Ughubulo 8:13 - Laghano Lya Sambi Kwe Iwanu Wose

¹³ Kuya handolile kulanga, nihulika chitema yumwe koghuluka kulanga ghendo aku kokemelela, “Maghayo! Maghayo! Maghayo ghatsakuwa kwe iwanu iwokala muisi hala wamalaika wadatu iwasighale hawatsotowa malati tsawo!”

Ughubulo 8:13 ပူးပေါင်းရင်းမြစ်များ

Waeburaniya 1:14

Lelo kuya wamalaika tsina nani? Wawo muhe iwomsang'anila Imulungu, na waghalighwa nae kuwapfila awala iwatsobokela ukombotsi.

Ughubulo 11:14

Ghayo lya keli lifosa, ghayo lya kadatu lyakutsa sambi.

Ughubulo 12:12

Apfo udeng'elele, ghwe kulanga na mwemwe yamkala ako! Lekeni mtsoghaya yamli muisi na mwibahali, kwaapfila Yehile kawahulumkilani, naye kana maya ng'ulu, kwaapfila komanya ka ghamatsuwa ghake gha habehi kumala.”

Ughubulo 14:3

Nawo wemba wila wa sambi hambele he chighoda che undewa, na hambele he pfilumbe wane iwane ughima na wala iwabala. Kuduhu imunu iyadahile kwilangulitsa wila awo, ila iwanu awo laki imwe na elufu alubaini na nne iwaghombolighwe muisi.

Ughubulo 14:6

Kuya nimwona malaika yungi koghuluka kulanga, naye kana Imbuli Inoghile ya matsuwa ghose yo ukuwapetela iwanu iwali muisi, kwa chila isi, kabila, lugha ne lukolo.

Ughubulo 19:17

Kuya mbona malaika yungi iyemile mna litsua, iyawakemelele wapfideghe iwoghuluka kulanga, “Mwitingane hamwe mtse kune chihungo chikulu che Imulungu.

Ughubulo 3:10

Kwaapfila kughakinda ghamalaghitso ghangu kwa ukududumila, nene nitsokulolesa chipindi cha maghayo ichikutsa muisi mwose, kuwaghetsa iwanu wose.

Ughubulo 8:2

Kuya niwona wamalaika saba iwemile hambele he Imulungu, tsaweng'ighwa malati saba.

Ughubulo 9:1

Kuya malaika wa tano naye tsakatowa malati yake, mbona inondo iilaghale muisi kulawa kulanga. Nayo ing'ighwa upfughulo wa lwina lwa kwingilila mne lipondo lyang'alitsigha.

Ughubulo 9:12

Ghayo lya mwanduso lifosa, ghang'ali maghayo meli, nagho ghakutsa hambele hake.