Ughubulo 5:9 - Laghano Lya Sambi Kwe Iwanu Wose

⁹ Nao wemba wila uno wa sambi. “Ghweghwe kutogholighwa kuchisola chitabu na kubandula gundi tsake. Kwaapfila tsakuchinjighwa, kwa idamu yako tsakumghombolela Imulungu iwanu kulawa chila kabila, chila lugha na iwanu wa chila langi, na chila isi.

Ughubulo 5:9 ပူးပေါင်းရင်းမြစ်များ

Matei 20:28

Pfipfo ka Imwana we Imunu, ng'atsile bae kutumikighwa, ila kutumikila na kulapfa ughima wake kuwakombola iwanu wengi.”

Matei 26:28

“Aino iyo idamu yangu ye lilaghano, iikwitike kwaajili ya wengi kuleghusighwa nzambi.

Ghamatendo 20:28

Mwalangitse iwenyegho, na muwalolese iwanu wose awala Ghumuhe Mwenzeluka iyamwikeni muwalongotse, muwadime awala iwomtoghola Imulungu iyawaghulile kwa idamu yake imwenyegho.

1 Wakolinto 6:20

Kwaapfila tsamghulighwa kwa bei ng'ulu, apfo mumtunye Imulungu kwa ng'uli tsenu.

1 Wakolinto 7:23

Imulungu kamghulani kwa bei ng'ulu, lelo mleke kuwa watumighwa we iwanu.

Waefeso 1:7

Mana kwa idamu ya Kiristu twetwe twoghombolighwa, twoleghusighwa nzambi tsetu. Apfi pfipfo pfauli ukulu wa uluso wake,

Waefeso 5:19

Mwilongele kwa mbuli tsa Tsaburi na nyila tse chimuhe. Mwimbileni Imtwatsa, mdeng'eleleni mne mimoyo yenu.

Wakolosai 1:14

kubitila yeye twokombolighwa, twoleghusighwa nzambi.

Wakolosai 1:23

Mwobamighwa kughendelela ne ukwikindilisa mne ukutoghola, mleke kutoghola kuhighisighwa kulawa mne lolelo lila lyampatile hala hamuhulike Imbuli Inoghile. Nene Pauli nendighwa niwe mtumwa we Imbuli ayo Inoghile iipetighwe kwe iwanu wose mne iisi yose.

Tito 2:14

Yeye tsakelapfa imwenyegho kwaajili yetu ili atughombole kulawa mne ghehile ghose na kututenda tuwe iwanu wahenzeluke iwali wake yeye mwenyegho, iwanu iwosulukila kutenda ghanoghile.

Waeburaniya 11:14

Iwanu awala iwolonga apfo, wakoneka ka woibama isi yawo iwenyegho.

2 Petiri 2:1

Tsakulawila manabii wa ughutsu mna iwanu, pfipfila watsolawila walangulitsi wa ughutsu mna mwemwe. Iwanu awo watsokwingitsa ghamalangulitso ghe ughutsu ighokoma, na kumlema Imtwatsa iyawaghombole, apfo watseghalila iwenyegho ukuhinyika ing'akukawa bae.

1 Yohane 1:7

Lekeni ka twakwanga mne ghumwanga ka yeye pfayali mne ghumwanga, twakuwa chinu chimwe, na idamu ya Yesu, iyali Imwanaghe, wotutenda twele tsinzambi tsetu tsose.

1 Yohane 2:2

Kiristu imwenyegho iyo iyatendile tuleghusighwe nzambi tsetu, si nzambi tsetu twetwe tuliyeka, ila pfipfila nzambi tse iwanu wose mne iisi yose.

Ughubulo 10:11

Kuya nongelighwa, “Kobamighwa ulapfe keli unabii kwa mbuli tse tsiisi tsingi, makabila mengi, iwanu wa lugha nyingi ne iwandewa.”

Ughubulo 11:9

Iwanu kulawa chila isi, chila kabila, na chila lugha, chila lukolo watsotsilolesa ng'uli tsawo kwa matsuwa madatu na nusu, nawo watsolema kuwatsika.

Ughubulo 13:7

Naye tsakeng'ighwa ingupfu ye kwitowa ne iwanu we Imulungu na kuwahuma. Keng'ighwa uwetso kwa chila kabila, chila isi, chila lugha na lukolo.

Ughubulo 13:8

Iwanu wose iwali muisi watsomtamanila, iwo awala yang'awandikighwe kulawa iisi hailumbighwe mna chitabu cha ughima cha Mwanang'olo iyachinjighwe.

Ughubulo 14:6

Kuya nimwona malaika yungi koghuluka kulanga, naye kana Imbuli Inoghile ya matsuwa ghose yo ukuwapetela iwanu iwali muisi, kwa chila isi, kabila, lugha ne lukolo.

Ughubulo 15:3

wemba wila wa Musa, mtumwa we Imulungu, na wila wa Mwanang'olo, walonga “Ghwe Imtwatsa Imulungu Yune Ngupfu, ghutendile makulu na ighokangawatsa Ghweghwe Mndewa wa tsiisi tsose, nzila tsako tsa haki na tsa kweli.

Ughubulo 17:15

Kuya malaika kanongela, “Ghamatsi ghala ghawonile hala hayokala pinga yula chiweghe, iyo mitingano ye iwanu we tsiisi tsose, kolo tsose na lugha tsose.

Ughubulo 4:11

“Imtwatsa wetu na Imulungu wetu! Kunogha kutogholighwa, kubokela utunitso, ukuteghelesighwa na ngupfu. Kwaapfila tsakulumba pfinu pfose, na tsawalumbighwa ka pfaubamile na pfabaha.”

Ughubulo 5:12

walonga kwa kukemelela, “Mwanang'olo iyachinjighwe kotogholighwa kubokela ngupfu, mali, mbutsi, bapfu, heshima, utunitso na ukutogholighwa!”

Ughubulo 5:6

Kuya nimwona Mwanang'olo, kema haghatighati habehi ne chighoda che undewa, katsungulukighwa na pfilumbe wane ughima wanne, na wala iwabala. Mwanang'olo ayo tsakoneka ka kachinjighwa. Yeye tsakana membe saba na nenge saba itsili muhe saba tse Imulungu itsitumighwe muisi mwose.