Ughubulo 6:6 - Laghano Lya Sambi Kwe Iwanu Wose

⁶ Nihulika ka litsi ililawile haghatighati ha pfilumbe wala wane, tsalilonga, “Chibaba chimwe cha utimbo we ngano kwa sendi ya maliho gha tsuwa limwe, na pfibaba pfidatu pfa shayili kwa sendi ya maliho gha tsuwa limwe. Lekeni uleke kuhinya ghamafuta wala idipfai!”

Ughubulo 6:6 ပူးပေါင်းရင်းမြစ်များ

Matei 24:7

Isi ingi itsetowa na isi ingi, undewa ungi witsetowa na undewa ungi. Kutsolawila inzala ng'ulu na mdedemo we isi chila hanu.

Ughubulo 4:6

Hambele he chighoda acho che undewa mbona chinu ichoneke ka ibahali ye chiyoo, yoneka ka libwe iling'ala. Haghatighati, kutsunguluka chighoda acho tsakuna pfilumbe wane iwali ne ughima. Tsawana tsinenge nyingi kuchihanga na kuchugho.

Ughubulo 4:8

Pfilumbe wose wanne, chila yumwe tsakana pfipamanilo sita, pfipamanilo apfo pfimema tsinenge kunze na mghati. Chilo ne imisi ng'awalekile bae kulonga, “Mwenzeluka, mwenzeluka, mwenzeluka, Imtwatsa Imulungu Iyane Ngupfu, yakalile baho, yali baha na iyokutsa!”

Ughubulo 7:3

Malaika yula kalonga, “Mleke kuhinya iisi wala ibahali wala kulagha imibiki mbaka twike ichitango mne pfihanga pfe iwatumwa we Imulungu wetu.”

Ughubulo 9:4

Walongelighwa waleke kuhinya mitsani yoyose au ghummeya ghwoghwose au mbiki ghwoghwose, ila wawalaghe iwanu wala iwalihela chitango che Imulungu mna pfihanga pfawo.