa taghwa lyangu, ili utunitso wa Aba woneke kubitila Imwana.

Yohane 14:26

Aba wangu katsowatumila Mwapfitsi, Ghumuhe Mwenzeluka kwa taghwa lyangu, katsowalangulitsa mmanye ipfinu pfose na kuwatenda mkumbuke chila ichinu chaniwalongele.

Yohane 16:14

Hayo katsonitunya nene, kwaapfila katsowalangulitsa ghose ghayapatile kuna nene.

Yohane 16:7

Lekeni nowalongela ghendo, pfinogha kuna mwemwe nene mbuke, kwaapfila ka sikuka bae, Mwapfitsi ng'atsowatsilani. Lekeni ning'aghenda, nitsomghalilani.

Yohane 17:1

Yesu hayamalitse kulonga ghano, kalola kulanga kalonga, “Aba, chipindi chipfika. Watende iwanu wawone utunitso wa Imwanagho ili wawone utunitso wako kubitila Imwanagho.

Yohane 17:5

Aba! Lelo unitunye, utunitso uhula yaning'ali nawo hamwe naghwe hala ng'ana iisi ilumbighwe.

Yohane 20:22

Kuya kawahumulila, kawalongela, “Bokeleni Ghumuhe Mwenzeluka.

Yohane 6:14

Iwanu hawonile pfihulo ipfitendighwe na Yesu, wandusa kulonga, “Kweli ayuno ka nabii iyakutsa muisi.”

Yohane 7:12

Mne likingili, iwanu wang'ali wenong'onetsa mbuli tsa Yesu. Iwanu wangi walonga, “Imunu yuno kanogha.” Wangi wedika, “Mbe, kowaghitsa iwanu.”

Yohane 8:54

Yesu kawedika, “Ning'etunya imwenyegho, utunitso wangu si chinu. Aba wangu yamumkema Imulungu wenu, yeye iyo yonitunya.

Ghamatendo 19:2

kawaghutsa, “Angu tsamumbokela Muhe Mwenzeluka hala hamtoghole?” Wamwidika, “Mbe, hata kuhulika ka kuna Ghumuhe Mwenzeluka ng'ana tuhulike bae.”

Ghamatendo 2:17

‘Imulungu kolonga, mne matsuwa gha utsighilo nitsowamwaghila iwanu wose Ghumuhe ghwangu. Iwana wenu na neghe tsenu watsopeta mbuli yangu, iwasongolo wenu watsakona ghamaono, ne iwabala wenu watsolota tsindoto.

Ghamatendo 2:33

Naye Yesu henulighwe na kwikighwa lubali lwa kujilo lwe Imulungu, kabokela Ghumuhe Mwenzeluka kulawa kwa Aba wake ka pfayatulongele. Kuya katughalila Ghumuhe ayo, na acho chicho chamchona sambi na kuchihulika.

Ghamatendo 2:38

Petiri kawedika, “Chila imunu yatsileke nzambi tsake, mbatitsighwe kwa taghwa lya Yesu Kiristu, na Imulungu katsomleghusilani nzambi tsenu. Namwe mtsobokela laghano lye Imulungu, iyo Ghumuhe Mwenzeluka.

Ghamatendo 2:4

Wose tsawamemesighwa Ghumuhe Mwenzeluka, wandusa kulonga lugha tsingi ka Ghumuhe Mwenzeluka pfayawatendile wadahe kulonga.

Ghamatendo 3:13

Imulungu wa Abrahamu, Isaka na Yakobu, Imulungu we iwabala wetu, tsakamtunya Yesu imtumighwa wake, ila mwemwe mumghogha ili yakomighwe, namwe mumlema hambele ha Pilato, lekeni Pilato tsakabama yamlekelele yoke.

Ghamatendo 4:31

Hawamalitse kulomba, hanu hala hawatinganile tsahahighisighwa. Wose wamemesighwa Ghumuhe Mwenzeluka, na waghendelela kulonga imbuli ye Imulungu bila kupfuka.

Waroma 8:9

Lekeni mwemwe, Ghumuhe we Imulungu ang'akala mghati mwenu, ng'amlongotsighwa bae na lukuli, ila mwolongotsighwa ne Ghumuhe. Ka imunu wowose kahela Ghumuhe wa Kiristu, ayo si munu wa Kiristu bae.

2 Wakolinto 3:8

pfii lelo sang'ano ya Ghumuhe ng'aitsokuwa ya utunitso mkulu bae?

Waefeso 4:30

Mleke kumghela usungu Ghumuhe Mwenzeluka we Imulungu, mana yeye ka chitango che Imulungu kuna mwemwe ka mwemwe mwa wanu wake, naye kolangusa ka litsuwa lyakutsa Imulungu katsomkombolani.